خالتي ..والسجل المدني ...والحج

كتبت موضوعي مدري وين طار ...خالتي كانت متزوجه ولد عمها وجابت ثلاث عيال اكبرهم الحين 35 ويوم تتطلقت كان
عمره 9 سنوات المهم تزوجت بعده وجابت ولد وبنتين وتطلقت لانه مايبي يعيش بالديرة متشدد بالحيل خالتي اخوي


يبي يحججها طبعا عيالها عند ابوهم كانت تزورهم بعدين صارت ماتقدر من المرض وكبر السن الحين ماعندها اثبات وماتبي تصور راحوا خوالي وطلعوا اثبات انها اختهم بصك الطلاق ومديرالحملة عندنا ماقال شي بس يقول اخاف من

الرياض يرفضون بس ثالث يوم العيد يردون الحين اخوي يبيني احج مع خالاتي 2 هذي عمرها 69 وخالتي الثانية 44 ومايعرفن شي اميات انا حجيت العام اخوي يقول روحي بااسم بنت خالتي لان اخوي مو محرم لها >>ماجبت شي

جديد يقول واذا قالوا شي اقول اختي من الرضاع انا رفضت ماعمري سويتها وغشيت خالتي قامت تبكي قالت ان ماحجيت هالسنة ماراح احج من رجولي والمرض هد حيلي اخوي يقول روحي معها جت عليكي كل الناس كذا يسوون
قلت مالي ومال الناس اروح احج واعصيت ولي الامر قال اسئل شيخ وقال الشيخ وعلى نياتكم ترزقون اخوي السنة

الجاية يتزوج ان شاء الله واللي اصغر منها 29 سنة اخذ فيها عمرة قبل ثلاث سنوات بس تعبته بالحيل وانا كنت معها بالحيل ارهقتنا الجهل مصيبة المهم وش تشورن علي اروح بااسم بنت خالتي وكيف التطعيم انا طعمت العام والا
مااراوح خالتي تقول ادفعلك اللي تبين وافقي وانا مترددة ماابي اروح بيت الله وانا غاشة ..فيه شي كثير بس مدري وش اقول هذا اللي حضرني الحين لان من العشرالاوخر وحنا بنقاشات ..لاتبخلن على بردودكم انتظركم وربي على احر من الجمر :06:


خلاصه الموضوع احج باسم بنت خالتي علشان خالتي وظروفها والا فيها شي لاتقولن مافهمنا شي تكفن..