كان فيه اخت سألت عن كيفية استخدام الأكياس الحراريه لطهو السمك..و بما اني سويتها اليوم قلت خليني اصورها و أنزلها للجميع للإفاده..
ننظف السمك عادي و نتبله كل وحده و طريقتها،أنا جبت بصله و بشرتها و ليمونه و بشرتها(بشرت القشره)
و فلفل بارد(و ان تحبي حار)و بشرته
ملح و عصير ليمون و ثوم ناشف(ممكن فرش)
و روزماري(حصى البان)مهم للنكهه
فلفل أسود
و فتحت السمك و دخلت الحشو فيه و تركته في الثلاجه قبل بيوم
جبت الكيس الحراري و رشيته دقيق و صفيت السمك بداخله و سويت بزاوية الكيس فتحه صغيره،و حطيت على السمك عرق بقدونس و ثوم و شرحات ليمون و بدون أي سوايل السمك بينزل ماءه لحاله..و الصوره توضح
دخلته الفرن على 220(فرن كهربا)
لغاية ما صار متحمر شوي من فوق و ما حمرته كثير لأن على كل حال جلد السمك ما ناكله،و هذا شكله بعد ما طلعته من الفرن و ما ياخذ وقت
و هنا قدمته مع رز بالخضار روووعه
و هذا الصحن لأول وحده ترد
الصراحه يا بنات طعمه لااااااااااااااا يوصف و انصحكم تجربوه لأن نكهته و طعمه غيــــــــــر و انا اعتمدت هذي الطريقه خلاص..
اذا عجبكم موضوعي ادعولي..و ان ما عجبكم برضه ادعولي هههه،و اي استفسار من عيوني..
و هالله الله بالردود الزينه
الله يعطيك العافيه حبوبه على مساعدة الغير
والكل يعرف انو التصوير وتنزيل الصور متعب شوي