حصني نفسك بالرقية الشرعيه..

روحي عند شيخ ثقه وشوفي احسن لزيادة اطمئنان وان شاء الله يكون مافي شي والله يسخر قلوبكم لبعض

لا اله الا الله .............

انا من رايي انك تشيلين فكرة السحر من راسك نهائيا وحاولي تعدلين حياتك ولاتكبرين ولاتهولين الامور الي تصير بينك وبين زوجك على ان هذا بسبب سحر وان ماله حل حتى لوكان فيه سحر اوعين عليك بالصمت عند حصول المشاكل ودبري امورك بصمت وعيك بالدعاء وكثرة الاستغفار ترا الشياطين يحرقها ويذبحها الاستغفار
وعليك بسورة البقره يوميا شغاله في البيت واقريها في ماء وعسل وزيت زيتون واقريي فيهم القران كله لو قريتي كل يوم ثلاث اجزاء ونفثتي فيهم ختمتي بعشر ايام وحطي الزيت بالسلطه -_وتدهنوا فيه _ واشربوا العسل_ والماء المقري فيه

والله اني اعرف وحده جاها من السحر ومشاكل احموله شي عظيم وعالجت ذالك كله بالصمت والرقيه والدعاء والي يشوفها يقول اسعد وحده في العالم تقول مر علي اربع سنين كنا اخوان غير الفاظه الشينه ولايراعيها وهي موظفه ولو كانت حامل كل يوم عزايم وسهر وتعب وصابره وساكته ومشيه حياتها علشان ها العيال واشوف امورها متحسنه ولله الحمد وربي موسع عليها الحين والله لوماقالت لي
مدريت عنها احسبها اول بجنه وعلاقتها مع حمولتها الحين زينه لانها صامته ماطلع منها شي تستحي منه اوتندم عليه

المهم تراك انتي الاساس وانتي عمود البيت اثبتي وعليك بالكلام الزين وظبط الاعصاب والدعاء والاستغفار والقران وبتتسهل امورك ويفرجها ربالعالمين المهم اذا شب ابليس النار بينك وزوجك طفيها والله يفرجها علي وعليك وعلى كل من به كربه وهم

ورشي مداخل بيتكم بالماء المقري فيه واطلبي من خالتك تجيب ماء مقري فيه حق السدحان وترشه على الباب والعتب

ونصيخه ترى ابليس بيوسوس لك ويقول مافيه فايده وتعب ويضيق عليك بس امضي في امرك لان اخرة الطريق فرج وسعاده وان طال ها الطريق

الله يكفيكم شرها ..