شكرا لكل الغاليات اللي ردوا علي المعرس من أهل رياض الخبرا والعروس حربية من المدينة واكيد شخصية الرجال والتزامه توضح اكثر بمكان عمله والمسجد اللي يصلي فيه لكن انا ودي تساعدوني بعادات تهل المنطقة يعني يسمحوا لبناتهم بنظرة شرعية..... مثلا عندنا عادي النظرة الشرعية ويوم الملكة يتزفون مع بعض اذا كانت الحفلة كبيرة ويلبسون الدبل ويتصورون وفي زيارات في الملكة ومكالمات لكن ممنوع تطلع معاه قبل العرس وحفلة العرس على المعرس كل شي وتزور اهلها بعد العرس بأسبوع وتأخذ معاها هدية لأمها..
هذي تقريبا عوايدنا فياليت اذا في اختلاف توضحون لي
شكرا لكل الغاليات اللي ردوا علي المعرس من أهل رياض الخبرا والعروس حربية من المدينة واكيد شخصية...
وبتكلم معك بكل صراحه أنا من أهل القصيم وأعرف أصلهم وفصلهم وعادتهم
بصراحه رجال القصيم ماشاء الله تبارك الله خاصه أهل بريده وعنيزه < هذولا متأكده منهم عندك الرس والبكيريه والمذنب مدري عنهم بالظبط ما أبغى أحط بذمتي شيء
أما بالنسبه للرجل القصيمي شخصيته بشكل عام
شخصيه ، غيور وتختلف نسبه الغيره فيه أحد مره وفيه أحد الله يهدينا وياه يعني أوضح لك الصوره بشكل أكثر يخافون على الحرمه أكثر من أنفسهم < وخوفهم من حبهم لهن
عندهم عزة نففففس
مافيه لف ودوران
دلع البنات التاليات مايمشي معهم < فيه احد تغيره زوجته!
يرحمووووووون المرأة بشششكل ماتتصورينه نادر جدا جدا جدا تلقين أحد مو رحوم او رحمته عاديه
وبششكل عام غالباً الملتزم عندنا رجل تتمناه كل انثى < عندك أغلب الشيوخ من القصيم وماشاء الله كل واحد أحسن من الثاني
الله يوفقها وييسر لها