خاص للأخت شالسالفه !!!!!!!!!!!!!وبس

هلا والله حبيبتي
ابشري من عيوني بجاوبج على كل اسئلتج
وعسى ماانسى شي


1-كيف كانت بشرتك قبل استخدام خلطتك الاولى من سمار حبوب بقع ((وياليت وصف شامل اذا مافيه تعب))؟؟؟؟؟؟؟؟؟؟؟؟
بشرتي موسمرا انا لوني تقدرين تقولين اصفر يعني البياض الاصفر مو ورديه يعني
بس كانت في مناطق سمرا اللي تكون معرضه للشمس مثل الوجه والايد وغير جذي عندي المؤخرة والظهر والبطن لونهم اغمق من باقي الجسم
وعندي شوية سواد بالركب والاكواع
بالنسبة للحبوب بالظهر حدث ولا حرج كل ماتروح حبه يطلعون عشرة بدالها بس وجهي يطلعون فيه حبوب عالخفيف
وعندي حبوب باعلى الذراعين بعد وبمنطقه الصدر شي خفيف
وجهي اكثر شي فيه اثار حبوب خصوصا بالجبهه

2-كيف اصبحت بعد استخدامها لمدة شهر ؟؟؟؟؟
الحمدالله صارت واااااايد احسن من ناحية النعومة
والركب والاكواع صارت لينه من بعد ماكان الجلد قاسي واسمر صار لون ركبي وكوعي قريب جدا من لون جسمي تقريبا نفس اللون الا اذا دققتي
لون جسمي كله توحد بالمرة والحبوب قلتلها باي باي
وابيضيت بشكل ملحوظ خصوصا ان لون الجسم لما يتوحد هالشي بحد ذاته يعطيج احساس انج بيضه
واباطي صار ابيض لانه كان غامق بعض الشيء

3-متى بداتي باستخدام خلطتك الثانيه ؟((كم المده بين الخلطتين)) وكم مدة استخدام الخلطه الثانيه؟؟؟؟؟
بدأت باستخدام خلطتي الثانية تقريبا بعد 4 او 5 ايام من انقطاعي عن استخدام الخلطة الاولى

4-هل كنت تعملين الحمام المغربي المنزلي وانت تعملين هذه الخلطتين؟؟؟((ابتدا" من اول اسبوع للخلطه الاولى))
نعم الحمام المغربي مااستغنى عنه ابدا ابدا لانه الخلطات اللي استخدمها فيها كمية زيوت كبيرة واذا ماسويت حمام مغربي وتفركت عدل ماراح تطلع الزيوت من المسام
غير ان الحمام المغربي يشيل كل الخلايا الميته ويعطيج احساس بالنظافه غير عن الدوش العادي

5-هل كان لديك طريقةغذاء متبعتها لاعطاء هذه الخلطات نتيجة افضل ؟؟؟؟؟؟؟؟؟اذا كان الجواب نعم فما هو ذلك النظام؟؟؟؟؟؟؟؟؟؟؟
طريقة معينة لا ماعندي
بس انا احب اشرب عصير الجوافه وعصير الاناناس
عصير الاناناس مدر للبول يكرم السامع
وبهالطريقة اكون قاعدة انظف جسمي من السموم اللي بالوجبات الجاهزة او الدهون اللي بالاكل والكاكاو وجذي
العصير عادي من الجمعيه انا احب العصاير
وانا اشرب حليب بشكل متواصل
مثل حليب السعودية وهالاشياء
احنا بالكويت عندنا كي دي دي هذي ماركة معروفه لمنتجات الالبان
انا صراحة مااستغنى عن الحليب يمكن هالشي يساعد بشرتي انها تتجدد وتظل نضرة وحلوة
انا استغرب لما اسمع بنات مايحبون يشربون حليب
انا مااستغنى عنه بحياتي على طول بايدي علبة الحليب البارد واحوس فيها بالبيت واشرب
وبعد احب اكل فاكهة خصوصا العنب واااااو اموت بالعنب
واحب الحليب بالموز
يعني تقريبا كل اكلي فاكهة والبان
صارلي من شهر 3 ماكليت رز
لان رزنا كله دسم ومافيه فايدة لانه مافيه نخاله ليش اكله؟؟ عشان تطلعلي كروش واصير البرتقاله خخخخخخخخخخخخخ
وانا بعد من النوع اللي احب الوجبات السريعه مااحب اكل البيت
بس احاول اركز عالفاكهه والحليب اهم شي الحليب
ولاتنسين تشربين قد ماتقدرين ماي
بتشوفين روحج كل ربع ساعة رايحة الحمام
بس اللي بيطلع منج سائل شبه شفاف لان الكله تنظفت وماعاد فيها سموم
حتى الريحه خفيفة موقوية
اهم شي الماي

بس اعتقد هذا كل شي اسويه
وان شاء الله اذا تذكرت شي بعد بقولج
وموفقة ان شاء الله ولاتنسين تبشريني بالنتايج
بس على فكرة
ماانصحج تحطين فكس بالخلطة الاولى لانه في بنات سببلهم حبوب
اخاف تكون بشرتج حساسة مثلهم ديري بالج

شكرا على ردك لي واسلوبك الراقي وشرحك المفصل ولكن حبيت اسالك عن.............

اي الخلطتين استخدم من حيث المفعول الجيد,,,,,,والنعومه ,,,,,,والبياض الدائم؟؟؟


وانا ابغى اشرب الحلبه في نفس هذه الفتره ايش رايك؟يمكن تعطي نتيجه حلوه!!!!!!!!!1

واذا عندك طريقه لعمل الحلبه بس ما اطلع ريحه من الجسم يا ليت تقولين عليها؟





اختك
البنوته الاموره:27:

حبيبتي انصحج لاتشربين حلبه لانها بتطلع ريحة مهما تسوين
اصلا انا مرة كليت اكله وفيها شوييييييه حلبة
الله وكيلج اسبوع وانا كل شوي اتسبح من الريحه
حتى لو تكونين نظيفه ومتسبحة هم الريحة تبين

شكرا لك اختي كويتيه اموره على مرورك


بس في ناس يشربونها وما تطلع منهم ريحه ابدا وبالاباريق نفسي القى طريقه


وناس قالولي احط ليمون ونعناع وما تطلع ريحه ماكو فائده



يمكن السر في نوع الحلبه يقولون في مصريه وقصيميه.......... انواع كثيره بس ابغى اي وحده ما اطلع ريحه




ياليت اللي عندها معلومه تقووووووووووووووووووووووول




وشكرا"




البنوته الاموره:24:

شالسالفه وينك ووين البنات


ماحدرد علي :06: :06: :06: :44: :44: :44:


ابغى طريقة حلبه مااطلع ريحه تكفون





وانا قريت لوحده بالنتدى بس قسم ثاني انها تحط عود الحلبه .......وشواذا؟؟؟؟؟؟؟؟؟؟؟؟




بسرعه يابنات ابغى ابدا الكورس





وينك شالسالفه لك يومين مانورتي المنتدى عسى المانع خير






البنوته الاموره:27: