خانني وكلمها ويايتزوجها ويقول طبقت شرع الله

السلام عليكم ورحمه الله وبركاته


ابيكم تعطوني رايكم لاني تايهه وضايعه وكل من قلتله عطاني من رايه انا تزوجت واحد يقال انه شيخ جا الشيخ راح الشيخ لدرجه يقولولي منين حصلتي عليه وهالكلمه طعنه بصدري انا من اخذته حالتي حاله نزل وزني نزول فظيع ابتكلم عن حياتي معه اول اسبوع اخذ البلايز وتنانير والكعب والمكياج وقصهن بالمقص المكياج والكعب رماهن النقاب قصه بالمقص فرض علي القمصان العاديه البسهن من الاسبوع الاول وهواش على هالامور وقالولي اصبري لانه ماعنده خوات ويتعدل صبرنا عانيت من امه الله يرحمها وسكت
طبعا عشانه شيخ يكلم بنات وياخذ\ ويعطي معهن يعرف عنهن كل شي من اسمها الى سابع جد ويحل مشاكلهن وتلفوناته ما تسكت دايم اتهاوش معه قلتله الشيخه مو ترخي معهن يقولي يبن حنان قلت مومنك ياخذ من محارمهن وهذحرام عليك لاكنه مقتنع ولا عليه من احد المهم جت وحده وظافته بالقروب ترسله مواعظ وحكم وكل شي يخص الدين وانا نغزني قلبي ويقولي تعالي شوفي ماشاء الله عليها موسوعه بدين قلتله انت ماتفهم انه كل شي نسخ قال لا هي دينه مره المهم تطور الموضوع ودخلو بالخاص وتكلمه وهو ينصحها وهي تجاريه لين راح وخطبها وانا مادريت الا متاخر يوم خطبها وقبل يكلمها يوميا ويرسلها طبعا يوم ظمنت راح كلامهم عن الدين ونسوه وتكلمو بامور ماتنقال وكل هذ قبل الخطبه يوم دريت تهاوشت معه قال انا ماخذت اي وحده انا تنقيت وحده من اطلق الحريم دين وخلق وقيام ليل قلت الدين منحب متكلمين عنه لاكن الخلق اي خلق وهي تكلم واحد ماتعرفه وتاخذ وتعطي معه ويتكلمو بامور الزوجه ماتقولها لزوجها اي خلق الي خانت ربها وجرك لبيتها ترضاها على بناتك يكلمن واحد ماتدري الا داخل عليك يخطب قال اذا كان شيخ اوافق اذا كان عادي لا قلت تزكيها قال ايه ازكيها قلت الله قال ولا تزكو انفسكم تجي انت وتزكيها قال ايه ازكيها قلت مابعد هالكلام شي انت مصر وكلت امري لله وقلتله اذا دخلت عليها تطلقني قال تصير اختك والله انها تدعيلك وتقعدون بيت واحد وكلام يجيب المرض ومن هالرخيص انا احبك وانتي الاولى والكلام البايخ الي يقولونه غير انه يسردلها حياته معي من يقوم الى ان ينام تصدقون حتى الكاس مصوره لها ويوريها يقول هذا الكاس الي اشربه ياربي لك الحمد خواتي سالتهن كلهن قبل لا اقول القصه قالن خليه يجيك ابرك منه والعيال مو ضايعين اخوي قال وشلون يتزوج وحده تكلمه قلت هماها اطلق الناس سئلت المقربين ماقالوها بالصريح يلفو ويدورو فكري انا ستخرت وعزمت بس قالولي اصبري لين يدخل عليها لعل الله يحدث بعد ذالك امرا ولا تقولون اسئلي مستشار عارفين وش يقول اصبري وهذا شرع الله بس لونه خاطب من الباب ماقعد يخون اي بحجه انه يتعرف عليها هي تصلحله ولا عجبي اجل صار الزواج هيك وانا مدري وش رايكم انتم