خاص ومهم لكل من تبي تولد في مستشفى الحبيب...

السلام عليكم

هلا باغلى كروشات الله يهون علي وعليكم يارب


حبيت اقول لكم قصتي اللي صارت لي قبل كم يوم لاجل تنتبهون حبيباتي

انا الان في نهاية الشهر السابع وحسيت بتعب والآم زايده معي .
مع العلم ان هذا ثالث حمل لي ومجربه الثقل وحوسته
لكن تعبي هذا غير خصوصا انه اول حمل يكون فيني الضغط
رجولي منفوخه مره واحس بتعب في جسمي بشكل مو طبيعي
وغير كذا كنت احس بالم مثل التمزعات تحت في اخر الرحم كانها بداية طلوق
ويوم رحت للدكتوره حقتي في مركز الحبيب
لقت عندي ارتفاع في الضغط والسكر والتهاب في البول الحمد لله على كل حال

قالت لي الدكتوره احتمال انك تولدين بدري وتكون معك ولاده مبكره بسبب هالاعراض فلازم تنتبهين لنفسك
فلما قلت لها اوكي ماعندي مشكله اولد في مستشفى الحبيب واكون تبعها
قالت لي لاااا حولي لاي مستشفى ثاني مثل مدينة الملك فهد الطبيه او مستشفى الملك خالد الجامعي اواي مستشفى كبير مهيئ ومجهز للولادات المبكره
لان مستشفى الحبيب ماهو مجهز لحالات الولاده المبكره ..فقط لحالات الحمل الكامله واعطتني نسخه من الملف حقي حتى اذا جتني الولاده فجاه اروح لاي مستشفى

لاجل هالشي حبيت انبهكم لهالنقطه حبيباتي

وهذا رد الاخت ماتهزمني النجلاء في الصفحه 2 جزاها الله خير لاجل يكون الموضوع كامل متكامل من كل الوجوه
الله يحفظلها بنتها ويقومها بالسلامه يارب





واللي ابيكم تعرفونه يابنات اني موضد المستشفى

بالعكس انا ابيه وعاجبني بسبب التطور واحدث التقنيات اللي عنده

لكن كلام الدكتوره صدمني فحبيت اعطيكم خبر وانبهكم لاجل ماتنصدمون مثلي
والله وحده اللي يسهل
وابيكم ماتنسوني من الدعاء حبيباتي ان الله يتمم لي حملي ويعدي على خير