خالتي وقصه خطبه ولدها اكثر من 25 سنه💔

سالفه جدا قديمه تخص خالتي هذي السالفه لها اكثر من 25 سنه وقالت لي استشيركم ووبقرأ لها ردودكم ،
 خالتي من زمان تبي تخطب لولدها لانه يبي يتزوج وكل يوم يقولها زوجيني والا بطلع من البيت وما تشوفوني والمشكله  كلهم يرفضون يزوجونه وكان عندهم جاره من جنسيه عربيه وبنتهم قريبه من عمر ولد خالتي
. والبنت في البدايه رفضت هي واهلها بس خالتي رجعت تكلمهم بسبب كثره زن ولدها يبي يتزوج ونوعا ما كانهم وافقوا بس مترددين بس حددوا موعد تجيهم خالتي ويتعرفون اكثر على بعض ويعرفون ولد خالتي اكثر ، وبعد بيومين الا جاء اتصال لخالتي  من وحده تعرفها انها سمعت انه خالتي تدور عروس لولدها والكل رفض وقالت انا اختي اكبرت وما تزوجت وما نبي نزوجها بعيد عنا فاذا انتي حابه بكلم لك اهلي وتجين وتشوفين اختي
وعلى طول خالتي استشارت زوجها بس هي ما كانت تبي لانها مواعده جارتها بتجيهم بس زوجها غير رايه ورفض قال احمدي ربك جتك الفرصه وحده ترضى فيه لا تاخذين له من برى دام انه فيه وحده قبيليه ترضى فيه (وطنشت موعد جارتها ) وراحت وشافت البنت وتمت الامور على خير 
المشكله من بعد هذي السنين كلها خالتي متحسفه تقول ليتني خذيت ذيك البنت  (لانه زوجه ولدها فرقتهم  عن بعض والحين ولدها الوحيد سكن جنب اهل زوجته ولا يجي عند اهله ولا  يواصلهم يعني في السنه زين اذا جاءهم مرتين او ثلاث 
الزبده انه خالتي تخاف انها حوبت جارتها وبنتها ، لانها سحبت عليهم وخالتي عندها 6 بنات 2 مطلقات ما تموا شهر و4 ما تزوجوا وكلهم كبار اصغرهم عمرها 32  
وتخاف انها حوبت جارتها او دعوه صابتها فتبي تسألكم كيف تكفر عن ذنبها وايش تسوي ، للعلم جارتها ما تدري عنها لانه سكنت في منطقه ثانيه  حاولت تجيب رقمها وتسأل الجارات عنها بس محد يدري بس فيه وحده منهم تقول التقيت فيهم في استراحه وعرفت انه البنت للحين ما تزوجت 
وخالتي تضايقت لما درت انها ما تزوجت خافت انها عطلت نصيبها، وفي نفس الوقت تقول الحمدلله ما تزوجت ولدي لانها ما يستاهلها وهي تستاهل افضل من ولدي 

بس دايم تفكر فيها وتخاف حوبتها او دعوتها انه بناتها للحين ما تزوجوا وما توفقوا  (وصار فيها كثير ناس يحددون موعد بيجون ولا يجون ) 
تبي تعرف كيف تكفر عن ذنبها وهل ربي بيسامحها ؟ بقرا  لها اللي تكتبونه ❤️