ضلع @dlaa_77
عضوة فعالة
خالتي جرحتني بسحبها
صباح الخير اقولكم موقفي وانتم احكمو انا متزوجه وعندي بنت عمري ٣٥ اتصلت علي خالتي اخت امي نقول اسمها مثلا سارة وعزمتني قالت تعالي عندها اختها الي هي خالتي الثانية وجاية من منطقه ثانية نقول اسمها مثلا اسماء المهم رحت انا وبنتي عمرها سنة وكنت مره مشتاقه لخالتي اسماء ودي أخذها بالاحضان ودخلت وكلي ابتسامه واسلم عليها سلام حار بس هي كانت بارده معي ولا عطت بنتي وجه وجلست بجانبها واسئله عن احوالها وعن بناتها وتجاوب بختصار ولا ابتسامه ولا شي وما كان في المجلس احد الا انا وهي وبنات خالتي ساره مراهقات مارفعو عيونهم من جوالاتهم وخالتي ساره تصلي المهم انا يوم شفت خالتي اسماء كذا عذرتهاورحمتها قلت يمكن عندها ضروف عائلية البيوت أسرار يعني بختصار ما تعطيني وجه وتجاوب علي إجابات مختصرة وكنها شايفتني امس بس الي صدمني منها انه دخلت بنت خالتي ساره وهي متزوجه وأصغر من ب ١٢ سنه ومعها بنوته بالاشهر اول مادخلت وتقوم خالتي اسماء وتسلم عليها سلام حار وتاخذها باحضان وتضم بنتها وما نزلتها من حضنها وتقول لها انها مشتاقه لها وبنتها وبدت تسولف وتبتسم لا وطريقة جلستها مالت لبنت خالتي واعطتني ظهرها وتسولف لها عن منطقته وعن حياتها وتطلع جوالها وتقول شوفي يا بنتي انا مصوره توزيعات استقبالك ويوم زواجك وتبوسها وتقول لا يمكن امسحها لاني احبك وتسئلها عن احوالها وبنتها المهم بعدها قامت تغير لبنتها وانا اسولف وماش الحرمه ساحبه علي وما دريت الا تنادي بنت خالتي الثانيه الي في صف خامس وبس تلعب في جوالها قالت تعالي اجلسي بجنبي وجت ومسكت معها سوالف وانا معطتني ظهره قلت بنفسي يا بنت ادحري الشيطان واحسني الضن ودخلت معهم سوالف بس ماش ساحبين علي الا يوم جابو سالفه واحد متوفي يشبه جدي الله يرحمه قالت ايه اذكره كان جميل الا التفتت علي خالتي وهي نبرة صوتها غضب قالت لي حتى جدك جميل وش فيك انت المهم انتهت الزياره ورحت لبيتي وانا شايله على خالتي ليش تعاملني كذا وش فرقي عن بنات اختها
21
8K
يلزم عليك تسجيل الدخول أولًا لكتابة تعليق.
نفس الرد اللي فوق
شكلها قالبه ع أمك وخرجت حرتها فيك
وأمك وينها..المهم اذا انتي فارق معك اسألي خالتك وقولي اش فيها خالتي علي ولما هي شايله مني ليش نادوتوني كان جلست ف بيتي ابرك لي.
وقبل كل شي انتي قمتي بواجبك وصلة رحم وربي لايحرمك الأجر😚
شكلها قالبه ع أمك وخرجت حرتها فيك
وأمك وينها..المهم اذا انتي فارق معك اسألي خالتك وقولي اش فيها خالتي علي ولما هي شايله مني ليش نادوتوني كان جلست ف بيتي ابرك لي.
وقبل كل شي انتي قمتي بواجبك وصلة رحم وربي لايحرمك الأجر😚
[Faith]
•
اللي استغربته انك مسجله من ٢٠٠٩ وهذي ثاني مشاركه لك ماشالله كيف حافظه الرقم السري من عشر سنوات 😂😂
المهم الموقف يقهر بصراحه واحس لو مكانك ماقدرت اكمل في الجلسه مااحب احساس اني ثقيله او غير مرغوب فيني..
وبالنسبه للخاله هذي بوصلها واكلمها علشان صلة الرحم وفي المناسبات الكبيره وأأدي حق الله فيها فقط وخليها تحب من تحب وتكره من تكره بسلامتها..
المهم الموقف يقهر بصراحه واحس لو مكانك ماقدرت اكمل في الجلسه مااحب احساس اني ثقيله او غير مرغوب فيني..
وبالنسبه للخاله هذي بوصلها واكلمها علشان صلة الرحم وفي المناسبات الكبيره وأأدي حق الله فيها فقط وخليها تحب من تحب وتكره من تكره بسلامتها..
الصفحة الأخيرة
يمكن زعلانه من امك وطلعت تأخره فيك
حركات حريم الله يهديها غثتك عالفاضي
حاولي تكلمي خالتك الثانية وأساليها
وش بلاها أختك قالبه علي
يمكن عندها جواب