موضوع رائـــــــــــــــــــــع

أنا جايه أدور على موضوع كذا

لأني طفشت من عصبيتي

المشكلة إني كنت هادية بس لين بدت تكبر البنت وتتحرك ويطلع لها صوت اشتغلت العصبية

واللي صاير اني أطبق نفس اسلوب العصبية اللي كنت أتعرض له وأنا صغيرة

فاكتشفت ان كل شيء مخزن في عقلي اللاواعي وبدء يظهر الحين

ماودي بنتي تكون مثلي ولا تشيل نفس العقد لكني لحد الحين ما سيطرت على نفسي بالشكل المناسب

كلها رواسب من الماضي

وفي الحقيقة الأشياء اللي يسوونها ما تستحق الضرب

والمفروض ما نصرخ عليهم لأن مافي فايدة

وسبق أن قرأت في كتاب بما معناه انه لو خرب الطفل ولا سوى مصيبة ايش فايدة الضرب ولا الصراخ

الشيء اخترب وانتهي

فليش نحرق أعصابنا وندمر نفسيتهم

المفروض نحل اللي صار بهدوء أريح لنا ومنها يتعلمون

لكن لين أجي للواقع أحس إني أنسى هذا الشيء

ودائما نبغاهم على الصراط المستقيم

وننسي انهم يتعلمون من الخطأ

من كثر حرصي واستخدامي لكلمة لا

بتصير البنت مو واثقة من نفسها

أحاول أجيبها باسلوب ثاني لكن أرجع لكلمة لا وللعصبية وللهواش

وتتطورت للضرب

أطلب منها الشيء مثلا 3 مرات بهدوء وما تسمع ولا توقف فتجيها ضربة على يدها تصيحها وتوقفها

أحس إني صايرة وحش

لكن بحاول أستفيد منكم

وراح أطبع النقاط الموجودة في الصفحة الأولى إن شاء الله وأعلقها أقراها كل شوي لعل وعسى

جزاك الله خيرا يا صاحبة الموضوع

وبحاول أتابعكم لأن نفسيتي مرة متعبة لمعرفتي بأضرار الضرب والتوبيخ في السن الصغيرة

حتى الاسلام أمر بالضرب لـ 10 سنوات على الصلاة بعد أمر وتوجية ومتابعة من 7 سنوات

يعني صبر 3 سنوات

وهذه صلاة

يعني كل الأشياء اللي نضرب ونهاوش عليها سخيفة وما تسوى بس تدمرهم وتطلعهم بعقد زي حالتنا

السلام عليكم ورحمة الله

اول شي الله يعين كل ام على شقاوة الولاد ويصبرها

أنا ولدي قريب يكمل 3 سنوات ومطفشني من الشقاوة ساعة يلعب بالميكرويف وهو شغال ساعة يطفي الكهربا عن الغسالة وهي تشتغل لما اكنس بالمكنسة يشيل البلك وبعد وهي تشتغل وانواع الشطانه لا ومو بس جذي مفشلني في بيت اهلي مع اولاد اخواتي لما يعصب على احد منهم يعظ ويضرب وانواع المشاكل وما يفيد فيه الكلام والله يومياً قصص عن الي ما يسمع الكلام وعن الولد الشطور ووووو

ولما ضاقت بي الدنيا بحثت في النت ووجدت الحل

طبعاً هو مو حل جذري بس حسيت بتغيير وهو اني امسك نفسي لما يسوي مصيبة و ازيد جرعة الحنان والطيب صدق لما طبقت هذا الشي حسيت انه هدأ أكثر وترى يا بنات الأطفال يتاثرون بالمحيط يعني لو كانت الأم تشتغل اكيد الولد بيسوي اي شي علشان يلفت انتباها لما ترجع له ولو كان يقضي وقت طويل مع بيت اهله او اي احد ثاني ياخد من طبايعهم وهاذي هي مشكلتي تعلم منهم العظ لأنهم يعظونه تعلم منهم لما احد يضربه لازم ينتقم والكلمات الحلوة طبعاً

وانا الحين سجلته بالروضة وان شاء الله احصل تغيير لأن احس بعد ان عنده طاقة يبي يفرغها فيفرغها في الشقاوة بس لما يروح الروضه يحصل مكان كبير للعب ونشاطات وتعليم ولما بيرجع بيكون تعبان فالوضع بيكون اخف


وما اقول الا الله يصبرنا عليهم

موضوع مميز

يوووووووووووه مشكلة صعبة والله

طيب ما في وحدة من أخواتنا الغاليات

قدرت تتخلص من العصبية تماما

تجي تتفضل وتقول لنا تجربتها عشان الكل يستفيد

الله معانا يساعدنا يا رب