خاطري نتعرف

السلام عليكم خواتي المتغربات
مساء الخير
ما شاء الله علي .. صايره متحمسه و نشيطة أشارك بعد حالة اليأس الي مريت فيها بعد وصولي من السفر
المهم
انا بديت اشارك معاكم اول الصيف .. اول ما بدت حالة الهدوء و قلة المشاركات في ها المنتدى أعتقد بسبب الاجازه الصيفيه .. بس ما يهم .. أهم شي اني عرفتكم و استانست و تونست بمشاركتكم
بس خاطري اتعرف عليكم أكثر شوي .. رحت للوحة المغتربات ، صح خبرتني عن كل وحده وين مكانها .. بس نبا يحصللنا الشرف و نتعرف أكثر اذا ممكن
لا تخافون ما ابغي قصة حياة كل وحده .. أكيد تعبتوا من كثر ما كتبتوا او تكلمتوا عن غربتكم ، لأن وايد مواضيع تتكرر يمكن باسلوب غير مباشر .. و لما تجين تبين تشاركين تتراجعين ، لأن تحسين انج كاتبه او مشاركه بنفس الموضوع
المهم خلني اعرفكم علي .. و بعدين كل وحده تدخل تعرفني على نفسها و اكيد بيسعدني ها التعرف
انزين
معاكم مثل ما هو معروف السيده ماما .. من الامارات و في امريكا حاليا .. و عندي الشيخ تيتو بعد شهرين بيكمل اربع سنوات .. و عندي مودمازيل سوسي عمرها سنتين و شوي
ياللا منو ضيفتنا الاولى ؟