والله كان قلتيلها كل شى قسمه ونصيب ياخالتى وعادى وشكلك انتى من النوع الحساس مره عادى خوذيه بسعت صدر خالتك تمون عليكى انا لو مكانك كان ضحكت وقلت ياخلتى ياحبيتى المكتوب عند الله بيصير انا احسه عادى جد ليش ناخذ الامور بجديه يمكن تمزح معاكى عموم لاتزعلى ابد منها مهم حصل مهما كان اخت امك وخالتك الشكوى لله:26: :26: :)

حبيبتي كل شيء قسمه ونصيب ..ولا تزعلين..يا كثر الكلام اللي ياني..بس أنا ساكته..والله موقفج أهون من الموقف اللي أنا انحطيت فيه..

اسمعي سالفتي عسب تهون عليج سالفتج..

الله يسلمج مرة كنت يالسه ويا بنت خالي وهي أصغر مني بكم شهر ومعرسه وعندها بنت..وكنا أنا وهي نسولف وويانا وحده من العايله معرسه وهي اكبر مني بكم سنة وعندها ولد ..
المهم اللي عندها ولد انشغلت شوي .وولدها تم يصيح وااااااايد..حاولت أسكته ما قدرت..وهي تشوفني بس هي مب قادره اتيي صوبي لانها مشغوله..بعدين قامت بنت خالي وشلت الولد وسكتته..اتصوري شو قالت لي ام الولد: قالت: أنت لو كنتي ام بتقدرين اتسكتينه بس لأنج مب ام ولا جربتي إحساس الامومة ما عرفتي اتسكتين ولدي..وبنبرة استهزاء..لأني ما قدرت اسكت الولد..

كلمتها طعنتني في الصميم..مع إنها هي أقرب بنت لي في العايله..أنا سامحتها لكني مب قادرة أنسى حرقة الكلمة..كنت شوي وبصيح..لكني اتماسكت..

بعد كم يوم خبّرت امي..قالت لي امي: والله ما شاء الله عليج أنتي اتعاونيني في تربية اخوانج الصغار من يوم يطيحون من بطني..واخوانج الصغار متربين على ايدج..(أنا أكبر وحده عند امي وابوي) وقالت لي طنشي..ونصيبج ياينج..وبتاخذينه..

^
^
شفتي كيف سالفتي شديدة..يعايروني لاني مب أم..وأنا أكثر وحده احب اليهال..وأموت عليهم..

هونيها وتهون حبيبتي..

ورزقج يا حبيبتي بتاخذينه..

يالله..يا سميع يا مجيب الدعاء..اتزوج تفانين بالزوج الصالح وترزقها الذرية الصالحة عاجلاً غير آجل..

طنشي ياقلبي وادعي ربك

اما الناس وكلامهم الجارح اعرفي ان ربك يمهل ولا يهمل


الله يوفقك ويسعدك والجميع ان شاء الله

عزيزتي هذي: كثري منها حتى من عيال اخواني واخواتي: ورد الشي في وقته حلو! وازيدك ترى اقاربي اذا سأل حد كويس قالوا له:ما يبون! وبنات وحدة منهم- اللي مرة -متزوجات احسن زواج! لكن يمهل ولا يهمل
وسعي صدرك