خالتي وهي خالتي ماحنت علي

بسم الله الرحمن الرحيم ..
السلام عليكم ورحمة الله وبركاته ..
انا باقول مشكلتي من اولها لاخرها ووالله ما ابالغ فيها .. بديت احس بكره خالتي ولا مبالاتها من بعد ماحملت بحملي الاول بس ماكتب ربي انه يستمر انا بعيده عن اهلي وماكان عندي احد يروح معي المستشفى لان كنت خوافه من المستشفيات فزوجي الله يهديه قال لامه اني تعبانه وعندي نزيف فاصرت عليه الا تتنوم معي انا صراحه كنت على نياتي اقول وش ذا الخاله الحنونه اللي خايفه علي عاد تنومت اتاريه مو عشاني عشان اللي في بطني يوم نزل كان اخر الليل على طول هبت فيني انتي السبب وانا ابكي مارحمتني ويعلم الله التسقيط فجاه بدون اي سبب دقت على ولدها في نفس اليوم ورجعها للبيت تقول مافيها الا العافيه وانا بقيت لحالي ومن هنا بدت الشراره في قلبي عليها ما اهتم فيني الا بنتها جات عندي لبيتي الله يوفقها ..والله مو مصبرني على خالتي الاهي من وقتها بديت اركز وانتبه للحركات والغلطات اللي تسويها حقوده وغيورره بشكل فضييييع
من يوم تزوجت ماسافرت سفره لحالي المشكله اذا كانت الام خالتك اخت امك شو الحل ؟؟كانت معي زي الفل قبل اتزوج حتى كنت اقول لامي ليه ماتكوني زي خالتي ويوم تزوجت بدا شغل الحريم انقلبت خالتي علي قلت الله يخليلي امي .مافيه زيها فديتها.تصدقون المكنسه الكهربائيه في غرفتي .ومنشرة الملابس في غرفتي .والحفة (مفارش)الضيوف في غرفتي .لا واذا بغتها تفتح الباب وبعدين تطرق لا استئذان ولا حاجه بس مالي الا الصبر ..حتى بنتي تقول خليها عندي انتي مو قد مسؤليه انتي وابوها والمشكله ولدها مو مقصر معها بحاجه صاير سواق ولا عمري سمعتها تثني عليه بكلمه او دعوه حلوه وانا محترمتها ويشهد علي ربي بس صراحه من الظغط اللي جاني تغيرت شخصيتي صرت بموقف دفاع حتى قدام حريم اولادها تسبني وهم لهم كل الاحترام انا الحمد لله علاقتي معهم حلوه بس الاحظها تبغى تفرق بينها بكلامها تجيني كانها الناصحه لي وتقول كلام وفيه كلام جارح وتقول فلانه قالته عنك..
مره كنت اتكلم انا واخت زوجي اقول وش رايك نطلع اي مكان سمعتنا وراحت تكلم امي تقول بنت داجه ماهمها الا الطلعات والاسواق انتي ماربيتيها علميها ترا ان جلست كذا بيمل منها وهو دايم يشكيلي منها وترا حياتها مابتستمر الرجال مايحب المسرفه وهي كل اسبوع في السوق واقوله قال الله يهديها والله اني ماشكيت لها بحاجه وانك ماتقصرين والا اشوف ليك حكاجه غلط واذا باشوف باقول لك انتي ليه اقول لامي مو انتي زوجتي ؟واصلا اعرف انه مايشكيلها لانه مايثق فيها نقالة كلام ويعلم الله اني كنت مو طالعه لمدة 3 شهور ولا اشتري الا الضروري امي قمت على نغمة جوالي والاقيه بيت اهلي كلمتني امي تبكي اقول وش فيك من البكا ماتقدر تتكلم ويوم عرفت ان خالتي مكلمتها بغيت انفجر فيها بس امي قالت طنشي وان سويتي شي لا انتي بنتي ولا اعرفك ولاتكلميني ..هاه بالله قولولي وش دخل امي في السالفه يوم تروح تكلمها لا واهي خالتي مقولتها المشهوره تقول لاتطلعي اسرار بيتنا لاحداحس اني مخنوقه منها حسبي الله ونعم الوكيل على كل من ظلمني ..ولو اتكلم من هنا الى بكره ماخلصت كلامي فابغى مشورتكم لان صبري وصل حده ...:06: