خالاتي الوقحات اول مره اشوف خالات كذا(استوفى حقه من الردود)

السلام عليكم
كيفكم عزيزاتي
مدري كيف ابدا بس والله شي يقهر اول شي امي وابوي منفصلين
وانا عندي واتس اب قروب فيه كل اقاربي خالاتي وكذا
خالاتي بمنطقة ثانية مو من الرياض فيهم عنصريه بشكل فظيع وربي
تخيلو احنا منبوذين عندهم بس عشاننا من سكان الرياض
يتكلمون انتو يااهل الرياض فيكم وفيكم وفيكم كلام سوقي ماينقال هنا
جيت نزلت لهم على القروب برود كاست وحده من نفس المنطقه اللي هم فيها تقول
ليش مو احنا مثل الرياض عندهم كذا وكذا وكذا وحنا لا عاد ماصدقووا قاموا علي كلهم حسبي الله ونعم الوكيل ويتشمتون فيني يقولوون ايه مانلومك محرومه من حنان الام والاب مايدري عنكم شفتوا لوين وصلت الشماته طلعوا على حقيقتهم وانا ارد عليهم مااسكت تلفظت الفاظ وربي ماودي اني قايلتها بس اهم استفزوني استفزاز قسم بالله يخلونك تقولين اللي ماودك تقولينه يرفعون الضغط حسبي الله ونعم الوكيل عاد قالوا اسكتي دعينا عليك وانا خايفه الله يستر من دعاويهم وش اسوي هل الحق معي او معهم ..؟