خالتي وشغالتها

السلام عليكم

بنات انا مررررررررررررة بنفجر من يومين وانا مقهوررة بنفجر


اولا ام زوجي سافرت وانا ساكنه بنفس البيت بس بشقة منعزلة
واتصلت وقالت ترى بسافر انتبهي للشغاله بقولكم السالفه اللي قبل

وانا قبل كتبت موضوع عن الشغالة
وابو زوجي دايم يجيب مقاضي للبيت
وطبعا ابوه قال لا عاد تشترون اانتم وحنا واحد خوذي من تحت
المهم اني انزل اخذ من البيت او اتصل على الشغالة اقول جيبي بصل وطمام
اي شي ابغى من الخضروات بس اما الباقي اشتري من معلبات وخبز وغيرة
والشغالة بعد دائما تتصل علي وتقول عندك كذا او كذا وتجي تاخذ من عندي

المهم مرة نزلت وجيت اخذت كيس وحطيت طماط وخيار من الثلاجة وجيت عند الباب وقالت الشغالة ماشاء الله وين رايحه للسوق <<,< مدري هي دقة ولا احد موصيها تقول كذا ؟؟
واستغربت
ولا اسكت
ورحت من بكرا قلت لخالتي ترى تصدقين تقول وين رايحه للسوق
وخالتي ردت علي وقالت قليلة ادب مررة هذي الشغالة
مع العلم ان الشغالة ماتدخل الحمام الا بإذن من ام زوجي
وموقف ثاني جت اخت زوجي بالمتوسط واتصلت علي وقالت بجي عندك قالت لان مابالبيت احد وامي راحت
قلت تعالي
ويوم جت قالت عندك خيار قلت ايه عندي وفتحت الثلاجة واخذت خيار وزبادي وشوي قالت تقول الشغالة انك خلصتي كل الخيار ؟؟؟
وانا امس يوم كنت عندهم قلت للشغالة وانا طالعه عطيني خيار واعطتني 3 حبااات بس
وانقهرررت مرة منها ونفس الشي قلت لخالتي وناديت الشغالة قدامها وقلت لها انا الحين خلصت الخيار وتغير وجهها الشغالة
وخالتي الغريب ساكته وقلت للشغالة انا كم اعطيتيني قالت 3 قلت طيب خلاص روحي
بس عشان اثبت لخالتي اني ماخلصت شي
ومن بعدها قلت لزوجي خلاص بنشتري كل شي وماراح اخذ شي من تحت وراح وقال خلاص وصرنا نشتري وراح اشترى لحم وطلعه عندي والشغاله شافته وراحت قالت لخالتي وانجنت خالتي قالت ليش مانزلته تحت عندنا حنا وانتم واحد و ماعندكم فريزر كبير قال لا خلاص عندنا وحنا نبدأ نشتري لنا احسن
المهم صارت الشغالة كل يوم وهي ماخذه لحم من عندي وانا مدري ليش تسوي كذا
وجت امه من بكرا جابت لحم وقالت اللي تجيب الشغالة من عندكم مايكفي قصدها اني اعطيها كيس وشوي
وقالت بين الكلام اصلا انا ولدي ماادري وش صار فيه ماعاد يصرف ويعطي مثل اول تغير
قصدها من يوم ماتزوجنا وهو عنده ديون ومصاريف كيف يصرف عليها وهو عنده بيت وهي مو ناقصها شي وعندها راتب تقاعد وابوه راتب التقاعد 15000 ليش تناضرة وتدق بالكلام فيني
وابوة كل شوي يتصل عليه وهم مسافرين يتمشون ويقول امك زعلانه راضيها وحول لها 5000 عشان ترضى عنك
وهم ماخذين الفندق الليلة بألف وماخذينه 9 ايام بـ 9000 ومع انه فيه ارخص بس كذا ماخذين غالي
وزوجي عنده عمارة وماهو فاضي لهم
ولا اعطاهم وجه وقال لابوة والله انا ماعندي وليش تزعل وانا ماكلمتها ولا زعلتها ولا شي المهم انه صرفهم واهو ماراح يعطيهم

المهم
اتصل ابو زوجي بعد حركة الشغالة للخيار وقال يابنتي ترى انا جبت اغراض للبيت مليان اشتريت كثير
اتصل طبعا بعد الحركة من الشغالة وانا مدري وش السالفة واكيد انها علمته وش صار لانها تعلمه كل شي
المهم
اللي خلاني اصيح من القهررر امس وبغيت انفجر
وانا نازله تحت وطبعا بالبيت مافيه الا اناا والشغالة الحقيرة
جيت ناديتها وقلت تعالي جيبي مفك وشدي الدولاب لانه مرتخي
جت الشغالة قالت مااعرف وانا ادري انها تستهبل لان لها 7 سنين وتفهم اكثر مني وملكعه مرة
قلت يلة خلصني وهاتي انا بوريك
وبعدين جت قالت لا لا بعدين خربان وانا مالي دخل اذا خرب ولا تسوين شي
عشان مااما تقول انك خربتي كل شي ؟؟
وانا يابنات هنا طيرت عيوني وقلت انا ااخرب كل شي من قال قالت ماما
قلت لها ترى بقولها لا تكذبين قالت والله ماما يوم سافرت المرة الاولى قالت انك خربتي كل البيت
وانا المرة الاولى يوم سافرت انا بس قلت للشغالة رتبي دواليب المطبخ وماخرب شي ؟؟ ولا اذكر اني سويت شي ثاني
يعني عشان رتبت ومسحت دواليب المطبخ اكون خربت
وزوجي يوم قالت هالكلمة كان على دخلته وانا خنقتني العبرة مرررة وقلت في نفسي هذا جزاء المعروف
تاركه بيتي وجالسه تحت عند شغالتها واهتم بالبيت وهي رايحه تتمشى واخرتها تقول خربت البيت
ويوم دخل وانا خلاص وصلت معي لاني تذكرت انه مرة دخل البيت وقال لي انتي خربتي البيت ولا ادري وش قصده
وتذكرت انه من امه اكيد هي قالت له وهو يجي يعيد الكلام على راسي
وانا الصراحة يوم شفت وجهه ودي انفجر بوجهه واضف شنطتي واروح عند امي
بس ماقدرت وجلست اصيح وهو عنده رحله يومين بيخلص شغل ويرجع لان طبيعه دوامه كذا
فيوم شفته جلست اصيح وتوقعت يقول وش فيه الشغالة زعلتك ولا شي .. ؟؟
تخيلوا وش قال ؟؟
قال كل هالصياح عشان انا مسافر ترى كلها يومين وبرجع
لا تصيحين علي بس ؟
وانا مت قهر بزيادة لانه فهمها خطا وفكر اني اصيح منه مو من الشغالة الحقيرة وامه
عاد انا اسكت وقلت في نفسي ماراح انكد عليه الحين وهو مسافر بسكت لحد مايرجع
بنات انا ابي اطلع لبيت لحالي بس هو يعمر ولا فيه امل يدفع لي اجار شقة وابوة وامه موجودين ويبي يجلس عندهم
محتاررة وبنفجر من القهر
حتى العزايم محرومه منها ما اقدر اعزم احد حتى اهلي انحرج لان شقتي بس صالة ومطبخ وحمام وغرفة مرررة صغيرة
وكل من دخل وطلع لازم يعرفون ويعلقون ويتشمتون
وانا مااحب الشماته والقيل والقال ومقهورة مررة
والسوق مااقدر اطلع مع امه وامه كل يوم بالسوق بس تدرون لية ؟
تروح تشتري لي على مزاجها وتغصبني بالقوة اشتري مب على كيفي
تخيلوا معي عربيتي حق السوق ومعا عربيتها تروح ترمي بعربيتي اي شي وتقول هذا مررة حلو لك
وهذا مرررة حلو للبيت والله اني اموت قهر ولا اقدر اتهاوش معها ولا شي وسوت فيني هالحركة كل مااطلع معها
فكرهت اني اطلع معها يمكن ماطلعت من سنة الا مرتين ونفس الشي ماتابت تروح ترمي بعربيتي اغراض واحاسب وانا ماشوف الدرب :(
وحتى لمى تقول لي تعالي نطلع لفلانه او علانه تروح تشوف لبسي اول وتقول غيري البسي هذاك وهذاك
وانا مااقدر اتكلم لانهم قرايبها مب قرايبي
ونفس الحكاية تبت وماعاد طلعت معها لاي ناس
وتقول لولدها ترى زوجتك مب حلو لبسها
تخيلوا لدرجه انه يقول اذا جاء بيوديني عند خاله ولاعمه يتذذكر كلام امه ويقول يووه اخاف تفشليني بالبس ؟؟
مع ان لبسي ساتر ومرتب وناعم بس مب على ذوقها
وصرت اشك بنفسي وارسل صور اللبس لقروب بنات خالتي مع خواتي بالواتس اب ويقولون الله من وين هذا ومن وين هذذا ؟؟
شككتني بنفسي حسبي الله عليها
وامي اذكر يوم جت تخطبني قالت وش هاللبس عليها يفشل ؟
يعني انا مو قصدي الا انه الناس اجناس ويختلفون بالاذواق وكل واحد ينام على الجنب اللي يريحه
المهم مو بس كذا جت عندي زوجة اخوي مرة بالبيت وشافتها والله يابنات انه من بعد مادخلت زوجه اخوي البيت مادخلت احد بعدها بيتي ولا عزمت احد وكله منها بقولكم وش سوت
راحت توصف لزوجي شكل زوجه اخوي وجسمها ولبسها ومكياجها
والله العظيم انه كل ماتصل اخوي عليه وسكر من المكالمه قال الله يازوجته كيف ذوق ؟؟ وحلوة
وانا والله اني كنت احبها كرهتها مرررة ومسسحت رقمها من عندي ولا عادي كلمتها
حتى اخوي مستغرب ليش ماعاد عزمتها ولا شي
وانا ماعاد ابي اتكلم عنها من القهر كيف قهرتني امه وتروح توصف له اي وحده تجي عندي من قبل
بس هو حط عينه على زوجه اخوي
ورحت قلت لخالتي ترى مايجوز توصفين
قالت انا ماوصفت انا بس سألني وقلت لها انها لبسها زين بس
وهي كذابه وانا ادري والكذب يمشي بعروقها
وهذا كلام ولدها يقول كذا وكل ماقلت امك تقول كذا
قال امي كذابه انتي صدقتي :(
وش رايكم
وش اسوي معها ومع الشغالة اللي بنفجر منهم



ملاحظة للي ردوا
ترى اهلي بعيد عني بمنطقة ثانية
وهنا مااعرف احد الا اهله
والسوق هنا مااقدر اطلع معه الناس تجي تسلم على زوجي وانا معه وانا صرت اتضايق يعني كل مااطلع معه لازم واحد يوقف ويسلم
وكرهت اطلع معه للسوق
والسوق اطلع معه بأي مكان بالعالم الا هنا بهالمنطقة لانه معروف :(