خالة زوجي وقهري منها وتصرفاتها معي

ياخواتي ودي اخذ رايكم بشغله سويتها مدري انا غلطت ولا ...بس شكلي غلطت بس والله من الحره والقهر الي فيني..هذا ياحبيابي زوجي عنده خاله ساكنه معنا بنفس المدينه وبنفس الحي ...ماطيقني ولا انا اطيقها بس انا والله يشهد علي ماكرهتها الامن تصرفاتها معي دايم تحسسني اني ولا شي مدري هي متعمده ولا غباء منها تسوي هاالحركات...وبعد زوجي هو الي ساعدها ع هاشي بس من غير قصد منه زوجي طيبه مرررره ومايعرف نوايا الحريم...
كتبت ها المقدمه عشان بس اعطيكم فكره عن اسلوب ها المره
السالفه ان خالة زوجي هذا لها معي اكثر من حركه وانا دايم اطنش واعدي عشان زوجي لايزعل وكل مال ها الحرمه تزيد معي بحركاتها الي مالها داعي
اول تصرفاتها اني من يوم سكنت هالمنطقه وهي تكرف زوجي ماعمر زوجها كان عنده استلام الاودقت ع زوجي رح جب لي اغراض ..طيب زوجك عارف انو بيكون بكره مستلم معقوله مايوفر لك ولعيالك كل الي ناقصكم...في البدايه قلت عادي خالتها ومافيها شي لو يخدمها بس مو لهدرجه كل ماصار مستلم زوجها تدق ابغى اغراض...وكمان ابد مابينا زيارات اذكر انها جتني مره اول ماسكنت شقتي ومره يوم جبت ولدي واغلب زياراتها تجي لما اهل زوجي عندي يعني اذ ام زوجي او خواته عندي ولما تبغى تجي عندي ...اول مره بغت تجيني دقت ع زوجي مع ان رقمي عندها ...قلت يلا يمكن منحرجه تدق على ...فاانا يوم جيت بزورها قالي زوجي بدق ع خالتي قلت له لا تدق رقمها عندي وانا بكلمها انا الي بيجلس معها مو انت...كلمتها ...بس رجعت عادت نفس الحركه لما بغت تجيني دقت ع زوجي ...زي الي تقول ماني جايه لك جاي لولد اختي...وكمان لما تكون عندي ام زوجي ...وهي بتجي تدق ع ام زوجي وام زوجي هي الي تقولي ترا فلانه بتجينا اليوم ...ومره كانت عندي اخت زوجي ودقت عليها ها المره وقالت يافلانه بكره بجيك فا اخت زوجي اعتذرت منها ...وجات قالت لي ترا خالتي دقت وبغت تجي واعتذرت منها ...لاني انحرجت البيت بيتك المفروض تكلمك انتي...الموقف الي صار وخلاني اعراف انها متعمده انها تقهرني...اني مره كنت في ديره عند اهل زوجي وها الحرمه كانت بعد عند اهلها وكانت حامل..وكان ذاك اليوم زواج بنت خالتي...دقيت ها الحرمه ع زوجي وقالت له تعال ودني المستشفى زوجي قالها انا مشغول بودي زوجتي للمشاغل عشان زواج بنت خالتها ...انا هنا عرفت انها متعمده في حركتها طيب انتي عند اهلك اخوانك اخوانك موجودين وعيال اخوانك كلهم جنبك ليش تدقين ع زوجي وتقولين يوديك...والموقف الي سوتهوقهرني مررره وخلاني اكرها ...انو مره كان عند اهلي مناسبه كبيره وعزمنا اهل زوجي ...جو اهل زوجي من ديره...وجو عندي ..ها الحرمه دقت ع اختها ام زوجي وقالت بجي عندكم بكره ام زوجي قالت لها ترا فلانه الي هي انا بكره مابتكون في البيت وبتروح تساعد اهلها ..تخيلو اش قالت ..قالت عادي خليها تروح انا بجي. ..لكم بتقولون كيف عرفتي انها قالت كذا ...انا كنت جنب ام زوجي وصوت المكالمه كان عالي وسمعت كل كلامها...


.الي صار اليوم وابغى رايكم هل انا غلطت ولا لا




اليوم اخذت جوال زوجي عشان ادق ع اختي وفتحت سجل المكالمات لقيت مكالمه للحرمه هذي وكان وقتها ساعه2 ظهر ...انا بها الوقت كنت نايمه وزوجي برا البيت ..قلت شكلها دقت ع زوجي يوم
كان بر ا البيت
اخذت الجوال وكلمت اختي ورجعته لزوجي وقتها كان العصر وكان زوجي نايم
جيت المغرب بصحي زوجي...صحيته وقالي كم ساعه .مديت يدي ع الجوال بشوف ساعه وسالني في مكالمه ع الجوال قلت لا.. وانا شفت لها مكالمه ع طول مسحت المكالمه وليتني مامسحتها بس مدري ليش مسحته ع طول شفت رقمها مدري اش جاني ومسحتها عشان زوجي لا يشوفها ...لانها اكيد داقه تبغى يروح يجب لها شي ولا يوديها مكان..وانا مابغى زوجي يطلع عشانها ...لاتقولون وش عليك منه دام انو راضي يخدمها ...ايوه راضي بس من صباح وهو برا البيت وانا اريحه وتجي هذي ترسله جب وجب...ولان زوجي مستحيل يقول لها لا بيروح عشانها لو اخر الدنيا..وانا مقهوره منها ...لو مقهورين من احد بتسون زي واكثر..
..بعدها خرجت من الغرفه ورجعت مره ثانيه لقيت زوجي يكلم بالجوال بعد ماقفل قلت من تكلم طنش مارد على ..قلت اش فيك قال ولا شي .انا هنا اخذت في خاطري لي يطنشني وعرفت انه شاف مكالمتها ...وزعل ليش اني مسحت رقمها...المهم قلبتها عليه وانا الي زعل ...ليش طنشني ...جاء وواخذ بخاطري واعتذر وقال انا كنت توي صاحي من نوم ومعصب ...معليش...المهم قلت بيني وبين نفسي شكلي ضلمتها ماله دخل في انو طنشني...وبعدها راح يتوضا للعشاء اخذت جواله وفتحت السجل ...لقيت لها مكالمه بنفس الوقت الي طنشني فيه...انقهرت ...بس عشان اعتذر قلت بعديها هالمره له
قولو لي وش اسوي مع هاالحرمه ..طنشت حركاتها وكل مالها تزيد والي يساعدها ان زوجي ماحط لي قدر عندها مجرد يشوف انها غلطانه يقولي عادي يمكن ماتقصد ...