الباارقة @albaark
عضوة نشيطة
خالتي والثلاث بيالات ..!/ قديم
مرحبا بالجميع ..
طبعاً كل خميس نجتمع أنا وأخواتي عند أهلي , وكل وحدة تسولف عن حصاد أسبوعها , مافيه شي جديد السوالف نعيدها والمشاكل نكررها , بس أختي سالفتها غريبة عجيبة مع أم زوجها اللي هي خالتها ..
هي حرمة كبيرة بالسن ونشيطة وطيبة على نياتها , طبعاً أختي ساكنه مع أهل زوجها
مشكلة خالتها الله يهديها ,كل ما ضاق صدرها طقت باب غرفة أختي تبي تتونس معها , عندها بنات بس كلٍ منشغل في حالة , وبأي وقت ماتدري عنها إلا طاقة الباب ومدرعمة
مرة أختي مسوية مفاجأة لزوجها , الضعيفة مابقي شي ماشرته من أبو ريالين من شمعة وورد مجفف و..و..
ويدخل زوجها الغرفة ,و تقول يوم بديت اتبسم واتويمع إلا دقت الباب , قال زوجها : مين , قالت : أنا
صارت أمه عند الباب وفي يدها ترمس وثلاث بيالات ,قال لها : هلا يمه .. قالت عسى ما أنتم نايمين وأنا جايبةٍ شاهيي ..
أختي الضعيفة اختبصت ماتدري وين تروح , بس الحمدلله قال لها ولدها فلانة نايمة خلينا نتقهوى بالمجلس
قالت : مايخالف ..
تدرون وش الغريب أختي تمدحها ليل ونهار . تقول خالتي تموت فيني , وإذا حست مجرد احساس أني متضايقة من زوجي تعالوا شوفوا وش لون تغسل شراعة ,
وماتاكل إلا وأختي جنبها , تغليها كثر بناتها .. بس الله يهديها على هالدردبة في الغرفة ..
145
15K
هذا الموضوع مغلق.
جوري الجنوب3
•
ياحرام العجوز على نياتها لاتاخذو المسئله بحساسية
الصفحة الأخيرة