ترى العنصرية موجودة عندنا في الخليج بشكل عام و في السعودية بشكل خاص
حتى في المنتدى بما اني متابعتو من زمان لا حظت عضوات كثير فيه يحتقرو الناس السمر و يعيبو فيهم
و مهما الواحد حاول يخفي الحقيقة فهي موجودة للاسف الشديد
انا لما كنت ادرس في المدرسة كنا ماشاء الله شلة كبيرة بنات بيض و سمر سعوديات و عربيات و ما كنا نفرق بين بعض
لما دخلت الجامعة و لان ما فيها يدرس غير السعوديات تعالي شوفي العنصرية على اصولها من الغالبية
كل ما شافوا بنت سمرة قعدوا يضحكوا عليها و على مكياجها و لبسها و لو ما تكلموا تلاقي نظراتهم تعبر عن احتقارهم لهذي الفئة
لدرجة لما وحدة فيهم تصادق بنت سمرا تلاقيها تضحك معاها و تسولف عادي و من وراها تضحك مع صحباتها عليها
و الا تلاقي صحباتها يهاوشوها و يقولو لها اش قعدك مع العبده هذي
و عندنا دايما لما تصير مشكلة بين واحد ابيض و واحد اسمر اول كلمة يقولها الابيض للاسمر روح يا عبد و الا يا خال
و غيرها من الالفاظ اللي تدل على قلة عقل و ادب صاحبها
بالنسبة لموضوع النصيب
النصيب مش واقف على لون دون الاخر و لو الزواج مكتوب للبيض ما كان اي بنت سمرا في هذا الوجود تزوجت و كان سلالة الافارقة اختفت من زمان
بالنسبة لنا في الغربية فيه عنصرية بس من ناس قلة عكس اللي اشوفها في مناطق المملكة الثانية تكون بنسبة كبيرة
حتى عندنا كثير بيض سعوديين او عربيين او اجانب يتزوجوا بنات سمر و مرتاحين معاهم
الوحدة تكون واثقة من نفسها و ما يهمها احد لان الناس راح تتكلم حسب تربيتها و بيئتها اللي عاشت فيها

اخت ضيم مافهمت

أحس الناس إلي يتكلمون بهذي المواضيع ماتوا الحين البيض يسمروووون روحهم برونز

موضوع صحيح كلامك كلو في محله كلنا بالاخير عباد الله باختلاف الواننا اشكالنا وجنسياتنا وبتفاوت جمالنا

اخلاقنا وطيبه نفسنا هي اللي تحبب العالم فيني وغير كدا ما يهمنا كلنا عباد الله بنتحاسب كلنا زي بعض باعمالنا مو باختلاف الاشكال والالوان والجنسيات

كلنا بالاخير نوقف بالصلوات بالمساجد مع بعض جنب بعض مافي فرق بيننا ولا في منازل وطبقات كلنا واحد والله عند ربنا

الله يهدي الجميع فعلا ياريت نبطل نفكر بالطريقه دي خلقه ربنا جميله والرضى فيها اجمل واجمل وقول الحمدلله احلى واحلى لان غيرنا كتييييييييير يتمنوا ربع اللي عندك من جمال

الحمدلله

؛



آنآ آكثر الجميلات اللي شوفتهم
برونزآجيـآت وحنطيـآت وقمحيآت :love:
وآكثر الجآذبيه والدلع والملح كله تلقينهآ فيهم (: