خالتي

السلام عليكم ورحمه الله وبركاته
كيفكم ياحوائيات ومن العايدين
الله يعطيكم العافيه يارب
مشكلتي يابنات ان خالتي تكرهني بشكل مو طبيعي تكرهني كره مادري كيف اوصف لكم هذا الكره
طبعا خالتي مو متزوجه عشان لاتقولون انها تغار مني عشاني احلى من بناتها مو متزوجه تستفزني
وتجرحني بكلامها عندها كلام جارح مره يعورني قلبي من كلامها لي بقولكم بعض المواقف واحكمو
طبعا دائما نجتمع عند جدتي انا وبنات خالي وبنات خالتي الثانيه جدتي وزعت علينا حلاوه العيد
قالت خالتي ياعساه بالسم الهاري عليك تقولها لي قدام بنات خالي ماانكر يابنات ان الكلمه ذي جرحتني
جرح قوي وتمدح بنات خالي وبنات اختها الثانيه قدامي وتسولف معهم وتضحك قدامي انا عارفه انها تسوي
كذا عشان تقهرني واذا جو حريم تفشلني قدامهم وتجرحني بالكلام والله والله العظيم انها تدعي على بدون سبب
واقسم بالله يابنات اني اعزها واحترمها ولا عمري غلط عليها انا معروفه بأدبي واخلاقي ولا عمري غلط على احد
الحمدلله ومره هاوشتني قدام خالي هواش مو طبيعي قامت تدعي على وتتفلني دمعت عيوني بغيت انفجر من البكاء
هاوشتها امي وخالي قالتها بلسانها قالت لأمي اكره بنتك ذي كره مايعلمه الا الله قالت امي ليش ايش سوت لك قالت
ماسوت لي شي كذا اكرها وخالي هاوشها ذاك اليوم كان اسوء يوم في حياتي طلعت الحوش ابكي من القهر واتصلت
على ابوي قلت له تعال خذنا البيت حتى هي اعترفت اني ماسويت لها شي وتكرهني كذا بدون سبب على فكره هي
تكرهني من يوم انا صغيره لي مواقف كثيره معاها وانا صغيره عمري 25 ماعدني صغيره عشان تعاملني كذا ورب
الكعبه يابنات من القهر اللي فيني ومن كلامها الجارح لي صرت احقد عليها واتمنى لها الموت صرت ادعي عليها
بين الاذان والاقامه ان شاء الله ان يستجيب ربي دعوتي لأني ماسويت لها شي ومظلومه وبأذن الله ان يحوجها الله
الله لي عشان تعرف ان الله حق ورب الكعبه اني اروح من عند جدتي الين بيتنا ودموعي في عيوني من لسانها القذر
وحلفت اني معد اطب عندهم ابدا ابدا ابدا الا على جنازتها ان شاء الله والحمدلله انا فرحانه لأني ما ارد عليها اخلي
الزمن الين يدور لاكن انا في حيره معقوله خالتي شقيقه امي تكرهني فيه خالات يكرهون بنات اختهم ولا انا بس
حسبي الله ونعم الوكيل