الحمدلله ماعندي تجربه للطلاق ولا اعرف احد عنده هالتجربه

بس حبيت اشارك هالمشاركه البسيطه ...

ابوي الله يطول بعمره بحكم عمله سكنا فتره في الشمــال ( شمال المملكه )
وكان لي صديقات تقريبا من البدو وصدقات اعتز فيها الى الان
مالكم بالطويله

اذكر مره كنت اتناقش انا وحده من صديقاتي على مسئله الطلاق
قالت لي الجرايد يبالغون الطلاق مو لها الدرجه

قلت لها يا بنت الحلال الحين حنا عندنا اللي تطلق كل من يتكلم عليها ولا يهمس وراها وطلعاتها وروحاتها محسوبه
اما اذا تطلقت للمره الثانيه اعووووذ بالله ذي تصك باب البيت على حالها وتستنى المووت

قلت لها نظرتنا يالنجديين شينه للمطلقات سواء كان الطلاق بذنبها ولا مو ذنبها

قالت لي تصدقين حنا عندنا المطلقـــــــــــــــات يمشي سوقهم اكثر من البنــــــــــات
وتدرين المطلقه عندنا مهرها 80 الف
وتدرين ان الشباب ما يدورون الا على المطلقات على الاقل عندها خبره ومعرفه

ماصدقتها والى الان مااصدق

بس فعلا هناك عندهم حكمه اسمعها دايم : ( اخذ واخلي اخذ واخلي لين القى خلي )
والبنات هناك تلقين اللي بالمتوسطه مطلقه
ومن بكره تسمعين انها تزوجت

ماعندهم مشكله ابد بالطلاق

اسفه لاني علقت تعليق ماهو محله .. بس حبيت اني احط هالاضافه

أشكرك أختي على المشاركه معنا...
وترى على فكره اللي قلتيه حاصل فعلاَ... حقيقي المطلقه سوقها ماشي
هذا في الظاهر بس ماخفي كان أعظم الشباب صاروا يفضلوا المطلقه
لأنها تصبر وتتحمل مهما كانت الفواجع والظروف ناهيك عن الخبره
ولأنها ياعمري مكسوره يقدر يرفع الكرت الأحمر قدامها عند أي غلط
ويذكرها أنها مهماحصل... مطلقه (يعني لا تصدق نفسه) ..:06:
وهذا كلام سمعته من كم وحده علماَ بأن كل الذين أعرفهم من مطلقات
تزوجن بسرعه بينما أعرف بنات تعدين الثلاثين ولم يطرق بابهن احد
وخلاصة الكلام.. أن الطلاق ابتلاء عظيم أسأل الله ان يصبر من بلي به
إذ تظل البنت تدفع ثمن طلاقها.. ماامتد بها العمر :44: ويبقى احتساب اجر البلاء
بلسم يداوي .. كل الجراح مهما كانت شرسه ومؤلمه....
قال تعالى..( إنهم يألمون كما تألمون وترجون من الله مالا يرجون).

جزاكِ الله خيراَ أختي
r7il2k
:26: :26: :26: :26: على تشجيعكِ لي ودمتي أختاَ وسنداَ لنا جميعاَ:24: :24:

أخواتي
تدرون إني أحسدكم على إنكم نلتوا الخلاص وارتحتوا الآن
أنا أسعى الآن للطلاق وألح عليه ولن يهدأ لي بال حتى أناله
وبدون التعمق في الأسباب لم أجد أي توافق في نفسي مع من إسمه زوجي ولم أحس أي لحظة
بذلك

وأتخيل لو أن الشرع لم يجعل لنا هذا المخرج فكيف سنطيق العيش طول العمر مكرهين
لذلك هي نعمة تستحق الشكر فالحمدلله على هذا المخرج

انا توني ماتزوجت بس موووووووووضوعك مره حلوه اختي وردودكم اثرت فيني مره ...الله يوفقكم ويسخرلكم الزوج الصالح والله يخلصك يااخت مشاعل الرياض :26: :26: :26: