خاص ببنات قطر او زوارها

هلا يالغاليه اسألي وتدللي
وانا باحاول ارد على اللي اعرفه من اسألتج
1 بالنسبه للشقق ماعندي فكره لكن لو تبين فنادق اقدر افيدج
2 المطعم اللي بفندق الرتز رهيب وعندج المطعم اللي بفندق البستان ومطعم بخارا جنب نادي الدانه ومجموعه المطاعم اللي بالماريوت رهيبه وجوها رومنسي وهادي وعندج المطعم اللي بالشرتون ومطعم فينيسيا والخيمه والمجلس بشارع السد ومطعم بالهمبار في الكورنيش ومطعم البندر على البحر عند نادي الصقر والمطعم اللي بنادي الجولف يمدحونه وايد وووووووووو ماذطر شي حاليا لين ذكرت باكتبهم لان الدوحه مليانه مطاعم
3 الاماكن الترفيهيه مثل جنغل زون بحياة بلازا ومملكة علاء الدين وجزيره النخيل والكورنيش وحديقة البدع وغير اماكن الالعاب اللي بالمجمعات وعندج مدينة العاب الدوحه وحديقه الوكره وحديقة الحيوان وبحر مسيعيد وشاليهات سيلين وشاليهات الغاريه روووعه والمقاهي عندج واحد على الكورنيش ناسيه اسمه وعند اسارات رمادا فيه مجموعه كبيره من المقاهي الراقيه جدا وعندج واحد قريب من شارع السد اعتقد اسمعه باتيسري
4 الاسواق عندج سوق الجبر وسوق العسيري وسوق فالح وسوق الاحمد وسوق واقف كلهم جنب بعض تقريبا واما المجمعات فعندج الستي سنتر والمول واللاند مارك ورويال بلازا ....
5 اماكن تصلح للفطور مثل اوبرا والبتيل واللي فرانس والنادي الدبلوماسي وانتركونتيننتل ....

هاذا اللي حاضرني الحين واذا ذكرت شي باكتبه لج واتمنى انج تستانسين بالدوحه وتعجبج ان شاء الله :27:

ماشاء الله الأخت كفت ووفت بس أحسن مكااااااااان للسكن هو الريتز كارلتون
المجمعات مثل ماقالت سيتي سنتر ولاند مارك أحلى شئ
المطاااااااااعم نفس الأماكن اللي ذكرتها روح الحبايب بس عندك المطاعم والجلسات اللي بالريتز مررررررررررة حلوة ورايقه
رحله موفقه
تحياتي

بالنسبة للشقق في شقق الاجنحة الملكية بس بصراحة مادري كيف من داخل...بس الافضل تاخذون فندق ويكون الريتز لانه وايد حلو...
بالنسبة للمطاعم طبعا البطروس في فندق البستان ( لبناني ) بس اكله شي عجيييب وتراه هادي وممكن يحطون بارتشن لو كنتي منقبه عشان تاكلين على راحتج...وفي مطعم ثاني اسمه هوى بيروت بعد لبناني ..ويمدحونه بس ماجربته لكن زوجي كان مسوي عزيمة في رمضان وحاجز المطعم ويقول اكلهم كان وايد حلو..
وبالنسبة للفطور عندج منت كافيه هذا في مجمع جديد عند اشارات رمادا كله مطاعم..والصراحة ماجربتهم كلهم بس انتوا شوفوا ايش اللي يعجبكم شكله وجربوه..وبعد عندج هيديارد وفوشون...واوبرا..
بالنسبة لمطاعم الفنادق مانصحج بالريتز اكلهم مو لهناك بس احلى شي الماريوت للغدا او العشا ومكانه رايق..
وعندج مطعم في ملعب الغولف وهذا لازم تجربينه لان مكانه رهييب خصوصا في النهار وتقعدون في التراس وجدامكم اللون الاخضر الرهييييب والجو حلو...
بالنسبة للسوق الكشخى عندج مجمع امبريم هذا كله ماركات مثل كنزو وموسكينو وماكس مارا واسكادا
وفي محل اسمه جلامور في شارع سلوى جنب هيديارد هذا يبيع ماركات مختلفة وملابس سهرة وشنط واحذيه
وعندج بوتيك فيلامودا في الريتز كارلتون بعد يبيعون شنط اخر موديل( جوتشي وبرادا وفيندي)
اذا تبين تقليد الماركات بتلقين في محل الشاهين
اماكن ترفيهية للاطقال عندج جنغل زون وملاهي علاء الدين...والعاب الستي سنتر..واللاند مارك