خالتي طيبه ولكن؟؟؟

السلااااااااااام عليكم يالغاليات

انا أبقول لكم قصتي مع اهل زوجي انا متزوجه من عشر سنوات تقريبا
وساكنه مع اهل زوووجي فوووق
وانا طيبه معهم لدرجه ماتتخيلونها ودايم اجلس عندهم بالساعات تحت
وأطبخ معاهم وكل شيء وأروح السوق مع اخواته طبعا يودينا زوجي
وهم خمس اخوات تزوجوا كلهم الا وحده بقيت الثالثه تزوجوا اللي تحتها وهي اللي بقت بدون زواج
المهم
أنا اللي في قلبي يقوله لساني ماأحسب ان وراي أحد يفسر كلامي وأنا على نيااااتي مره>>مثل مايقولون
وابذكر لكم مواقفي معهم

1/مره من المرات رحت مع أخته هذي اللي بقت ماتزوجت وعلى فكره هذي ماتحبني أبد وكانت رافضه زواجي من اخوها طبعا أخوها يقولي المهم رحت أنا وياها للسوق بالليل يوم جيت الاخالتي تبكي قلت وش فيك قالت خالك اللي هو ابو زوجي هاوشني مررره قلت ليش وش اللي صاير قالت انه يقول ليش تخليت حرمة ولدك تروح ببنتي بالليل انتي تعرفين وين رايحه بها تخيلوا أتهام صريح >>>وش يقصد
مع العلم ان زوجي رايح معنا وعيالي بعد وين أبوديها يعني

2/زي ماقلت لكم أنا دايم انزل عندهم وبالساعات وجاء يومين مانزلت لهم لان معي حساسيه شديده في المنطقه الحساسه
لدرجة اني ماأقدر ألبس كلوت وتصب دم ((الله يكرمكم))يوم نزلت بعد يومين قالت خالتي وينك علمتها بالسالفه>>شفتوا اني على نياتي قالت روحي للدكتوره قلت رحت لها قالت مانصرف لك اي علاج الا لما تنتهين من الدوره ألشهريه
لاني أذا عطيتك كريم راح يروح في الفوطه وماراح تستفدين منه
قالت خالتي نقعي لك ((مره))في مويه وحطيها وان شاء الله تتحسنين وجت اخته وجلست قالت وش السالفه وعلمتها قالت ايه بلاك وسخه ماتتنظفين تخيلوا قلت اصلا انا سأله الدكتوره قلت من ايش تجي الحساسيه قالت من الفطريات تنتقل من الزوج لزوجته مالها دخل في النظافه والحمدلله انا نظيفه
المهم نقعت (المره) وحطيتها يوم جاء زوجي من الدوام وانا جالسه عندهم تحت على الغداء بنتغدى قالت أف أف وش هالريحه قال زوجي وش ريحته قالت شم ريحت حرمتك الخايسه ماتشم ريحة (المره) فيها قال ماأشم شيء
ونفضت يدها وقامت قالت ماابغى شيء ريحتكم تسد النفس تخيلوا:(

3/ومره رحت معها السوق وانا جالسه اتفرج على البضاعه ألتفت ماعندي أحد مدري وين راحت التفت يمين شمال ماحصلتها واتصل على جوالها ويديني تنتفض وخايفه قلت لها وينك قالت انا في المحل الثاني انا واختي
نتقضى بكل برود ورحت وشفتها مع اختها تدور ودقيت على أخوي قلت تعال خذني رجليني ماعاد تشيلني من الخرررعه

4/ومره قلت لزوجي يجيب غداء من برا وكنت أتوحم وتعبانه وفوق منسدحه يوم شافت الاكل معه خذته منه
وقامت تاكل هي وزوجي تحت واتصلوا علي قالوا تعالي قلت لزوجي انا تعبانه وتحطه تحت وزعلت ولانزلت وتهاوشت انا وياه ولاتغديت تخيلوا

5/ومره كان فيني وجع بظهري وماكنت ادري انه ولاده وراكبه السياره بالحوش انا وزوجي واقول تحرك انا تعبانه
وكانت الساعه 2الظهر وقالت لخالتي والله مايرحون خلي أخوي يودينا للسوق وش هالسوق اللي فاتح الظهر قسم بالله وازيدكم من الشعر بيت ماركبت قاعده تكلم بالثابت تتواعد هي وصديقتها عشان ((ملزمه))تحطها لها في مكتبه وتسولف وحاطه رجل على رجل واقول لزوجي تحرك انا تعبانه يقول صعبه اخاف امي تزعل تخيلوا

6/مره من المرات اتصلت زوجة عمي تبكي قلت وش فيك قالت امي بالعنايه المركزه وأحس انها بتموت
قلت لها لاأن شاء الله ادعي لها بس وانا ابجيك الحين اوسع صدرك قالت تكفين بسرعه سكرت منها
واتصلت على زوجي قال خلاص تجهزي وأمرك عاد شافوني وانا لابسه العبايه قالوا وين بتروحين وعلمتهم بالسالفه قالوا وقفي لنا بنروح للسوق نشتري زعفران مع ان الوقت بعد صلاة العشاء قلت لهم خلاص بس بسرعه
يوم شافوني مستعجله قالوا ماراح نطلع الى ان يجي ابونا ونستاذن منه ونطلع قلت كلموه بالجوال واستاذنوا قالوا:لا
وجلسنا نحتريه الى ان جت الساعه عشر وطلعنا واستحيت من مرة عمي لو مارحت احسن جلست عندها ساعه او اقل وطلعت تخيلوا

7/ مره قلت لبنتي روحي قولي للشغاله تجي ترتب البيت معي يوم نزلت وقالت لها قالت ماأقدر عمتك تهاوشني تقول لو ترقين فوق أكسر رجلك قالت بنتي قولي لجدتي أستاذني منها وأرقي معي فوق قالت حتى جدتك تقول ياويلك ان رحتي فوق من كم يوم نزلت مراييل بنتي قلت خليها تكويهن انا ابروح لاهلي الخميس والجمعه ابغى اذا جيت القاها مكويه انا اللي غاسلتهم يوم نزلت بنتي بها هاوشتها عمتها وطردتها قالت خلي أمك تكويهن

8/ومن كم يوم خلصت القهوه قلت روحي جيبي شوي من تحت وطردتها:42: قالت خلي أبوك يشتري لكم
تخيلوا وش رايكم فيهااااااا؟؟

9/ومره حضرنا زواج وكانت صديقتي جايه وماشاء الله عليها حلوه يوم طلعنا من الزواج الا هي توصف صديقتي عند زوجي تقول ماشاء الله عليها قمر تهبل وراء ماتاخذها قلت انا عاد مو من قل مايجي صديقتي يجيها مناصب ((دكاتره ومهندسين))وترفض ومستحيل تاخذ أخوك متزوج وعنده عيال قلت قامت تحرني وتقول لو تشوفها بس تاخذ العقل


وقصص كثيره بس الله يعيني ويصبرني
واللي حبيت اقوله ان خالتي طيبه حيييييييل بس بنتها الله يهديها
تحركها دائما
فيه أحد مثلي يعاني معاناتي والله اني أدعي لها ان الله يرزقها بالزوج الصالح اللي يسعدها وتكفني
مع ان كثير من الناس قالوا ادعي عليها بالموت لاحول ولاقوة الا بالله