عشق زوجي
لاتطلبين منها شي .. على كلامك تقولين مستحيل تجيب شي .. لاتطلبين
وانتظري اصبري ..
ممكن أعمل لك برنامج لبنتك وخطوة خطوة حتى تتحسن باذن الله

غرام الورد

الله يبيض وجهك ويفتح عليك

انا كنت عصبية لدرجة خياليه ( ولا زلت نوعا ما )
كنت اعصب على ولدي بدرجه كبيره اي حاجه يسويها ( قاصد والا لا) على طول نرفزه وضرب ( امي كانت تقول لي انتي تحاسبنه على اشياء مايقصدها او مو داري عنها
اي مشكله بيني وبين ابوه هو الضحية والمتنفس
كبر الولد وصار يفهم صار يقول ماما انت بس (لالالالالالا) ويقلدني وانا اهاوش
اذا تكلمت مع ابوه قال ماما بشويش على بابا
حسسني اني:30:
المهم كان لازم لي جلسة حساب مع النفس
الجلسة تكون بالعقل (ممنوع العواطف مؤقتا وبخاصة جلد الذات )
اول شئ كم عمر الولد
ايش اهم الاشياء اللي تميز المرحلة العمريه ضروري تعرفيها عشان تعرفي التصرفات الطبيعية في هذا السن (كنت احاسب ولدي على كل شئ حتى صار متردد في كل شئ يسويه واهتزت ثقته بنفسه وصرت ابحث الان عن الحلول)
في بعض المراحل العمرية يكون العناد سمة بعضها يكون الاستكشاف ( واللي نسمية احنا تخريب )
اذا كانت تصرفات الطفل ضمن الطبيعي ليش نعصب هو جالس يتصرف كطبيعته ما نقدر نلومه
اذا كانت التصرفات غير طبيعية فالعصبية تزيدها وحلها يكون بطرق اخرى
ثاني شئ انا كيف اتخيل طفلي بعد سنوات من استخدامي هذا الاسلوب وخاصة اني شفت بعض الاثار اللي ما تبشر بالخير وتذكرت طفولتي
ثالث شئ تخيلت لو ان زوجي اللي له علي سلطه مثل سلطتي على ولدي استخدم معي نفس الاساليب اللي استخدمها مع ولدي ما اعتقد اني راح ارضى ولا تقول لي وحده انا صرت كبيره كيف يهاوشني وكيف يضربني .الاطفال اولى بهالشئ لانهم حساسين اكثر منا
رابع شئ هل الاشياء اللي مسويه لها سالفه تسوى فعلا يعني غالبا اشياء ممكن تتصلح او تتعوض
بالنسبة للالفاظ السيئه هذي لها مراحل تكثر فيها
بالنسبه لقدام الناس والفشيله المهم عندي نفسية ولدي اذا تعدلت كل شئ بيتعدل
ضرب اطفال الناس خرب يبقى طفل والا ما يفهم هالشئ مشكلته ما يعنى هالشئ اني اسمح لطفلي بكامل الحرية عند الناس ولكنه طفل ما يقدر يجلس طوال الوقت من غير لعب او تخريب او مشاكسه لانها طبيعة الاطفال وليس الهدوء ( والرزه)

اسال نفسي هل الشئ اللي اعصب عليه لمصلحته والا عشان انا ارتاح منه
كنت افكر انا كيف ابغى طفلي هادئ مطيع مؤدب ليس له طلبات ينفذ مايقال له (الاطفال الاذكياء متعبون عادة لان لهم متطلبات اكثر من الاطفال العاديين فهل نعي ذلك)
اليوم هو طفل بكره راح يكون شاب بعده راح يكون اب وقتها يكون مطيع لمين ينفذ كلام مين انا ماراح اعيش له العمر كله وممكن اتركه في اي لحظه اتخيل كيف ولدي راح يكون من غيري راح يقدر يشيل نفسه والا ينتظر من احد يقول له وش يسوي ( طبعا هنا انا ضربت مثل لنفسي اقول لولدي وش يسوي ومتى يسويه وكيف يسويه على قول زوجي انت عندك عسكريه طبعا كلمة زوجي اثرت فيني وخلتني اتراخى قليلا
اخر شئ اطفالنا انعكاس لنا فلنبدا بانفسنا لاتوجد ام مثاليه لاننا في الاساس بشر والبشر ليسوا كاملين
والعصبيه قبل ان تؤثر على ولدى هي تؤثر فيني اولا (واللي تشوف انها مو قادره ترجع لايات السكينه)
اهتم بنفسي اولا وسينعكس هذا تلقائيا على ولدي
انتهينا من الجانب العقلي نجي للعواطف
بصراحه لما يمرض ولدك كيف تحسين
لما يبكي....لما يزعل
انا اقول هالكلام لاني شفت ولدي والى الان انا اعاني من نفسيته وخاصة مع اخوه الصغير
طول الوقت زعلان ولا اراديا( ماد البوز) احسه حزين وهالشئ يؤلمني بقوه
واحيانا افكر هل انا اكافئه على الصح بنفس القوه اللي اعاقبه على الخطا
اول الطريق اني ابدا بنفسي افهم نفسيتي افهم ظروفي عشان ابدا بالعلاج على اساس متين
لاني اول كنت كل ما ضربته اندم واحاول اني امسك نفسي ما وصلت لنتيجه يوم يومين وارجع زي اول لازم اول اغير قناعاتي عشان تتغير تصرفاتي
بعض تصرفات الاطفال ترفع الضغط غصب ومو ممكن ينسكت عنها نبدا نبحث عن الحلول
مكان المشاكسين والتطنيش والمكافاه لو بس بالكلام ( تؤثر وبقوه لا نتخيلها ) هذا اللي استخدمته الى الان واذا في احد عنده طرق ثانيه لا يبخل علينا
كثير من اولادنا في الاصل ( مافي زيهم ) بس محتاجين حنان وصبر وقليل من الحريه ليمارسوا حياتهم
انا كتبت كل اللي عندي وانا الى الان مازلت اعاني من العصبيه ولكن بصوره اقل
اذكر بعض الاشياء اللي استفدت منها كتاب المربية المثاليه لجو فروست صاحبة البرنامج الشهير سوبر ناني
واستفدت من نصائح الدكتور الخليفي واحيانا اشوفها على اليوتيوب
واللي اهتم من القراءه والاستماع هو التطبيق بالتدريج
ومن سار على الدرب وصل ودمتم لاولادكم بكل حب

الله جيتي ع الجرح

العصبيه مع بستمرار واعياااالي مثلي يصرخون ويهوشون ع اتفه سبب وخص ولدي الكبير

متااااااااااابعه معك لما اجد حلا بارك الله فيك وبما طرحتي اختي

كلااااااامك وجع قلبي
لأني أحب ولدي بس ذبحته بالنظام والعسكرية على قولة زوجك
إن شاء الله يقدني وأرخي شوي بالذات انه مسيكين والله يحاول مايغلط ولايزعل احد
البارح كان يبي يتكلم معي قبل لاينام وأنا كنت مشغولة بتحضير اغراض المدرسة ودوامي ...الخ
قلت له تعود تنام لحالك !!
يوم دخلت عليه لقيته قاعد يسولف لحاله طلع عنده مشكلة بالمدرسة ومو عارف يقول لمين !!
وقعد يقولها لنفسة وجع قلبي الله يحفظه