خاطري ضايق من قل الوفاء بين الناس وصدمت في اقرب الناس

بسم الله الرحمن الرحيم

والصلاه والسلام على اشرف الانبياء والمرسلين اخواتي العزيزات اعذروني صراحه على الغيبه الطويله لكني معكم بقلبي وروحي

صراحه حبيت افضفض واقول اللي بقلبي وعذروني بقولك اللي بخاطري لعلي ارتاح شوي طبعا بقول المختصر

اخواتي يوجد ليه خاله الخاله هذي كل فتره وفتره تحرض الوالده علينا رغم ان احنا شقيقتين وشقيقين من اب وام ويوجد لدينا بنت ولد غير شقيقين من امي وخالتي متزوجه اخو اخوي غير الشقيق ولها منه اولاد بأعمارنا
ماراح اقول لكم قصتي من البدايه ولا التضحيات اللي سويتها بعد وفاه ابويه حق اخواني الشقيقين
طبعا يابنات يمكن يطري بخاطركم اني كبيره بالسن لا اخواتي انا بالثلاثين من العمر واكبر اخواني من ابي اول شي بقول لكم تضحيتي بعيال ابوي اللي مابين بعيونهم وقد يكون كلامي عنهم من غضبي منهم
اخوي اللي اصغر مني بسنه ماقصر كانت بدايه حياته منكرات ومعاصي وهداه الله والأن يقولون له ملتزم قلنا الحمد لله
اخوي اللي اصغر منه عند وفاه ابوي
كان بالعشرين وماانكر انه اصغر اخواني وحين وفات الوالد اخذته معايه الرياض وعالجته بمستشفى الادمان بخفيه
وسعى زوجي وتوظف وظيفه مرموقه وجمعت مبلغ واثثت له شقه وزوجته بنت عمي وعفاه الله وشفاه وصار رجل صالح يصلي ويصوم وكل اموره القديمه بطلها ويشهد الله اني وقفت معه وقفه كبيره في حياتي وتحملت
الكثير عشانهم وامي الله يسامحها ويطول بعمرها مشكلتي امي الله يهديها ماتحب زوج خالتي ولا تحب ابوه ومن يوم احنا اصغار وهي تسبه وتتكلم عليه ومع طور السنين كرهناهم لان زرع امي ازرع الكره والبغضاء الله يسامحها
خفاء وجهرا اللي حصل يابنات
انه قبل يومين اختي الاصغر اخر العنقود مدرسه بالرياض جات وسوينا لها عزومه كبيره لان اصلا ابويه موصيني عليها وموصي زوجي اللي هو ولد عمها شقيقها وسوينا عزومه عزمنا فيها الاهل والحبايب
وبعدين راحت امي عند احدى خالاتي وصراحه مسويه لها عزومه بعدها اخذها اخوي اللي اقولكم عنه ملتزم ولف بها
على خالتي بحكم زياره الرحم اللي ماطلع منه غير المشاكل
وبعدها جتني امي المغرب وهي زعلانه قالت خالتك فلانه اللي زوجه اخو اخوي غير الشقيق وقالت تقول
كذا وكذا وكله كلام عنا مايليق وعن اخواني واكله افتراء وكذب ولها سنه وهي على الحال هي ومرت خالي وعيال خالي ماادري ليش كله يتكلمون علينا وينافقون ويقولون كلام مايليق ولا قلنا ويقولون علينا كلام مايجوز
وهم اصلا مشهود ومعروفين انهم يحبون الكلام في الناس لدرجه ولد خالي سبب قطيعه بيني وبين اخوي غير الشقيق وتدخل بينا وفرق بيني وبينه من سنه وشوي رغم ان اخوي مريض نفسي وكنت اصرف والله عليه وعلى اهله كل شهر شهرين ارسل لهم وكل شي يريدونه اعطيهم بس بالاخير عض يدي اخوي وتطاول علي وقام مع ولد خالي ضدي قلت دام هي شاكلته خلاص مع السلامه رحمه من الله ويحاول اخوي اللي ملتزم يصلح العلاقه بس
معطيتوه اشكل ولاعبه بحسبته لاني لي عزه نفس وكبرياء ماحبها تنهان
اخوي اللي اقولكم اصغر العنقود كان مسوي صدقااات وخلاها عند عماني ورحنا وكان في نيتي
اروح لخالتي واوقفها عند حدها ورحت على رجلي ومعي ولد عمي وطقيت الباب وتكلمت معهم وتهاوشت معاهم
وبعد طلعت من البيت وانا ازبد وتوعد ويوم رحت لبيت عمي لقيت اخوي اللي اصغر مني عند سيارته رحت وقلت له
الامر كيت وكيت وانا اقول زوج خالتي بيجي عند احساس بيجي عند عماني بس لاتجي روح كمل شغلك اشرف
شغلك قال طيب وراح ويوم جاء زوج خالتي دقيت عليه وقلت لاتجي عند مجلس عمي لانه موجود يشتكيني طبعا لعماني ولزوجي زوجي اللي مثل الاطرش بالزفه
المهم اخوي قالي طيب وراح ودخل على مجلس عمي وشيل زوج خالتي وخنقه وضرب ولد خالتي دكتور اخخخخخخخ رغم ان زوج خالتي كان بصفي رغم انه ماهو مبرر بس كلامه كثير ويحب النقنقه اخرتها اكلها
وطلع من المجلس مره زعلان مسكه عمي وعطاه مبلغ وقال هذا ملفا لك وبكره يجون
وطلع ومن البكره راحوا عماني وصلحوا الامر ورجع المبلغ بالعكس لكن

اللي قاهرني وحارق رزي يوم اخوي راح لامي تحلف براس عيالها انها ماقالته الله يسامحها بعد ايش بعد
ماحصل اللي حصل الحين انا زعلت على امي مره لانها قايلته وشبت النار وبالاخير تنكر وكله انا انا ماحب احد يتعرض اخواني او اهلي بشي مره اصير من حمل وديع الى نمر ويتصل علي اخوي البارح ويقول
انتي فضحتينا وخليتيني ضربته طبعا ماقلت له اضربه ولا دريت عنه
وقال ماراح اسمع كلامك ولا اسمع نصايحك وكنت بغلط النوم ولا رديت بس اختي جلست تبكي وتقول
قهروني وقهرتني امي ليش ينكرون كل شي تسوينه عشانهم والحين ارسلت رساله لخوي وقلت له
شوف لاعاد تسألني وتشاورني وخلك على شور اخوي الملتزم لا ن وضع اخوي الاصغر يفرق عنه اخوي الاصغر انا متوليه اموره من البدايه وحواله الماديه فوق الريح وكل شي معلمته شلون يسويه وقلت كل رجل عظيم وراه امراءه
وشوف اخوك الثاني والله اني اتصدق عليه وعطيه وامي الله يسامحها ماقصرت معها جايبه لها خدامه من ست سنوات وانا اللي ارسل مرتبها كله عشان ابر في امي وبالاخير تحطني كذابه عند اخوي والناس طيب ليش
وش اسوي والله انا معي سكر من سنتين ومعي قهر وبسرعه اثور
وحالفه اني لاامسك اخوي اللي اصغر مني بسنه واغسل شراعه وكسر راسه لانه كلها من تحت راسه قال زياره رحم وكله مشاكل بمشاكل انا عندي ولد طول الباب ويلعب رياضه وفيه قوه بخليه يمسكه وانا باخذ شغلي وبعلمه
الحرمه اللي يقول حريم حريم حريم ليش تسمع كلام الحريم وش يسوون



مات الوالد وصرت انا بمثابه الرجل وياكم بكيت بفقدان ابويه ليل نهار خفاء