السلام عليكم يا اخواتي
حالتي النفسية صارت بالحضيض والسبب هو ابني وبعده عني
لي مايعرف القصة
القصة كلها اني كنت متزوجة بنت خالتي وصار خلاف عائلي كبير بينا وبينهم وطلقني وعمر ابني ٣ سنين وتزوج بنت خالي
ويوم تزوجت واحد ثاني جن جنونه هو واهله مني وانتقم مني واخذ ابني لحضنه من حوالي سنة والى الان اعيش العذاب النفسي اشكال والوان
لا احد يقولي انتي ضعيفة وانتي كسولة
لا احد يقولي المحكمة والشيخ والقاضي والحضانة
لفيت كل شي ب ارض الواقع مالقيت اي افادة الحكي والهياط بس بتويتر والمنتديات
الكل يقولي الشيخ بيخير الولد والخوف اذا انضغط عليه يختار ابوه وهم حاسبين حساب هذا اليوم
لقيت محامي وعلى اساس يخلص وضع الولد وماقدر عليهم بالعكس اهانوه وتحدوه وخالتي من لسانها قالت له لو تجي الشرطة قدام الباب مارح تخلي الولد يتركها ويسكن عندي
وصلنا للشرطة مالقينا فايدة
بس قالو لي جيبي صك الحضانة حق الولد واحنا نسحبه غصب عنهم لك
كله ب ارض الواقع منتصرين لهم كلهم مصدقينهم ومكذبيني
حتى اهلي يقولو لي خلاص استودعيه الله بس وبيكبر ويجي لك مارح يتم طول العمر عندهم
كل يوم ادعي له وادعي الين ابكي
يقعدون يواسوني يقولون لي ابنك واهل ابوه ويتمو فيهم خير له يعني وغيره يتعذب وينضرب وينحرق عند زوجة ابوه
اقعد اتخيل حاله عند زوجة الاب والاب واهله ويضيق صدري وخصوصا برمضان شهر الرحمة
بيت خالتي مايخافون الله لا برمضان ولا ب شي
صارلي اسبوعين من اخر مرة شفته قدام بيت جده مع عيال عمه وقلت ل اخوي وقف ومارضا تم ماشي خاف من اهل طليقي
وانا قلبي يحترق وانا اشوف ابني واقف قدام البيت يضحك مع عيال عمه
تواصله معاي بالجوال فقط وبالاسبوع مرة لايزورني بس اذا كنت في بيت اهلي ابوه يسمح له يزورني والحجة انه مستحيل يخلي ابنه يعيش عند زوج امه وابوه عايش
ولا زارني الولد كل ساعة مكالمة من ابوه يتطمن
بس امه حتى هذا اليوم ماتبغاه يجيني وتقولها بالعلن انها بتحرمني من ابني بكل شي وقاعدة ندمانة انها ماخذته من يوم ماكان صغير
ظلمها وطغيانها ماله حدود لدرجة اكتشفت ابني انه كلمني وزارني راحت ضربته بالعقال وتجي بهذا اليوم لي بيزورني فيه تلاقي الف حجة وحجة عشان تاخذه وماتخليه يجي
الولد من لسانه قالها لي ذيك المرة
يقولي انه جدته قالت له اسويلك لي تبغاه بس ماتزور امك ويوم رفض عصبت عليه وضربته وكل مرة تصير تحاول فيه هي وبناتها ويعبون راسه علي وهو يسلك لهم تسليك
علاقتنا ببيت خالتي مقطوعة من سنين وحتى اخوالي وخالاتي مقاطعينا عشانها
مافي الا خالتنا اكبر وحدة ومتوفية من زمان عيالها يوصلونا ويزورونا
واخلي بنتها كل فترة تروح تزور ابني في بيت جدته وتطمني انه بخير وصحة وسلامة لانه ساكن مع جدته
حسبي الله ونعم الوكيل في خالتي الله ياخذها اخذ عزيز مقتدر ويريحني انا واهلي من ظلمها وطغيانها علينا
شروق ٢٠١٩ @shrok_2019
عضوة جديدة
يلزم عليك تسجيل الدخول أولًا لكتابة تعليق.
مناريتا
•
انا اللي اعرف يوصل سبعه او اكثر هنا يخيرونه اصغر من كذا الحضانه للام وبما انها خالتك اخت امك خلي امك تتفاهم معاها وتكلمها
انتي من جدك ايش ارض الواقع وماادري ايش اذا ولدك صغير بعمر الحضانه تقدري تاخذيه من فوق خشومهم بالمحكمه ويعطونك صك حضانه ومره وحده اذا رحتي ارفعي عليه قضيه نفقه للولد
لو اني منك والله اجرجرهم بالمحاكم
لو اني منك والله اجرجرهم بالمحاكم
الصفحة الأخيرة
الولد مرتاح مع جدته ولا كيف
ابوه قاسي معاه ولا كيف وهل يتعذب او ينضرب او مايصرفون عليه
اذا وضعه كويس ببيت ابوه
انا اشوف وجوده ببيت ابوه احسن لك وله يعيش من خيره وينفقون عليه ويربونه
وصدقيني اول مايكبر بيرجع لك مارح يستغني عنك لاتخافين
وخالتك وظلمها مارح يدوم صدقيني بيجي لها يوم تعرف ان الله حق