خايفة افسخ خطبتي

مرحبا بنات ، كيفكن ؟؟

بتمنى تساعدوني وألائي عندكون الحل يلي يريحني ...

اول شي انا خاطبة وكاتبة كتابي من سنة ونصف تقريبا وعرسي بشهر 6 ، اول ما خطبنا كنت كثيييييييير مبسوطة وخطيبي ما شاء الله عليه اخلاق وزوق ودين والحمد لله

بس من شهر 10 تقريبا حاسيه انه تغير يعني صار عصبيييي كثير وانا اصلا عصبية وما بتحمل يعني هو كان جدا هاديييي والكل يحسدني عليه بس ما بعرف شو يلي صار ؟

وصار عليه تصرفات احس مرات إني مش طايقتوه ونفسي اتركه يعني لما بنتخانق ما كثير بيهتم ممكن يسألني زعلتي ؟ واذا حكتله اني زعلت بحكيلي آسف وخلص يعني كأني آسف هيي يلي بترضيني وبس ؟؟

ومن تصرفاته يلي ما بتعجبني إنه أعطى موبايلوه لأخوه يستعملوه فترة ويرجعلوه ياه ، وهالحكي قبل شهرين ولما بدي أحكي معوه ما بلاقيه ولا بعرف وين بدي أحكي معوه كل هاد بستنى اخوه يرجعله الموبايل ، ولما بحكيلوه ليه ما جبت الموابايل بيحكيلي لساه ما رجعلي ياه ... بحكيلوه طيب ولما بدي أحكي معك او احتجتك بشي بحكيلي انا بحكي معك ...

مره رحت عند بيت أهلوه وأخته من عمري وآعده على الكنبة وسلمت انا على الكل وهي ما مدت ايدها تسلم وما بعرف ليه ولا حتى وقفت ولا شي وكنت صارلي فترة ماني زايرتهم ولما انتقدتها أدامه ما اهتم ولا كأنه شي صار ، ومره ثانية أخته نفسها رحت عندهم كانت متمددة على الكنية فكنت عم بسلم على الموجودين ما تزحزحت من مكانها وبتحكيلي حاطه كريم ولا مدت ايدها تسلم وكلوه عنده عادي وكل هالشي بصير أداموه ولا كانه شاف شي ....
مرات بحسها عندها غيره هي خاطبه وعرسها معي بنفس الشهر وبحس انها بتحاول تقلدني بأي شي بعملوه ومرة بالصدفه عرفت إنها حاكيه لخطيبها بدي طقم دهب زي يلي جابوه اخوي لخطيبته فعزرتها وحكيت يمكن غيره ، بس مش معنى هيك انها تتصرف بعدم احترام وقلة زوق.

ومرات بحكي يمكن لأنه عم بنجهز للعرس ولبيتنا ومضغوطين مادياً عشان هيك هو متوتر ومعصب ، بس برجع بحكي كل الناس بتتجوز وتنضغط ماديا بس ما بيتصرفوه هيك ..

بصراحة تعبت وماني عارفه شو أعمل ساعدوني وقولولي شو الحل ؟؟؟؟؟؟؟؟
كثييييييييير عم بفكير انه اتركه ، بس خايفه اخسره ؟ شو أعمل؟؟