والله نفس مشكلتي الاراده عندي عدم ......
اتحمس ولما يجي الاكل اقول بكرة ببدا من جديد ويجي بكرة ونفس الحكايه تتكرر
حاسه اني زهقانه وطفشانه للاخير من نفسي
انت ماقلتي كم وزنك اذا الزياده كبييرة الله يعينك يبغالك وقت واذا قليله بالعكس لازم تتحمسين
والله يعينا انا وانتي لازم نشجع بعض لان ارادتي صفرررررر
اهئ اهئ اهئ

حبيبتي مافي شيء ينفع الا اذا كانت عندج ارادة... وكلامي هذا عن تجربة
أنا ياما حاولت، وحاولت، أخذت حبوب، وأخذت كريمات، بس صدقيني كلها
جذب، النفوس الضعيفة ماعندها حل غير هالاشياء، وبالاخير مامنها فايدة
مابقولج ابدي أول شيء برجيم، لا أول شيء خففي أكلج، وأنسي شيء أسمه
رز، صدقيني، ترى الرز هو أساس السمنة عدنا... حاولي واضغطي على نفسج
وصدقيني بتوصلين... قولي في نفسج ، الناس في شو غير عني، عشان هم يضعفون
وأنا أتم متينه، ترى صدقيني، المتن شيء مقزز في الانسان، وقبل كل شيء تراه
مرض،.....



الغالية حبيت أفيدج، واذا بغيتي أي شيء، أنا حاضرة، وفي الخدمة :27:

هلا عيوني .. وانشالله تكون اخت لنا في هذا المنتدى الرائع .
الاغلبيه كذا بعد الزواج وزنهم يزيد .. بس انتي لازم تشتري جهاز ..
السير الكهربائي .ز صراحه رااائع ونتايجه حلوة هو كبديل عن المشي .. ولمن يكون كهربائي ماتتعي بالمشي, ومثلا امشي فيه مرتين باليوم , كل مره 10 دقايق وبعد كم يوم زودي الدقايق شوي شوي وراح تحسي انك مابتتعبي .. شغلي التلفزون وامشي بالسير ..
وبالنسبه للاكل طالما انتي في البدايه وارادتك لسه ضعيف .ز ابدئي بالتخفيف مثلا لمدة اسبوعين وبتلاحظي ان معدتك صغرت عن اول ..
في الفطور افطري عادي اي شي لان الفطور عادة مهما اكلتي بينحرق السعرات الحراريه بسرعه (والافضل لو يكون فطورك قليل الدسم ) مثا عيش توست اسمر ومعاه جبنه او لبنة قليل الدسم , مع شاي او عصير برتقال او كوب حليب ..
.. لكن في الغذاء كلي نص الكميه ايلي تاكليها دايما ..
والعشاء خليه دايما خفيف .. اما فاكهه او لبن ويكون قليل الدسم او كوب حليب بالنسكافه ويكون قليل الدسم وحتى السكر اشتري قليل الدسم ..
وبين الوجبات اذا جعتي كلي اما فاكهه او خضار بس اتجنبي الموز و المانجا لانها تسمن والعنب ..
صدقيني الطريقه هذه تنفع لايلي ارادتهم ضعيفه , ومع الرياضه بتنزلي ..
اتجنبي الحلويات والمعجنات ولو بغيتي اكل من برا بس مره بالاسبوع ..مثلا في المطعم ولا شي .. حتى الشوكولاته او الحلى مره بالاسبوع .. يعني يكون يوم مفتوح ..
واي شي احنا حاضرين ياعسل ..

اشكر حبيباتب قيونية ودانة من كل قلبي
وthe true وزني كان 70 والحين 85 وحالتي حالة مثل حالتك كل يوم بكرة بسوي وراحت الايام وانا بكرة لاابدا من السبت لاابدا من اول الشهر"صايرة قصة" بس دعواتكم ودعمكم