السلام عليكم يابنات
بقول لكم ع كل شيء من باب الفضفة لاني ضايق صدري ومره متشتته
انا ياطويلات العمر عندي خال عمرة تقريبا ف نص الثلاثين وانا عمري 23 ويصير اخو امي يعني مو خالي في الرضاعه ولا شيء ثاني
كان دايم يلاعبني يوم اني صغيرة اذكره يشيلني ويطلعني البقالة ومن ذا الكلام كان مره كيوت ماعليه شيء بس بعد فترة انتقل الى مدينة ثانية وصرت ما اشوفة بالمرة
وقبل فترة قصيرة رجع للمدينة عندنا وقرر يسكن هنا فرحت فيه مره لاني من زمان مو شايفته وعدت السالفة على خير صار يسكن مره عند جدي ابوه مره عند اخوه خالي لانه مو لاقيله شقة والكل قاعد يعزمه
مع العزايم وكذا لاحظت عليه نظراته متغيرة ما كانني الطفلة اللي كان يلاعبها
تحسونه يناظر لي استغفر الله ويتكلف باسلوبة وكلامه معي
انا قلت ما بظلمه ومشيتها وتعوذت من الشيطان
الين ما جا الدور علينا امي لزمت عليه الا ينام فبيتنا وجاء خالي وتعشينا وسولفنا انا واخواني وامي معاه الين قمت غرفتي فكيت شعري وغسلت وجهي ابي انام
جلست عالجوال شوي دق علي قال تعالي المجلس
نزلت عنده قلت امر ياخالي بغيت شيء؟ قال سلامتك بس جيبي غطا ثاني ابي اتغطى قلت ابشر
جبت له وجيت عنده قال غطيني غطيته قلت ها ياخالي محتاج شيء؟ قال ابي قهوة
بديت احس بثقل من طلباته سويت وجبتها له حطيت القهوه قدامه وصبيت له
مدري ليش جاني احساس ان في شيء غلط قاعد يصير قمت علطول قال افا وين يا اماني مشتاق لك تعالي اجلسي جنبي
جلست جنبه وقلت في نفسي خلص خالي مابيفكر فيني في شيء ثاني وقفت كل الافكار اللي في راسي
صبلي وقعد يشرب ويسولف ويحط يده على ظهري ويمسح على اكتافي بس يسولف سواليف عادية عن دراستي وكذا
احسه بدا يحاول يتقرب مني شوي شوي قلت ميخالف فجاه قالي خالي ان صدري حلو
هنا عرفت طول هالفترة وش كان يفكر عني وعرفت ان احساسي ما كذب
انصدمت مره ما عرفت وش اقولة بس مشيتها استاذنت وطلعت على طول على غرفتي وقعدت ابكي
ليش يفكر عني كذا وهو خالي وايش خلا للغريب
وكيف اصلا يسمح لنفسه حرام عليه
وليش مطمن اني مابقول لاحد وماخذ راحته ااخ
احس ضاق صدري مرره انه بيسكن فالمدينة حقتنا وبشوفة كثير ومو بعيد يرجع يتحرش فيني
وش اسوي يابنات معاه ابيه يصرف النظر عني ويرجع زي ماكان يشوفني اني بنت اخته ومثل بنته
لكن وعد اذا رمى علي نص كلمة لافضحه واخليه يرجع من وين ما جاء
اماني 💙🏹 @amounaa00
عضوة جديدة
يلزم عليك تسجيل الدخول أولًا لكتابة تعليق.
ضيء
•
مراحب،
مسائك خير
قال تعالى : '' ولايُبدين زينتهن الا لبعولتهن أو ءابائهن أو ءاباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن... '' سورة النور آية ٣١.
بنلاحظ مع بعض ان في هذيه الآية الكريمة بيذكر المحارم الي عادي نظهر أمامهم بزينتنا وكامل اناقتنا.. ف هو الزوج وابوه والأب والاخوة وأبنائهم وكذلك أبناء الأخت إلى آخر الآية.. اما الاعمام أو الأخوال فماانذكروا خاااااااااااالص وحطي ذا الشيء بالبال، ويعلم الله الحكمة من الأمر على رغم انهم محارم..
لذا حاولي قدر الإمكان تلبسي لبس مستر و فضفاض.. وبشكل مرتب،
وحصني نفسك وتجنبي تجلسي معاه بمفردك تماما مهما كان.. ضروري وجود احد معكم.. أو تعذري خير لك.
وحكاية يرجع بنظرته طبيعية وماإليه فهذا الأمر بيده مش بيدك.. انتِ عليكِ تحافظي على نفسك بأخذ كل الحذر والتحصين ولابأس في انك تدعي ربي يهديه.. بالتوفيق.
مسائك خير
قال تعالى : '' ولايُبدين زينتهن الا لبعولتهن أو ءابائهن أو ءاباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن... '' سورة النور آية ٣١.
بنلاحظ مع بعض ان في هذيه الآية الكريمة بيذكر المحارم الي عادي نظهر أمامهم بزينتنا وكامل اناقتنا.. ف هو الزوج وابوه والأب والاخوة وأبنائهم وكذلك أبناء الأخت إلى آخر الآية.. اما الاعمام أو الأخوال فماانذكروا خاااااااااااالص وحطي ذا الشيء بالبال، ويعلم الله الحكمة من الأمر على رغم انهم محارم..
لذا حاولي قدر الإمكان تلبسي لبس مستر و فضفاض.. وبشكل مرتب،
وحصني نفسك وتجنبي تجلسي معاه بمفردك تماما مهما كان.. ضروري وجود احد معكم.. أو تعذري خير لك.
وحكاية يرجع بنظرته طبيعية وماإليه فهذا الأمر بيده مش بيدك.. انتِ عليكِ تحافظي على نفسك بأخذ كل الحذر والتحصين ولابأس في انك تدعي ربي يهديه.. بالتوفيق.
اماني 💙🏹
•
عليكم السلام اكيد منتي الطفله الي كان يلاعبها صار عمرك٢٣ وترا معروف مايصلح الخلوه مع اي شخص حتى لو اقرب الناس لك خصوصا اخر الليل الشيطان شاطر المهم العني الشيطان وطنشي ولاتتضاقين وخلي علاقتك معه رسميه واذا ناداك مره ثانيه خلي وحده من خواتك تروح معك وقولي لامك عن كلمته خليها تنتبه لك ولاخوانك الباقين والله اخطر شي بالحياه المتحرشين مايعرفون لاكبير ولاصغيرعليكم السلام اكيد منتي الطفله الي كان يلاعبها صار عمرك٢٣ وترا معروف مايصلح الخلوه مع اي شخص حتى...
اتفقق وبقوة
الحين اقتنعت ان المتحرشين مايعرفون لا بنت ولا اخت ولا زفت 💔
الحين اقتنعت ان المتحرشين مايعرفون لا بنت ولا اخت ولا زفت 💔
اماني 💙🏹
•
عليكم السلام اكيد منتي الطفله الي كان يلاعبها صار عمرك٢٣ وترا معروف مايصلح الخلوه مع اي شخص حتى لو اقرب الناس لك خصوصا اخر الليل الشيطان شاطر المهم العني الشيطان وطنشي ولاتتضاقين وخلي علاقتك معه رسميه واذا ناداك مره ثانيه خلي وحده من خواتك تروح معك وقولي لامك عن كلمته خليها تنتبه لك ولاخوانك الباقين والله اخطر شي بالحياه المتحرشين مايعرفون لاكبير ولاصغيرعليكم السلام اكيد منتي الطفله الي كان يلاعبها صار عمرك٢٣ وترا معروف مايصلح الخلوه مع اي شخص حتى...
بس هو كانت كذا نظراته لي قبل م اختلي معه 🥺
يعني ناوي ومخطط وعارف وش بيقول لي كمان
يعني ناوي ومخطط وعارف وش بيقول لي كمان
الصفحة الأخيرة
والله اخطر شي بالحياه المتحرشين مايعرفون لاكبير ولاصغير