عاشقة دار أبو ناصر @aaashk_dar_abo_nasr

عضوة جديدة

خاطرة من كلماتي

هاذي خاطرة بسيطة من كلماتي... ادري ينقصها الوزن بس ميخالف .. توني مبتدئة!!

كفاية يا دنيا ارحمينا ... طلبتج تكفين فهمينا..
منهو الصاحب و منهو الصادق؟؟ و منهو اللي ضدنا و معادينا؟؟
يا دنيا ترانا ما فهمنا !! و ضعنا و انتي اللي ضيعتينا!!
كنا نحسب ان فلان غالي... و نظن ان هو بعد يغلينا!!
و لكن بعدها نكتشف حقيقة ...و نفهم انه للمصلحة مخاوينا ..
و يجي بعد فترة و يطلب العفو .. و نرد بكل طيب:: حنا عفينا!!
و يكرر الغلطة و بعد نسامح!! و بعدين هو يزعل و يجافينا!
يا كثر ما نسامح عن طيبة خاطر .. و ما نحسب للي ولنا و اللي علينا..
و بعدين و بالآخر ننقهر دايم ... و الهموم و الاحزان تخاوينا!!
يا الله عساك تسكنا جنانك ... مع اللي يحبنا و اللي بعد ( يعادينا)..

وسلامتكم..:26:

787

يلزم عليك تسجيل الدخول أولًا لكتابة تعليق.

تسجيل دخول

ام صالح 2007 • 17 سنة

يااااااااااااااااااااااااااااااااااه رووووووووووووووووعه.........
بجد انبسطت يوم قريتها حسيت انها عبرت عن اللي عجزت اوصفه .........
صراحه انتي مبدعه ...........
ولحسن الحظ ان اول مره ارد بواحه الادب الشعبي.....

عاشقة دار أبو ناصر • 17 سنة

أختي أم صالح 2007

مشكورة ع المرور و الرد و ردج وسام على صدري..

قصة مو مكتملة • 17 سنة

عاشقة دار أبو ناصر :

أختي أم صالح 2007 مشكورة ع المرور و الرد و ردج وسام على صدري..

أختي أم صالح 2007 مشكورة ع المرور و الرد و ردج وسام على صدري..

ما شاءالله تبارك الرحمن
روووووووووووووعه قليل مو مهم الوزن والقافيه دامها خاطره
صراحه في الصميم يعني احسها فعلاً معبره وهذا يدل على صدق مشاعرك فيها

((يا الله عساك تسكنا جنانك ... مع اللي يحبنا و اللي بعد ( يعادينا)..))

هذا البيت قمة الجمال وقمة الروعه وو........تبغين الصراحه عجزت القى كلام يعبر ماأقول غير..........
صح لسانك..... ومافيك حيله.....وفالك الجنة.....

**سلوة الروح** • 17 سنة

يا الله عساك تسكنا جنانك ... مع اللي يحبنا و اللي بعد ( يعادينا)..

يا الله عباراتك تجنننننننننن .... والله ابدعتي في التعبير ....
دامت لنا كلماتك وحروفك .....
تقبلي مروري بكل ود

عاشقة دار أبو ناصر • 17 سنة

قصة مو مكتملة..

سلوة الروح..

اختياركم لهذا البيت هو شرف لي ووسام على صدري...

و شكراً...