خاص ببنات المنتدى(ممنوع دخول الشباب)

خاااص ببنات المنتدى (ممنوع دخول الشباب )

اولا كيف حالكم يالبنيات كلكم مودي اقول اسماااء اخااااف انسى احد وتزعلن (اعرفكن حريم )

اللحين انا مسوية لكم موضوع للنــــــــســــــــــــاء فقط (يعني فكن عبايتكن وتربعن )

يابنات لاتخلوون عبايتكم مع بعض اللحين تتلخبط ونبلش

اللي تبي شاي تصب له وترى فيه حلبه وكمون للي تبغى


اوكي ياالله ببدا بالموضوع

لو مثلا انتي كنتي طفشااااانه ونايمه لظهر ويوم صحيتي لقيتي اهلك صاحين وجالسين يتغدوون قمتي جلستي معهم وانتي واصلة معك الا امك تناظرك وتضحك وانتي كل شوي تعدلين بشكلك تحسين فيكي شي غلط ويوم خلص ابوك من الغداء وقام هو واخوانك
التفتت عليكي امك وقالت لك :مبرووووك يابنيتي
انتي : مبروووك على ايش (طفشانه ومالك خلق )
امك : اليوم كلمتني مرة تبيك
طبعا راح تتغير ملامح وجهك ويروح الطفش ويصير وجهك بس بتستحين من امك وبتخلين وجهك كذا وبتقولين
انتي : وش تبي الحرمة (انواع الاستهبال)
امك : تبيك تكنسين حوشهم وش تبي يعني تبي تبلي ولد الناس بك
انتي : يعني تبي تخطبني (بريئة مرة )
امك : ايه وش قلتي
انتي : ماابغى اعرس (مسوية قوية وماهمك)
امك : طيب برسله لبنت خالك ( حشا صاااار ايميل مو ولد )
انتي : ياحليس يمه تراني امزح على طول تصدقين
المهم بعد يومين دقت ام المعرس
ام المعرس : الووووو (متحمسة) وولدها جنبها
امك : الوووووو
ام المعرس : وشلونكم
امك : طيبين
شكلي بطولها المهم بوصلكم للزبدة (صارت مكرونه بالباشميل )
ام المعرس : وش قلتوااااااا
امك : موافقين
ام المعرس : اجل ترى يوم الخميس بيجي ولدنا يشوووف بنتكم
امك : اوكي ( عادي امك متطورة )
المهم خلصوووووو وانتي بدا قلبك يفرفر اليوم الثلاثاء ويوم الخميس قريب

سؤااااااااالي هنا ابغى اعرف وش بتسوين من يوم الثلاثاء للخميس ويوم الخميس بالذااااات وش بتسوووووين ؟؟؟؟؟؟؟

يالله عاد يابنات ابغى اشوووووووف ردودكم ؟؟؟؟؟

واللي ترد يارب تعرس بعد شهر او شهرين(للمتخرجااااات ) او سنه او سنتين (للطالبات )

بااااااااااااي