خاطري اغير اسلوبي

السلام عليكم

انا متزوجه والحمدلله زوجي يحبني ومو مقصر معاي بأي شي ومتدين وخايف الله ويصلي الحمدلله .....


المشكله فيني ..... دايما اعصب واتنرفز واخر شي اصيح واطلع انا الغلطانه ويعورني قلبي واقول ليش سويت جذي هذا زوجي لازم احترمه .... وكل مره اقول ماراح اعصب بس مادري شيصير فيني عطوني الحل ؟

وبعد احس اني مقصره معاه والله انا احبه بس هو قالي كلام اليوم وقعدت افكر فيه يقولي انتي ماتهتمين فيني ولا تبغين راحتي ولا تسألين اكلت ولالا ؟؟ مادري انا طول وقتي مع ولدي ؟؟؟ يقولي ارجع من الدوام المفروض اتكونين منومه الولد عشان انام وارتاح بعد الدوام بس شسوي ولدي حزت الظهر يصيح لين ماينام ؟؟ يقولي لازم انتي تعودينه هالوقت ينام انزين مايصير ؟؟؟؟

وانا بعد الولاده زاد وزني وايد وزوجي يبغيني اضعف بس وكل يوم اخطط بسوي ريجيم بس مافي فايده اكل زياده ؟؟

والله خاطري اتغير واصير زوجه صالحه ومطيعه لزوجي بس ماعرف شنو سبب هالمشاكل ؟؟
وخاطري اصلي الصلاه في وقتها واصوم الاثنين والخميس ووايد اشيا والله اني كاتبتها واطبعها واقراها واسمع محاظرات بس مافي فايده ؟؟؟ يمكن التزم يوم يومين وبعدين ارجع.....

وعندي عاده دايما اقعد اقارن حياتي بحياة غيري اشوف اقاربي وصديقاتي ....واحاول اقنع نفسي اني عايشه بنعمه بس بعد ارجع وافكر ؟؟


عطوني الحل لمشاكلي والله اني تعبت خاطري اغير حياتي ؟؟

جزاكم الله خير