خاص لذوات الخبره بالمكياج

يعطيك العافيه على هالمشاركه
انا بالنسبه لي قبل المكياج استعمل كريم من ميك اب فور ايفر ... قولي للموظفه تبين كريم قبل المكياج واخذي اللي لونه ابيض
والاساس استخدم هلينا روبنشتاين اللي في تيوب يكون كريمي بس لما تحطينه يطير كانه بودره .. وواااااايد مرتاحه منه يبين طبيعي جدا

وعليكم السلام :26: :26: :26: انا عن نفسي احط كريم ننرتشي للبيت والمناسبات العائيله اما العزيام لكبيره احط امادااا اوشارمل بس اهم شي قبل ماحط شارمل اخلطه معاه اي كريم اساس لانه بروحه يعزل امااااا البوده سمااايلنج ماعليهاااا حجييي قرتي اهييي توب صج انهاااا ارخيصه بس مايعلاااا عليهااا وهم بودرة رفااال توب كدااااا :) :) :)

اهلين حبيباتي........انا ارطب وجهي بكريمي اليومي قبل الميك اب بعشر دقايق ...........وانا انوع بكريمات الاساس عشان طلتي ما تصير وحده يعني استخدم كذاواحد للسهرات وكذا واح للزيارات العائليه........نبدا بالمناسبات والزيارات

استخدم من قيرلان نوع عصار كنه مرهم غطاه ذهبي مره حلو ويغطي اي مشاكل في البشره ويوحد اللون ...........وكمان فيه نوع ثاني من قيرلان بعد علبته كنه علب الكريمات المدوره الي لها غطا

والعلبه قزاز شفاف على نيلي وغطاه ذهبي هذا مره حلو وفيه لمعه بس يصلح للبشره الجافه لأنه دهني بس انا منكثر ماهو عاجبني احطه واكثر عليه باودر تخف دهنيته وكنت استخدم اساس مره رهييييب من اتيليه كنت اخذه من الملتقى بس للاسف انقطع من هنا وجبته من لبنان وخلص ومعد استخدمته

وموجود كمان في دبي .

اما للزيارت استخدم ميم اب فور ايفر السائل الي ينضغط مره حلو وفيه لمعه وكمان استخدم قيرلان عصار كنه مرهم كله اسود مكتوب عليه بالذهبي حلو مره بس يصلح للبشره الصافيه الي ما فيها

اثار حبوب لانه خفيف وممكن تخلطينه مع اساس ثقيل يصير يغطي ومو ذاك الثقل

اما الكونسيلر احلى شي سان لوران الذهبي الي زي القلم..

نجي للباودر من ماك مره حلوه باودر مضغوط برونز كأن فيها نقط زري .......وريفلون (لوس باودر)يعني سايبه مو مضغوطه......وفيه كمان من برجوامع علب البلش هي اغمق وحده لونها اورنج على ذهبي انا احطها على الوجه كله فوق الاساس او بدون بعد مره حلوه ..........

وفيه اساس اكتشفته مره حلو يغطي وطبيعي مره تخيلوا انه من نيفيا وهو علبته قزان وينضغط وهو عباره عن اساس وعنايه للبشره بنفس الوقت مره حلو

وفيه يابنات مثبت للمكياج خطييييييييييير للمناسبات يخلي المكياج يثبت لين اخر السهره والاهم انه يعطي لمعه مو طبيعيه واشراااااق للوجه من كازا نوفا.............والي تبي اي سؤال عن اي شي

انا في الخدمه بس ادعولي

مشكورات بنات بس وربي متعقده من السالفه هذي لان ما استوعب
اني اخذ اساس من ماركه والبودره من ماركه ثانيه والكونسلر من ديره ثانيه احس انها تجمع
وابي كله من ماركه وحده وحلوه شكلي افتح لي شركه لحالي
بس تشترون مني بنات صح ماتخسروني