خالتي الله يعيني عليها

اولا السلام عليكم اخواتي انه ابغى استشيركم بكثير مشاكل تمر علي لاني لقيت فيكم الحكمه والطيبه ابعد لاني ما ابي اشكي لاهلي وابي اراء محايده
طيب اول مشكله تتعلق بخالتي ام زوجي الله يحفظها
خالتي انسانه حبوبه وايد وعلاقتي معاها عسل والحمد لله ( طيب وين المشكله)
المشكله انها فيها شوي طبع اللقافه وحشر النف
اذا تدخلت بشي يخص العيال او زوجي انه ما ازعل لاني اقول هذا من حقها باعتبارها جدتهم وامه
بس اتضايق لمه تتدخل بشي يخص اهلي
اوضح اكثر ............ انه عندي شي يخص عايلتي يعني تقدرون تقولون سر او موضوع ما نحب نتكلو فيه ابد وهذا الموضوع يخص وحده من خواتي .... وهذا الموضوع هي تعرف منه الشي العام بس مو التفاصيل
والمعلومات هذي سمعتها من بعض الناس الي يحبون القيل والقال الله يهديهم
بس خالتي كل مره تشوفني تقعد تسأل عن هذا الموضوع لدرجة انها تروح تسأل بنتي الصغيره وتحاول تسحب منها كلام
طيب قلت حق زوجي الي ما قصر وكلمها وقال لها لا تتدخلين بالي ما يخصك بس بدون فايده
حاولت اتهرب من الاجابه او ابين لها اني ما ابي اتكلم بالموضوع بعد بدون فايده
والمشكله انها ساعات تحرجني وتسألني قدام بناتها وخواتها وانه من النوع الي ما يعرف يكذب فيصير وجهي اصفر واقعد انتفض والخبط بالكلام
لبي مشورتكم كيف اتعامل معاها