خاويني وأخاويك واخذ ريلك واخليك...!!!

والله العظيم كنت بس اسمع هذي الجملة اضحك واستانس
واحسها جملة وتنقال في الافلام والمسلسلات
لكن الحين يوم اسمعها تخنقني العبرة وابغى اصرخ باعلى صوتي

انا متزوجه من سنتين والحمدلله مبسوطة مع زوجي
لكن حسبي الله ونعم الوكيل ع الناس الي ما بتخاف ربنا
بنت جيراننا من يوم كنت عند دار اهلي وهي رفيقتي الروح بالروح
دوم نسولف ونضحك ونتونس مع بعض
لكن البنت قلبت معاملتها معي من يوم ما قلت اني بخطب
احسها كانها انصدمت او صار عندها نوع من الغيره وهذا شي ممكن يصير وما الومها عليه
هذا احساس وما يقدر اي احد يحاسبها عليه
لكن انها توصل معها تكلم زوجي من وراي وبدون اذني وبحجج ما الها داعي
شبت النار بقلبي والله
يا جماعه صار رقمها متكرر اكثر من 13 مره ع جوال زوجي في شهر واحد
وهي تسوي روحها تطلب مساعده لاجل موضوع معين او تستشيره بموضوع بحكم شغله في دائرة حكومية
لكن خلص مو قادرة ودي اواجهها وما بكون ندمانه ع رفقتها
والا بشنو تنصحوني...؟؟؟؟؟
ساعدوووني