خاص حق بنات قطر (( شوفو أيش لقيت في الجمعية ))

مرحبا الجميع
شلونكم عزيزاتي حبيت أقول لكم عن تجربتي في هذا الصيف

الله يسلمكم أول ما بدت الإجازة قررت أهتم بنفسي :icon33: والله والاهتمام أول أسبوع بس
المهم رحت الجمعية أدور صابون الغار ولقيته لكن لقيت بعد مجموعة من الصابون العربي
يعني مصنوع في سوريا وانتو تعرفون فايدة الصابون الطبيعي

المهم شريت مجموعة منه لكن شاقول لكم كلمة فضضضضضضيع شوي عليه

الصابون اسمه (( الوصفة الملكية )) وفي منه أنواع أنا خذيت منها أربع

* الوصفة الملكية 2 : وهي عبارة عن زيت الحبة السوداء اللي يقوي الشعر ويغذي البشرة وزيت غار كسب اللي يطهر ويعقم الجسم زيت الزيتون النقي اللي يقوي الشعر ويعطيه لمعان وليونه

* الوصفة الملكية 3 : وعبارة عن زيت النعناع اللي يزيل قشرة الشعر ويغذي البشرة ويرطبها وفيها زيت غار كسب وهي عبارة عن مادة مطهرة ومعقمة وبعد زيت الزيتون يعطي الشعر قوة ولمعان ويمنع تقصفه

* الوصف الملكيه 5 : وهذي عاد شاقول لكم عن ريحتها تهبل جنها ريحة ثياب الياهل الصغير ومن مكوناتها : حليب طبيعي اللي يرطب البشرة وفيها زيت الزيتون وزيت اللوز وزيت النخيل وزيت الخروع وزيت جوز الهند الطبيعي ومثل الباقي مفيدة للشعر والبشرة وتصلح أكثر شي للبشرة الجافة إن كان للجسم بس أنا استخدمها حق ويهي مع غن بشرتي مختلطة لكن تجنن .

وأحسن وحدة فادت معاي واللي فعلا نتايجها رهيييييبه

* الوصفة الملكية 10 وتنفع جدا للبشرة الدهنية وحب الشباب ومكوناتها: عشبة الكركم ( الورص ) تنعم الشعر وتمنع تقصفه وتعالج حب الشباب وتزيل الزيوان والنمش والله ان حب الشباب اللي في ظهري نشف وخف عن قبل مع ان بشرتي غليظه وما في شي يفيد معاها حتى خلطة شالسالفه ما فادت معاي
وفيها زيت جوز الهند السابق الذكر وزيت الزيتون وعلى فكرة

تراني استخدمت كريم يبيض منطفة الأبط عندي لأن لونه ما له خص فيني

المهم النتيجة كانت حساسية وحكة وتقشر وزاد لون السواد ومت من الحكة اللي ذبحتني :D لكن مع هالصابونه من اول مرة خفت الحكة ومن ثاني مرة راحت الحساسية



أدري طولت عليكم بس الصراحة الصابون فضيع ويعطي نظافة واسفة على الإطالة


اختكم : ريـــــــنا :27: