السلام عليكم
حبيت اطرح لكم مشكله عويصه جدا
وهي باختصار مع انها ما يمكن اختصارها لانها تزيد مع الايام؟
هي ان الصديقه الي اعرفها كانت تحب زوجها من قبل الزواج و تزوجوا عقب معاناه المهم كانت مثال للعفه والحب و هو كذلك لكن المشكله ان هذا الزوج كان يضربها على اقل مشكله و لكن مو اي ضرب بل كان يهددها بالسكين وغيره من اساليب الضرب وهي لاحول ولا قوه اشلون تشتكي و هي مختارته المهم صبرت عليه وتدعي له و كانت تطلب منه انه يكف عن الضرب لكن ما في امل لانه متاكد انها تحبه وراح تستمر معاه كان يحرمها من كل شي ممكن يفرح اي زوجه صغيره مثل اللبس و المجوهرات على العكس كان ما يقصر عن نفسه و هي تطالعه يرفه عن نفسه وهي مثل الكلب المربوط هذا كان تعليقها لما تقول لي المهم قام يقول لها افضع السب كل التشبهات القذره كلام ما ينوصف من السب على اتفه الاسباب وهي صابره عليه جابت منه العيال و نفس الشي كانت تقول له وين الرومانسيه هو يرد عليها انا ماكنت ابغيج اصلا وانا ما احب اكون رومانسي و انا اتستاهل الي احلى منك مع انها قمه في الجمال والادب شفوا الرجاجيل ؟!!!!!!!!!!!!! و عقب ايش قام يسوي قام يخونها و كل مره تكشف ان بالجوال ارقام لبنات و مسجات وسخه و هي مستحمله لما واجهته بكا وصاح و طلب منها السماح رضت عنه وسامحته من معددنها الاصيل وعقب رد كما كان و هي واجهته قال لها انتي الي تخونين انتي كذا وكذا وهي منصدمه من كلامه و دايما يقول عنها لما تحط مكياج و تكون معزومه انها راح تواعد صديقها و هي تصيح و يحترق قلبها وة تصبر على البلوى المهم عاد الصبر له حدود والبنت قص عليها الشيطان و تعرفت على واحد ما استمر الا 20 يوم و عقب ندمت وقطعت العلاقه و لكن الرقم كان مخزن الله راد انها تنكشف على يد زوجها و خذت من الضرب الكثير و تشوهت من الضرب و رماها في المقابر و تركها في عز الليل هناك لمده كم ساعه وعقب رجع و خذها و كمل عليها بالضرب يعني تفنن فيها و هي قالت ان انت السبب انت الي خليتني اسوي جذيه حرمتني من كل عاطفه طيبه و حلوه ايش تبي اسوي انا سامحتك على كل خياناتك لي لازم تسامحني و هو لا مو راضي و عقب محاولات منها قبل على شرط تكون خدامه عده وعند العيال قالت ما يخالف عسى من الله انه يسامحها و المهم قررت تروح الحج علشان ربي يغفر لها و بالفعل راحت الحج و رجعت سعيده ان ربها راح يغفر لها قابلها بكل جمود بكلامه ان الي مثلها الله ما يسامحهم وهي مسكينه محرومه من كل شي منه و مستحمله تصيح الليل مع النهار مكسوره الخاطر الحين هو اصلا عنده احساس كلش ما غفر لها و ظل يحرق قلبها باساليب مختلفه و كان يقول لها انها مارست الحرام مع الي تعرفت عليه و هي تحلف ان ماصار و كان يقول لها انتي صرتي سوري على اللفظ وسيعه من تتحت يعني كلام اقذر ما تتخيلونه والمهم الحين هي مسكينه تعاني منه والاخير دخلت على النت و سوت معاه شات على انها صديقه له عرفت انه هو يبغي يتزوج وحده ايرنيه بالسر و يتمتع معاها وهذي الفكره في راسه وهي خايفه ان يصير هذي الشي هي مازالت تحبه و تموت فيه و تطلب من الله ان يهديه للصلاح و ان ترجع الايام حلوه مثل اول لكن ايش الحل هي تائبه لكن الدنيا ما ترحم
ايش الحل في نظركم ايش اتسوي انا اخاف اغلط في النصيحه؟
قـطـريـه @ktryh_1
عضوة نشيطة
يلزم عليك تسجيل الدخول أولًا لكتابة تعليق.
sarah-9
•
؟؟؟؟؟؟؟؟
يعني هي خايفة لا يتزوج معقولة تحبة بعد كل اللي سواة فيها
وتتمني ترجع الايام حلوة مثل اول ؟؟؟ مالاحظت في قصتها ان فية ايام حلوة معة
شوفي هي تابت والله غفور رحيم
وهو بسبب سؤ معاملتة دفعا لهذا الشي ولما وقعت فية تحت ضغوط نفسية ما رحمها لية ما يحط نفسة مكانها شلون كان شعورها وهي تدري انة يخونها واذا واجهتة بخياناتة ضربها
اذا كان هو قوي الله اقوي منة وبياخذ حقها من هالظالم
يعني هي خايفة لا يتزوج معقولة تحبة بعد كل اللي سواة فيها
وتتمني ترجع الايام حلوة مثل اول ؟؟؟ مالاحظت في قصتها ان فية ايام حلوة معة
شوفي هي تابت والله غفور رحيم
وهو بسبب سؤ معاملتة دفعا لهذا الشي ولما وقعت فية تحت ضغوط نفسية ما رحمها لية ما يحط نفسة مكانها شلون كان شعورها وهي تدري انة يخونها واذا واجهتة بخياناتة ضربها
اذا كان هو قوي الله اقوي منة وبياخذ حقها من هالظالم
قـطـريـه
•
هي اهلها موجودين لكن ما راح يستقبلونها و عنده العيال من عمر سنه الى 9 سنوات و هي موظفه واهلها ما راح يتدخلون يعني هو الحين ساتر عليها ما يبغي فضايح و غيره من فشيله
ام طاارق
•
الله يعينها ويفرج همها
والله حبيبتي من غير زعل هذي مشكله تشبه مشاكل ابنات المتحررات قبل الزواج
يعني تكلم وتحب اكيد مارح يحبها الى واحد راعي هذي السوالف ومشكلة الرجال الي يكلمون
يكرهون بسرعه ويكونو وصخين الى ابعد حد لانه مكلم كل شيطانه وش بيتعلم منهم غير القذاره
اختي عليها ان تتركه حاليا وتتوجه الى الله وتخلص الدعاء الدعاء
وتخرج كل محرم من بيته لانه هي الي تجيب الشياطين
وسورة البقره يوميا تقراها وترقي زوجها من دون ما يحس
وهي الان معاه عشان اولادها ولله مساكين عيالها واذ فيها عاطفه توجهها لعيالها
والله ما في احلى واصدق من حبهم
ولا تعطي الرجال اكثر من حجمه
والله يفرج همها وهم المسلمين
والله حبيبتي من غير زعل هذي مشكله تشبه مشاكل ابنات المتحررات قبل الزواج
يعني تكلم وتحب اكيد مارح يحبها الى واحد راعي هذي السوالف ومشكلة الرجال الي يكلمون
يكرهون بسرعه ويكونو وصخين الى ابعد حد لانه مكلم كل شيطانه وش بيتعلم منهم غير القذاره
اختي عليها ان تتركه حاليا وتتوجه الى الله وتخلص الدعاء الدعاء
وتخرج كل محرم من بيته لانه هي الي تجيب الشياطين
وسورة البقره يوميا تقراها وترقي زوجها من دون ما يحس
وهي الان معاه عشان اولادها ولله مساكين عيالها واذ فيها عاطفه توجهها لعيالها
والله ما في احلى واصدق من حبهم
ولا تعطي الرجال اكثر من حجمه
والله يفرج همها وهم المسلمين
الصفحة الأخيرة
لها وله
الدنيا ما تسوى كل هالعذاب
سؤالي ياترى وين اهلها موجودين وكيف وضعها
لو سمحت قولي وضعها بالكامل
يعني هل ممكن تروح عند اهلها ويستقبلوها ولا لا ؟
وهل هي موظفة ام ربه بيت ؟؟؟؟؟؟؟؟؟؟
وهل هي في بلد غربة ام لا ؟
وكم عمر اطفالها ؟
حتى فعلا نقدر نساعدها
وكلمه حب قوليلها نصييييييييييييييييححححححححححححححححححححه مني
لا تضعيه عذراااااااااااااااااااااالها وله