اسفه حبيبتي اني مارديت بالرساله
لان عدد المشاركه في المنتدى لاتتجاوز ال 50
ف عشان كدا حكتبلك هنا واتمنى تشوفيها
بالنسبه للمكنسه البخار
فهيا مرررا جيده وانصحكي فيها
اسمها shark steam mop
لها 4 قطع وحده مثلثه للزوايا واتنين مسطيل واحد صغير للاماكن الضيقه وواحد طويل للمسح العادي وتجي كمان وصله مربعه للفرش
http://www.youtube.com/watch?v=leAfJSevkWg&feature=player_detailpage
بصراحه انا اخدتها من استراليا مو من السعوديه ولكن شفت بعض ردود البنات
انهم لقو مثلها في ساكو
سعرها لما اشتريتها ب 200 دولار استرالي
واظن انها في السعوديه ب 700 بس روحي اتاكدي
وازا لقيتي منها الموديل الجديد اللي تقدري تتحكمي بقوه البخار زي ماتبغي يكون افضل
استخدامها مرا سهل وحلو واحلى شي انو ماتخلي في الارض بقع مويه على طول تنشف
بس لاتحطي فيه اي ادويه تنظيف
الا ازا مرا حبيتي تحطي ريحه فانا اعمل دي الطريقه اخد اي قطاره فاضيه او بخاخ واحط فيها مويه مع داوني او مويه مع ديتول وبخي بخه وحده في المقاش من الجهتين بس عشان ماتتبلل القماش مره وبعدين امسحي الارض حتطلع نظيفه وبنفس الوقت تعطر البيت
والجهاز جدا عملي
اتمنى اني افدتك : ولكم مني ارق تحيه :luvkiss: