مشكوره ياغيوض والله يهنيج دنيا واخره انشاءالله

نور السحاب
سعر بناء البيت عمره ما يعتمد على قرب أو بعد المقاول من أرضكم
لأن السعر يعتمد على أمور وتفاصيل خاصة بالبناء وكل شيء بيكون مذكور في الملف الخاص بالبناء بطريقة تفصيلية ونقطة قرب المقاول (هذه ما بتلقينها مول في ملف الأسعار)
تقدرين بدل ما تختارين مقاول معين
انج ادخلين بناء بيتكم في مناقصة وبترسي على أٌقل واحد يقدم لكم سعر
ولا تنسين ان الأسعار الحين ارتفعت عن قبل
اللي قبل ينبنى بمليون وميتين ألف صار الحين ينبنى بمليون وثمانمية أو مليونين درهم
من التفاصيل اللي تحدد السعر مثلا حجم الغرف كلما كان أكبر كلما كان السعر أغلى
وبصراحة المقاولين محتاجين عمال شاطرين ومتابعة ومراقبة من عندكم
يعني اقل شيء زيارتين في الاسبوع لموقع البيت عشان يعرفون انكم متابعين ومهتمين ومرات فيه تفاصيل يغفل عنها العمال وهذا كلها ما تقدرين تكتشفينها الا بالمتابعة الدايمة لهم

جني سولفت وايد!:)

ام بشوره مشكوره حبيبتي على الاهتمام والرد لموضوعي لكن الي قالنا هذا الكلام هو الاستشاري بعدين تعرفين انه كل ما كان المقاول يبني قريب من بيتنا كل ما بيكلفه اقل يعني معداته موجوده وعماله كل يوم ايون نفس المكان اتمنى تكونين فهمتيني بعدين سوالفج حلوه ونصايحج احلى الله يجازيك كل خير ويخليلج بشاير ( الي فهمته من بشوره )
وبالنسبه لموضوع غلا البنائ عندج حق بس شوه نسوي حكم القوي

لا شكر على واجب وانا في الخدمة دايما:)

الغاليه نور السحاب ..ربيعتي مدحتلي شركه المحاله ..وقالت انها بتسأل بس لين الحين ما ردت علي