حابه ادخل في الموضوع على طول واقول
انا متزوجه من خمس سنوات وعندي طفلين وكثير من العايله يشاوروني في مشاكلهم والي يصير لهم وبالذات خوالي وخالاتي وبحكم اني تربيت وانا على صله دايمه فيهم فصرت مرررررره احب خوالي وبالذات خالي الكبير اللي مثل ابوي احترمه مره واقدره وهو يدري بحبي ومعزتي له
وبعد زواجي بست شهور تتزوج اختي وتاخذ واحد يصير اخوه متزوج خالتي يعني (خالتي واختي متزوجات اخوان)
ومن عقبها واخوالي تغيروا تخيلوا يابنات انا وخواتي التسع محافظات على الصلاه وعباياتنا ستر ولبسنا ستر صح كل اللي يشوفونا يقولووووون عنا ذوق في لبسنا واسلوبنا والحمد لله بس الاشكال خداعه حنا لنا هيبه وقويه وكل وحده منا تقول انا احسن من الثانيه وانا حبيت اقول هالشي عشان اوضح لكم شغله بعدين
نجي لخوالي مرررره هم ماشاء الله مكانه وفلوس ووسامه وعددهم 5 مافيهم واحد عاقل كلهم حقين بنات وعذرهم ان زوجاتهم مرررررررررررره مايفهمون بالحياة الزوجيه شفتم العذر المقنع كيف:09::09:
واذا قلنا لهم خافوا ربي وعلى الاقل تزوج بس لا تسوي غلط قال قريب بس خلونا كذا
نجي للزبده خالتي اللي مع اختي في نفس العايله من تزوجت اختي وهي راعيه لبس وخالتي مررررررررررره اخلاق وتحب الزين وصارت اختي معها وصاروا ماشاء راعية لبس وراعيات بيوت وازواجهم مرررره مبسوطين ويجي يوم من الايام وتختلف خالتي هذي مع زوجها وتروح بيت خالي لان جدي متوفي وقام خالي يتكلم فينا انا وخواتي ويسب ويقول ان حنا راعيات غلط ويقول بالحرف الواحد كنهم عايشات في باريس مع العلم والله العالم ان لبسنا عادي ومن اللبس المحتشم والحمدلله بس وش اقول غير حسبنا الله ونعم الوكيل ويقولون لخالتي من جت بنت اختك معك وانت خربتي ماعاد تعجبينا وصاروا يصيدون على خالتي وتخيلوا اخر مره جت عند امي من منطقه بعيده لان زوجها راح مع الجيش وصار انهم جوني ببيتي ودروا خوالي وجو واخذوها من عندنا وضربوها لدرجه انها جلست اسبوع طريحة الفراش ماتتحرك ابد وبعدها كلمني خالي خالد وهذا الخال مرررررررررررررره يعزني وقالي بالحرف الواحد ان خوالي وبالذات خالي اللي قلت عنه في بدايه الموضوع شايفينا بنات غلط وبنات مش كويسات
انا بعدها كنت اسولف مع خالتي اللي انضربت وقالت بالحرف الوحد ان اخوانها يقولون لها ان حنا رايحات فيها
وربي يابنات ان بنات خوالي راعيات وحب وشباب ومراسيل وغرام وانا وخواتي الله يكرمنا مش كذا ابد ابد بس ربي على الظالم وخوالي من اللي يسوونه في بنات الناس ربي عطاهم بنات سووا من وراهم شي مايرضيهم
بس بحكم اننا تسع بنات ابويه مررررررررررره شديد ولا اي شي نقدر نسويه وخواتي ماعندهم لاجوالات ولا نت ولا غيره محبوسات في ذا البيت والسوق مايروحون الا مع ابوي وابوي مره محافظ ولا يخليهم وحدهم وكذا ربانا ابوي عشان بنات ولا يخلي لاحد كلام علينا وعندنا اخ واحد بس مره قاسي علينا الله يلين قلبه ومره قاسي مع امي وابوي
وانا يابنات لما دريت في كلام خوالي عنا انقهرت وصرت تعبانه ودخلت المستشفى وصار عندي الضغط من قوة الصدمه لان خوالي بالنسبة لنا شي مهم وبالذات انا مرررررررررررره متعلقه فيهم واسال عنهم واحل مشاكلهم واستر عليهم وهذي جزاتي ومن التعب ارسلت رساله على جوال خالي وقلت له كلام قوي مرررررررره وانصدم انه انا
واتصل علي خالي خالد اللي اعزه مره وقال لي انت سويتي شي صح ومن حقك تدافعي عن نفسك وخواتك وخلوا اخواني يعرفوا ان لحمكم مر انتم بنات والله يعين على كلام الناس
بس خالاتي مررررررررررره زعلوني ويسبسبوا فيني وانك بتسببي مشاكل وانك بتخلي خوالك يزعلوا منك ويصيدوا عليك صيده بها الرساله وراح يترصدون لك ( اللهم اكفني شرهم بما شئت ) وصارت تجيني رسايل سب والنفسيه عدم بس ماهموني اهم شي انهم عرفوا ان الكلام يوصلنا وانهم كذابين والكلام يوصلنا منهم وفيهم
وانا الحين مره تعبانه وما انام من صدمتي فيهم وافكر في حالنا حنا الخوات والله يستر علينا ويرزق خواتي ازواج صالحين عاجلا غير اجل قولوا امين
وعلى فكره خوالي قبل هالسالفه ولهم اكثر من سنه وهم مقاطعينا ولا يسئلوا عن امي وامي مره تعبانه وتقول ماسويت لهم شي وش غيرهم وفي الاخير طيبتنا الزايده سوت فينا كذا وش اسوي معهم
والقهر ان اخوي مافيه خير درى عن السالفه واني تعبت منهم وابوي من صدمته يابنات جلس يبكي ويقول خوالك الصغار شلتهم على كتفي وساعدت في تربيتهم ويقولو كذا واخوي كتب كتابه بعد اسبوعين وقال اليوم لامي عشان ينرفزها ترى بدق على خوالي وبالذات خالي اللتي تكلم في خواتي واعزمهم على كتب كتابي قالت امي براحتك وابوي خالي خالد قالوا كتب كتاب مو زواج وماله داعي يدق ويعزمهم لان اللي سووه كبير وهذا اخوي الوحيد سوا كذا ليش نلوم الناس
السعادة مقصدي @alsaaad_mksdy
عضوة نشيطة
يلزم عليك تسجيل الدخول أولًا لكتابة تعليق.
الله يكون بعونكم
مالك الا تطنشي
اهم شئ انهم عرفوا انه الكلام اللي يقولوه وصلكم
وكمان كثري من قول حسبي الله ونعم الوكيل
وثقي ثقة كاااملة
انه ربي بياخذ حقكم منهم
بس الايام بتمر وتشوفي كلامهم كيف بينقلب عليهم
مالك الا تطنشي
اهم شئ انهم عرفوا انه الكلام اللي يقولوه وصلكم
وكمان كثري من قول حسبي الله ونعم الوكيل
وثقي ثقة كاااملة
انه ربي بياخذ حقكم منهم
بس الايام بتمر وتشوفي كلامهم كيف بينقلب عليهم
كرري حسبنا الله ونعم الوكيل بيقين تشوفين العجب العجاب انتي واخواتك كرروها كثير صبح ومساءبيقين واطمائنان وادعي لي
الصفحة الأخيرة
اكثري من الاستغفار