خامات-بنات الإمارات

اختي ..وضحي اكثر وان شاءالله اقدر اساعدك ..
وانت تبيين شويه والا بالجمله ؟؟؟

يا ليت لو حددتي انت من وين ؟؟

الاتحاد في العين بتلقين عنده اللي تبينه وفي ريفولي بعد . واما بالنسبة للدانتيلات بتحصلين محل لبيع ادوات الخياطة في السوق اليديد اللي في العين عدال مسجد الشيخه سلامة . واذا تبين موديلات دانتيلات للبيت حلوه ونااااعمه بتلقين في المسعودي عند حمدان والقصيمة . وفي خياط في البريمي بسال ربيعتي عن اسمه لاني ما اعرفه .

خواتي وااااااااااااااايد أشكركم
بس أنا أبغي من دبي
أختي غزالة الفريج أنا أبغي القطع
السادة اللي مرات يخيطونها الوالدات عشان
بعد الولادة...بس أغلب اللي يستعملونها الويل السادة
أنا أبغي القطن السادة
ودانتيلات
فهمتي علي
وأشكركم مرة ثانية للرد

شوووفي اختي ...السوق القديم في الشارقه اللي على البحر ...
في محلات كثيره تبيع هالاقمشه....وفي محل راااقي يبيع الدانتيلات موجوود في هذا السوق ..بس للاسف ما اذكر اسمه ..لاني من سنتين شايفتنه
بس كنصيحه ...اذا انت تبين لج للولاده ..لا تعبين نفسج ابدا..
شوفي في محل اسمه درة الخليج في هذا السوق القديم يبيع جلابيات لندنيه وقطن ...وموديلاتها مختلفه ..
وتكووون مريحة جدا جدا للنفا س والرضاعه ...جربيهن اذا حبيتي ..موفقه واي سؤال لا تترددين

خواتي مشكوريييين...وماقصرتوا
بعد أبغي أسألكم عندكم خياط يخيط جلابيات مال
البيت مع الدانتيلات وتكون خياطته نظيفة ومضبوطه