خاص للمتزوجات الزواج بالغصب ومع العشره ظهر الود

كثير ياقلبي اللي مثلك
تتزوج وهي عادي لانها ماتعرف الرجال وبعد الزواج تحبه ويكسبها بتعامله والعشرة تولد بينهم مودة

والعكس

ممكن تجيك وحده طايرة من الحب وبعد الزواج تجيها الصدمات وينقلب الحب لبغض ومشاكل

توقيعك يختصر كل هالكلام

اهم شيء استخيــــــــــــــــــــــــــــــــري


الله يوفقك

صارت هذي حركة طبيعية :)


امس كنت بزواج وحده مغصووبه ..
كانت رافضته تماماً .. لآنهـآ تحب قريبها ..

كانت وقت الخطبة تبكي دم !!
وامس .. طـآيره ..طــــــــآيره من الفرحه .,



:)


مع الوقت بتتعودين عليه وتحبينه :)

انا أول وحدة أرد عليك عن تجربة شخصية

أنا أخذت زوجي وماكنت أطيق أسمع اسمه لأسباب أختفت الان
أولها شهادته المتواضعة( الثانوية ) .. والان يحضر الدكتوراه
وثانيها مستوى عائلته البسيطة .. والان يلعبون بالفلوس لعب
وثالثها وأهمها اني ماكنت احبه .. والحين أموت فيه الله يحفظه
والحمد لله اني ما أخذت غيره

بس اللي قاهرني فترة الملكة كنت سافهته ولا اعطيه وجه ولا اكلمه ولا أطلع له اذا جا عندنا وندمااانه لانه يقول كنت احسد أصدقائي على علاقتهم بخطيباتهم وبررت له اني كنت استحي

ترى ما حبيته الا بعد سنة من الزواج وهو اللي خلاني أتعلق فيه باسلوبه وصبره وطيبته .. انا بعد كنت ارحمه وما ابين له

انتي اصبري ومع الوقت بتحبينه بس لا تضيعين عليك ايام حلوة ما تتعوض ابدا

زوجي مو ماكنت طايقته بس ماكنت مقتنعه فيه بدون اي سبب , واللي خلاني اوافق عليه حب اهلي له و الاستخاره

اول ماملكت ماكنت احب اكلمه او اسولف معه واحس تصرفاته ترفع الضغط , وهو كان ملاحظ هالشي حتى انه احياناً يكون يسولف ومتحمس لما يشوف نظراتي له يسكت ويحاول يغير الموضوع

بس مع الوقت بديت اعرفه اكثر وكل ماعرفته كل ماحبيته , تقريباً تميت 4 شهور حتى بديت اتقبله

والحين لنا مع بعض سنه وشوي ومستحيل اتخيل يمر علي يوم بدونه

اذا الولد مافيه عيب استخيري , وان تمت الملكه خليها طويله شوي عشان يمديك تتعرفين عليه وتشوفين طباعه


وربي يوفقك ويكتب لك اللي فيه الخير

ربي يسهل لك واستخيري وان شاء الله ربي يسهل