خالي بيتقاعد ويبغانا نزوجه 🤔🤔

مساء الخير يابنات
خالي السنة ذي ناوي تكون اخر سنه له بالتدريس ويقدم تقاعد المهم هو عنده بيت في الرياض وفي ابها بس بعد التقاعد يبغى يكمل بقية حياته بابها ليه الله اعلم
قال لزوجته هالموضوع ورفضت قالت العيال في الجامعات وفلان من عيالي متزوج هنا في الرياض واخواتي هنا اروح الجنوب لحالي ليش قال لها انا رايح ولو ماجيتي معاي بتزوج هناك قالت مع السلامة روح
طبعا لما سمعت السالفة حبيت اصلح بينهم خصوصا اني احب زوجة خالي
جلست اقنعها لين تعبت قالت لاتتعبيني يابنتي واتعبك حياتي كلها في الرياض والغالين اللي في الجنوب عند ربهم اروح عشان اطالع في وجه خالك طول الوقت والله لاستخف 😂😂😂 خليني مع عيالي ويتزوج واتحدى وحده تصبر مثلي ... المهم فشلت المحاولة
راح خالي كلم امي وامي تعرف وحده في الثلاثينيات حولي طيبه ومطلقة وطلبتها قالت امها ماكانه كبير على بنتي هي ٣٣ وهو ٥٨ قالت لاكبير ولا شيء واللي تبغاه تبشر فيه
المهم شافها خالي وشافته قالت المهر بكيفك لو ٢٠ الف موافقه بس لي شرط قال ايش قالت تشتريلي سيارة فورد اكسبلورر 😱 رد خالي ليه ابشري بكامري جديد قالت هذا شرطي
من يومها وخالي متنكد شكلها عجبته بس يقول السيارة غالية 😂😂😂😂😂😂