أخواتي العزيزات أقص عليكن قصتي هذه لعل فيها عظة وعبرة لبعضكن
ويعلم الله أنها ليست من وحي الخيال كما يظن البعض بل هي قصة حقيقية من تجربتي الشخصية
خذن منها مايفيدكن وساعدوني بالكلمة الطيبة وبالدعاء فضلاً لا أمراً عليكن
بالبداية دعنني أحدثكن قليلاً عن نفسي ..
أنا إمرأة في أواخر العشرينيات من عمري , جامعية , جميلة , مثقفة جداً , ومن عائلة مرموقة .. والحمدلله على كل حال
عائلتي إلى حدٍ ما مترابطة , والدي رجل متفهم وحكيم ووالدتي كذلك أطال الله في أعمارهم ..
المهم .. وبعيداً عن اللغة الفصيحة .. قبل 4 سنوات تقريباً خطبني شخص من خارج قبيلتي
طبعاً زي أي بنت يتقدم لها شاب طبيعي هي واهلها يسألون عنه وعن اخلاقه .. وللأمانة الجميع مدحوا فيه
وعلى هذا وافقت عليه .. بعد كم شهر من الخطبة ملكنا واستمرت فترة الملكة سنة ونص تقريباً لين تتحسن ظروفه وينتقل من مكان اقامته بوقتها للسعودية " كان مقيم خارج المملكة "
المهم .. طول فترة الملكة كانت حياتنا عسل وأكثر .. كان يحبني حب واللهِ ماينوصف
الله وفقنا وتزوجنا ومرت أول سنة زواج أكثر من رائعة .. وبكذا نكون انا وياه كملنا 3 سنوات مع بعض
ولا اخفيكم كانت من اجمل سنوات حياتي , عمره مازعلني او رفع ايده علي
عمره ماسوى اي شئ يضايقني ابـــداً
بآخر سنة اللي هي ( السنة الرابعة ) لاحظت عليه انه متغير !
متغير علي كثير .. صار يبعد عني , دايماً لحاله
كنت احسه مهموم وفيه هم على قلبه , قلت يمكن من مشاكل اخوانه
لأن اخوانه الله يهديهم كانوا يعانوا من مشاكل وديون .. الخ وهو أخوهم الكبير
ويعلم الله اني وقفت معاه وقفة بنات رجال وقلت له كل اللي املكه حلالك بس لا تتضايق
مرت الأيام ولاحظت تغيره يزداد اكثر من السابق !
وقتها تأكدت إن فيه وحدة ثانية بحياته .. تعرفون قلب الأنثى
المهم مرة كان نايم وترك جواله مفتوح ( هو واثق اني ما راح افتش بجواله لأن الثقة دائماً اساس علاقتنا )
شفت رسالة بجواله .. ياااااااااه تمنيت الأرض تنشق وتبلعني ولا اقراها والله
كانت رسالة جنسيـة منحطة بكل معنى الكلمة
هديت نفسي وقلت يمكن بالغلط ! لأني كنت أحبه بررت له
رحت على الرسايل المرسلة .. وشفت رسايل خليعة لرقم واحد يعني مو اكثر من رقم
حسيت قلبي إنقسم نصفين والله ..
طلعت للصالة وبكيت بكيت بكيت .. ذكرت الله من كل قلبي
والحمدلله هديت شوي بس كنت مجروحة
اللي صار .. أخذت الرقم واتصلت عليه من جوالي
انا ماكنت حاطة فبالي ولا 1 % انه رقم مخزن عندي !
وفجأة يطلع اسم قدامي على الشاشة !
تدرون رقم مين طلع ؟
وحدة من أعز صديقاتي :) والله الذي لا إله الا هو
مهما وصفت لكم شعوري بلحظتها .. ماينوصف والله
عرفت ان فيه بينهم علاقة بس ما ادري لأي حد واصلين
قمت وفتحت جهازه ( لاب توبه ) ودخلت على المحادثات
وتأكدت انها هي من ايميلها ... طبعاً كانوا واصلين للعلاقة الجنسيـة بكل أسف
انهرت .. كانت صدمتي فيه قوية .. قوية حيل ..
كنت أسمع بالخيانة .. وكنت أقول الناس تبالغ ! لكن بعد ماجربتها ..
عرفت أنها أقسى تجربة والله
واجهته طبعاً بكل هدوء .. رد علي " انا احساسي تجاهك ميت "
وكانت هذي الضربة الثانية .. قلت له : قصرت معاك بشي ؟
قال : لا والله .. , قلت له : اجل ليه مات احساسك ؟
قال : فجأة كذا الغلط مو منك .. انتي ملكة الكل يتمناكي الخلل فيني انا
قلت له : مالقيت الا صديقتي ؟ تعمدت تذبحني مرتين ؟ مرة بصدمتي فيك ومرة بصدمتي فيها ؟
هو سكت ما قال شي .. من سواد الوجه طبعاً
حاولت أناقشه .. بس اقتنعت أن مافيه فايدة بعد ماقال ان احساسه ميت تجاهي مع العلم اننا دائماً لما نتناقش بأي موضوع أغلبه برأيي .. ( شخص مهزوز الى حدٍ ما )
هو طلع برا البيت ببجامته .. لأن آخر كلمة قلتها له " أبشرك تراك طحت من عيني "
وانا دخلت غرفتي .. ولميت كل أغراضي اللي أحتاجها .. كلها
واتصلت على أخوي يجي يآخذني وفعلاً رحت مع اخوي لبيت أهلي
الكل استغرب .. خواتي وابوي وامي .. اقسم بالله العظيم
جلست أسبوعين يكلموني وانا ساكتة كانت نفسيتي تعبانة من الصدمة
وهو كل يومين يجي لبيت اهلي يبيني ارجع وانا رافضة وابوي ما حب يضغط علي عشان يعرف السالفة
تركني على راحتي .. بيوم من الأيام انهرت انهيار شديد وصل للإغماء .. ورحت للمستشفى
اول مافتحت عيوني كانت اختي تقول ( ياقلبي الله يعوضك باللي احسن منه )
مافهمت عليها ؟؟؟ بعدين عرفت اني كنت حامل ببداية الشهر الثالث وصارت قصة طويلة زبدتها اني فقدت الجنين
بعد انتظار دام 3 سنوات .. المسألة مو مسألة اني ابي اصير ام بس !
لكن انا كنت أبي أحمل وأصير أم من شخص أنا حبيته بكل عاطفتي واحساسي وذاتي !
أكيد بعضكم يعرف الإحساس اللي أقصده واللي مريت فيه ..
المهم طبيعي تكون الصدمة الثالثة قوية علي .. وكملت شهر ونص عند اهلي وهو كل يومين يجي مثل ماقلت لكم
كان يتصل يبكي واقفل بوجهه ويرسل رسايل ويتأسف و و و ... الخ
الين قلت لأبوي أبي الطلاق .. ابوي انصدم لأنه يدري اني كنت مرتاحة معاه وانه يحبني
سألني عن السبب ؟ ما قلت وقتها .. مثل ماقلت لكم ابوي رجل حكيم الحمدلله .. قال ارتاحي الحين ومايصير خاطرك الا طيب
بعدها بأيام اتصلت علي اخته " تتوسط له عشان أرجع معاه "
سمعتني أمي الله يحفظها أرفع صوتي وأقولها " خليه يطلقني وهذا آخر ماعندي "
المهم من ضغط اهلي علي .. علمتهم بالسالفة , ابوي يوم عرف واخواني يوم عرفوا باللي صار
طارت عقولهم والله .. و ابوي تحول من رجل متفهم لرجل متوحش !!!!!
طلب ابوي يقابله ويجيب ابوه وفعلاً جا اليوم الثاني معاه ابوه ورجال من جماعته
عشان ينحل الخلاف
ابوي فوراً طلب منه انه يطلقني .. حتى سمعته يقول له وسط الرجال ..
اللي مثلك مو كفو بنات ناس ولا كفو يكون رجال اصلاً
وجلسنا شهرين تقريباً كنت أبي ورقتي بس
مابي اشوفه ولا اكلمه ولا شي
كان آخر طلب له قبل مايطلقني يشوفني لو لمدة دقيقة
وكنت رافضة تماماً انه يشوفني او اشوفه وحتى أبوي كان رافض لأني خسارة فيه
بس بعد الحاح شديد وافقت أخيراً مقابل طلاقي ( كان هذا شرطه يشوفني ويطلقني ) ..
كانت آخر كلمة قالها ( والله احبك والله شاريكي )
وكانت آخر كلمة قلتها له قدام الوالد ( قلت لي ان احساسك مات تجاهي وابشرك احساسي بعد مات تجاهك ولا تحسب انك باللي سويته انت وياها دمرتوني؟ بالعكس احمد الله اني فارقتك قبل ما يكون فيه شي يربطني فيك للأبد )
طلعت من المجلس وتركته
غيرت رقمي و ايميلي وكل شي ممكن يخليه يوصل لي
كان يتصل على تلفون البيت بس ينتظر ارد عليه ويقفل
انا واثقة 100 % انه هو .. الين ابوي الله يطول بعمره ويحفظه ريحني وشال التلفون ( مو تعقيد بس كان يدري اني اتضايق )
أخيراً بعد 5 شهور من المعاناة حصلت على ورقة طلاقي
ووالله العظيم انه ليومكم هذا يحاول ارجع .. بس النفس لا عافت شي خلاص ماترجع له
حتى حبه مات بالنسبة لي
دمرني وهي بعد دمرتني .. حسبي الله ونعم الوكيل
فقدت جزء كبير من ثقتي بذاتي خلال الفترة ذيك , كنت احس بهموم الدنيا كلها بقلبي
كنت احس بألم شديد بقلبي والله
الحين بعد 6 شهور رجعت لنفسي
رجعت لقلبي ولذاتي
والفضل لله أولاً ثم لتصرف الوالد الله يحفظه وتصرفات صديقاتي المقربات بعد ماعرفوا باللي صار منها ( قاطعوها )
وعلى فكرة كنت أقرأ كثير للأستاذة ناعمة الهاشمي
واستمع لمحاضرات تعزيز الذات .. الخ الخ
كل هالأشياء عززت من موقفي وخلتني أقوى من السابق
صحيح فقدت طفلي :44: لكن الحمدلله على كل حال الله يجعله شفيع لي يارب
احياناً احس بألم بقلبي .. لكن أخف بكثير من اول
وكل يوم اقول بكرا احسن وبكرا احلا بإذن الله
قبل فترة جاتني أخبار انه ترك صديقتي عفواً عدوتي ( المنافقة )
لأنها ماتشرفه على قوله ههههههههههههههههه
الله المستعان بس < كانت متوقعة يتخلى عنها دامه تخلى عن تاج راسه وراسها
وأبشركم
الحين انا أحضر للماجستير بإذن الله ويمكن يكون ولد الحلال بالطريق
صحيح اني مطلقة ! لكن اقسم بالله مطلقة ولا اعيش بنار خيانته ودناءته وكذبه
كنت أحبه فوق الحب نفسه , لكن الحين لا اكرهه ولا احبه احساسي متبلد تجاهه
والحمدلله يارب عشان ما اتذكره كل شوي وادعي
لكن يا اخواتي .. بيني وبينكم .. احياناً أشتاق للحظات الحلوة معاه
يمكن لأنه الرجل الوحيد اللي دخل قلبي .. أول حب وأصدق حب
احياناً ادخل على ايميلي القديم .. والاقيه متواجد
وادري انه ينتظر بس ادخل عشان يكلمني
لكن الحمدلله انا ما افكر اني اكلمه اصلاً < يخسي وانا بنت امي وابوي
عموماً انا مقتنعة بطبيعة الحالة اللي أمر فيها لأني مثل ماذكرت
كان الرجل الوحيد اللي ملى علي حياتي
مايستفاد أو الزبدة من السرد اعلاه :::::
1* مب كل ذكر يستاهل كلمة رجل :)
2* طاح من عيني و خسر احترامي له ولرجولته المصطنعة < هذي مب فايدة بس كلمة بنفسي ههههههههه
3* ما ادري كيف وصلت له او كيف وصل لها المهم ان الفاس طاحت بالراس وافتكيت منه ومنها :icon28:
4* لا تقولون هي خبيثة ولفت عليه , لا والله هي خبيثة وهو أخبث منها
لأنه رجل بالغ ويميز الصح من الخطأ بس الشرهة مو عليه
على اللي وثقت فيه وسلمته قلبها :)
5* أبي دعوة حلوة ان الله يثبتني ويزيد من قوتي ويوفقني وينتقم من اللي كانوا السبب بخراب بيتي
ويحفظ لي اهلي ويقدرني على برهم و رد جميلهم علي ما حييت
مديونة لهم بعمري والله
6* يمكن يكون الموضوع ركيك ويمكن أكون نبشت بالماضي الأسود
لكن .. أعتبروها فضفضة من أخت كتومة جداً لخواتها العزيزات
اللهم أحرق الماضي الأسوووود :unhappy: للأبـــــــــــد
واستبدله بحاضر أجمل ومستقبل مشرق :2thmup:
اللهم اميــن
:26:
ملاحظـــــــــــة :::::
الله يجزاكم خير ويرزقكم كل ماتتمنونه يارب
اثلجتم صدري بدعواتكم الطيبه الله يثلج صدوركم دنيا وآخرة
* صديقتي السابقة مو متزوجة ولا مرتبطة لكن ابوها متوفي الله يرحمه
تقدرون تقولون اخذة حريتها شوي .. بيني وبينكم
كنت احيانآ امدح بطليقي بس مدح غير مبالغ فيه
وهي تدري اني كنت احبه وتدري اني كنت مجنونة فيه
لكن
تعرفون كيد النسا مايحتاج اقولكم عليه
مصير الدنيا تدور وكل واحد ربي يجازيه سواءً بالدنيا او بالآخرة
* مستحيل ارجع له حتى لو تاب توبته لنفسه ولله سبحانه وتعالى مو لي
الثقة اذا انعدمت مستحيل ترجع من جديد والله
خاصة اذا كانت بين الزوجين
بيكون الشك هو اساس حياتنا وهذا اللي انا ما ابيه اطلاقآ
اللهم انت حسبي ونعم الوكيل
تبغين الصراحة ؟
كل اللي سويته .. اني سألتها .. آذيتك بشي ؟ قالت : لا .. هو جاني وهو يحبني انا مالي ذنب !
قلت لها : يحبك .. يعاملك كساقطة ؟ ( يكرموا القارئات )
ما ردت وقفلت .. كان آخر شئ سمعته منها ضحكتها
ترا مو ضعف مني ! انا قوية الحمدلله و أرد الكلمة بعشرة
لكن ايش الفايدة ؟ خسرت اللي أغلى منها جات عليها ؟
والله ما عليها حسوفة .. من زمان أدري إنها تغار مني في كل شئ
مجال دراستي .. عيلتي .. بيتي .. كل شئ تقريباً
والشخص الناجح هو الذي يطعن من الخلف !!!
طيب تدرين بالنهاية ايش صار عليها ؟
واللهِ كنت اسمعه يقول عنها " انا اعتبرها شي امشي حالي فيه " !!
^^^
فيه رجل بمعنى الكلمة يقول الكلام هذا ؟
طبعاً عشان أأكد لكم مدى دناءته
سحب عليها بالعامية , والله المستعان .