خالتك ام زوجك متعبتك ؟ انا تعبت من خالتي وهذي الحكاية

http://***************.net.in/all/index.php .

السلام عليكم هلا والله باخياتي والله العظيم اني احبكن في الله
والله يجزاكن الجنه كثير استفدت منكم وحبيتكن وهذا انا توي مشتركة معكن من حبي لكن
وطامعتن بعد الله مساعدتكن الله يوفقكن
انا ياطويلات العمر مشكلتي مشكله مع اهل زوجي المصون وبالاخص خالي اه ياخالتي
هم طيبين مامنهم شر خاصة عماتنا مرة طيبات المشكله بس في خالتي والله يابنات اني من عقب ماجيت من شهر العسل وهي مع زوجي شيل وحط تعال ودنا .. تعال جيبنا .. تعال زين هذا خربان جب عامل .. يعني كل شيء من امور بيتهم على رجلي بس مع العلم اني الحمدلله اني ساكنه برى عنهم والله يابنات انا مااقول شيء لو انها ماعندها غيره هذا ولدها وانا بيضيق صدري لو مالبى لها طلباتها لكن اللي يقهر ان عندها ماشاءالله اولاد كثير اصغر منه وفاضين لا شغل ولا مشغله كلما طلعنا لمكان نتمشى انا واياه دقت عليه تبي شيء ونكنسل كل شيء والله مليت والسفر ماتبي الا مع زوجي مع انه الاولى تروح مع هالشباب اللي عندها اللي ماعندهم حريم وياليت اذا سفرنا تكون لوحدها على عيني وراسي لا يصير هي وبناتها وبزرانها والله طفشت وانا طيبه مره بس مليت للصبر اخر.
خواتي يقولون لي خليكي ثقيله ولا تروحي كثير لهم خليكي كانك عروسه جديده يعني (لا تدهلينهم)وسويت مثل ماقالن بس للاسف هذي هي ماتغيرت احيانا تغصبن على شيء بحياتنا حنا مانبيه يعني تتدخل كثير بامورنا ..سووا كذا وافعلوا كذا والله تعبت وادري انها امه وعلى عيني وراسي بس ليش عليه كل الشغل وفيه اولادها الثانين فاضين ليش توفرهم وهما ماعندهم لا حريم ولا شيء
الله يجزاكن الجنه وجهوني ساعدوني الله يحرمكن عن النار ووالديني وجميع المسلمين