اول شي ابدا موضوعي بتحية لكل مطلقة من رجل ناقص الرجولة تشجعت وواجهت مجتمع كامل
بقرار حريتها بحياتها ، رغم الامها لوقت طويل لكنها انقذت نفسها من حياة ممكن جدا تكون اسوء
من الحياة الي تعيشها حاليا ، هالبنت اقول لها برابو عليك تذكري رغم كل التحطيم الي يجيك
انك وصلتي مرحلة من الشجاعة والثقة بالنفس ماقدروا كثير من البنات يوصلون لها .. وهالشي لحاله
يكفي للفخر والاعتزاز بالنفس :)
موضوعي خاص بكل بنت تعتقد ان الحياة الزوجية ماتقوم اساسا عليها
لحالها ، يعني مستعدة تقوم بواجباتها كاي بنت لكن مو على حساب نفسها
وكرامتها زي ما نشوف دايم .. ولا تتمسك برجل باعها عشان علاقات محرمة
ولا تتقبل فكرة انها تسترجع شخص باع احترامها كزوجة وقفت معه على الحلوة
والمرة .. عشان علاقات رخيصة بالحرام !!!
هالبنات موضوعي يحييهم انا بكبري احييهم
اعرف من هالبنات
حالتي مستعصية
اخت نضال
بيبي شورت
وودي اشوف البقية هنا بموضوعي عشان كل وحدة عندها راي
من هالناحية تقوله ..
اما البنات الي ( حافظي على بيتك ! ترى انتي الخسرانة ! لا تاخذه
منك ! البنات ماليات البيوت ! )
رغم اني ارحب فيكم بموضوعي لكن وش بتسوون غير انكم بتفقعون
مرارتنا كالعادة لذلك شخصيا بفرمكم فرم :)
ربما تتعرضون لعمليات تصفية نهائية بموضوعي لذلك انجو بانفسكم :)
بانتظار الحبايب :26:
ولازم تفهم الحرمه انها ماخلقت عشان تعبد الرجل
صحيح خلقنا من ضلع اعوج لكن مو معناته نخلي حياتنا عوجا عشان رجال مايملى عيونهم الا التراب
خليك قويه واثقه من نفسك لا تنهارين من اي موقف
لا تسمحي لأي احد يدعسك
اذا شفتي مافي امل ان حياتك تتعدل انفذي بجلدك قبل لا يضيع العمر مع شخص مايستاهلك
الله يعين كل وحده تعاني في حياتها