خاص للمتزوجات

الســلام عليــكم ورحمــة الله وبركــاته

قبل لا ادخل في الموضوع احب اعطيكم مقدمه بسيطه عن اهمية الفطور الصباحي

للافطار الصباحي فوائد صحيه كثيره نذكر منها اهم الفوائد :

1-أكدت دراسات طبية جديدة أهمية تناول وجبة الإفطار الصباحية في تقليل مستويات الكوليسترول العالية وحماية القلب والأوعية الدموية من الأمراض

2-تناول الافطار، مقارنة بإهماله، يقود الى ارتفاع اقل في مستويات سكر الدم والانسولين بعد كل وجبات اليوم او الوجبات الخفيفة الاخرى ..

3-الافطار يمكن ان يساعد في منع الجلطات الدموية والسكتة القلبية المؤدية الى الوفاه المفاجئه..

4-وجبة الإفطار تبعدك عن شبح السمنة وأثبتت الدراسة أنه على العكس من ذلك يمنح الفطور الصباحي للجسم الطاقة المناسبة من أجل الانطلاق في نهار عمل منظم وحيوي مما يعطي الإنسان الراحة النفسية المطلوبة طوال اليوم..

5-الأشخاص الذين يتناولون إفطارهم بانتظام, وخصوصا الحبوب الكاملة, يتمتعون بأوزان صحية ومثالية ومستويات منخفضة من الكوليسترول والأنسولين والدهون الثلاثية..

6-اظهرت الدراسات أن تناول الافطار يرتبط بتحسن القدرة على التحمل في أول النهار والقدرة على الاستيعاب الدراسي أو القيام بالواجب في العمل.



نجي الحين للسبب اللي خلاني اكتب الموضوع وليه خاص للمتزوجين

السالفه ومافيها اني اكثر من مره زوجي يدق علي بالكلام لما يجي يروح للجامعه الصباح يقولي الله اشم ريحة مراصيع اقول له انا بكل برود ماشاء الله اذا صدق في مراصيع صحيني اكل معك

ومره يقولي تصدقين مي نسيت شكل المراصيع وانا ارد عليه مافي مشكله حبيبي معك الايفون ادخل على النت وسوي بحث على المراصيع في الصور واحفظها عندك وصدقني راح تحفظ شكلها

واضيق عليه واقول له توني من شهرين مسويه لك مراصيع<<<يقالكم بتسكته والشهرين عند زوجي سنتين بعدين ياقدمك نظام شياب المراصيع الناس الحين وافل وبان كيك وحركات وانت مراصيع بعدين ماعاد فيه حريم الحين يسوون مراصيع خصوصا بنات هالجيل

المهم زوجي يموووووت في المراصيع وانتو عارفين المراصيع يبي لك ساعتين توقفين على الفرن لحد ماتجهز يعني تقومين من الفجر تسوينها وتخيلي وانتي قايمه وتعبانه مالك خلق تبين فطور سهل وسريع وانا اقوله مستعده اسوي لك شي ثاني الا المراصيع خليها اسويها لك بالشهر مره

مره من المرات كنت عند ناس انا وزوجي وتجلس وحده من محارمه تسولف فلانه عزمتنا على الفطور من الصبح الساعه ست وماشاء الله فطور يهبل مراصيع وفلة حجاج وانا كذا جت على الجرح المهم وتمدح ورجلي يقول ماشاء الله تبارك الله الله يجزاها خير ماشاء الله تبارك الله يجزاها خير ويكررها باعجاب شديد وانا كذا المشكله انه اللي عازمتهم شغالتها هي اللي مسويه الفطور بس ماقالت اللي تسولف هالكلام ياكرهي للناس اللي كذا تمدح في الحريم عند الرجاجيل ولي جيتي تمدحين وحده عند زوجها استنزلت وزعلت

وانا اقول لزوجي ياخي ترى مو سهله المراصيع يبي لها وقت وجهد انا كنت اشوف ابوي دائما يساعد امي بالمراصيع كانت امي تجهزها وابوي يساعدها ويجهزون حافظتين تجلس لهم كم يوم وابوي ماكان يرضى الشغاله تطبخ ابداااا بس كان يساعد امي في اعداد المراصيع حتى اذكر الصاج الكبير حق المراصيع يكون على فرن صغير ارضي ويجلسون بالارض ويلتفون حوله ويتساعدون مره امي ومره ابوي حتى اذكر اجي انا واقول ابي اسوي معكم ومرات اقول باسويها بالليل واحميها بالفرن الصبح بس زوجي مايحب البيت يفضل الطازه يعني مقفله معي لازم الصبح لازم

اللي ابي اقوله يالمتزوجين نساء ورجالا وخصوصا النساء هل انتي تسوين مراصيع لزوجك هل لازال هناك حريم يسوون مراصيع انا ابي الاجيال الجديده اللي لهم سنه سنتين ثلاث اربع سنين متزوجين وممكن اكثر لانه حتى اللي لهم عشر سنين ممكن تكون تاثرت بالتطور الحاصل وماعاد تسوي مراصيع والرجال هل حريمكم يسوون لكم مراصيع في الفطور يعني عادي ابي الصراحه ما ابي يجي احد يشخص يقول ايه تسوي لي زوجتي مراصيع وهي ماتسوي ولا وحده تقول ايه اسوي وهي ماتسوي


وانا اسمع انه حتى في حريم مايسوون فطور اصلا لامراصيع ولا غيره رجالهم يفطرون في دواماتهم وهي ان كانت تداوم تفطر في دوامها وان كانت عاطله تفطر الظهر واللي عندهم عيال مايفطرون في البيت ياخذون اللانش بوكس ويفطرون في المدراس <<<متاثره باللي عندهم


وعندي استفسار بعد هل ضروري عندكم الفطور الصباح يعني انتي يالزوجه عادي لو فوتي يوم ولا يومين ماقمتي تسوين فطور مايقول زوجك شي ولا ممكن يزعل عليك ويسوي لك سالفه عشانه والرجال نفس الشي ضروري عندك انه زوجتك تقوم تسوي لك فطور ولا ممكن تمشيها وتدبر نفسك

وبالنسبه للعزابيه شباب وبنات هل امهاتكم الله يطول في اعمارهم للحين يسوون مراصيع وهل يقومون الصباح يجهزون لكم الفطور ولا الشغاله هي اللي تسويه بصراحه





بنات الموضوع منقول من صاحبه الموضوع الله يسعدها
بس حبيت نغير جو ونتحمس