خايفة اولد وانا بالسابع

بسم الله الرحمن الرحيم
السلام عليكم ورحمة الله وبركاته

يوم السبت وانا بالدوام حسيت بألم في بطني وتحملت قلت اكيد برد وطول الوقت يروح ويرجع
لما المغرب زاد علي شوي و فرحت بسرعه لمستشفى دله في الطوارئ وانا كنت اتابع عندهم بس كشكول يعني كل فترة عند دكتوره المهم اخر شي رسيت على ناديه
نرجع لموضوعنا في الطوارئ قالوا حامل روحي الدور الثاني او الثالث وجابوا عربيه بعد جهد وطلعوني فوق
كان فيه الدكتورة وفاء حسبي الله عليها جالسة تسولف بالجوال نص ساعه بعدين جتني فحصتني منتحت وقالت الرحم مسكر لازم تنويم بس نتاكد من وجود حاضنه للجنين رن جوالها وسفهتني وقالت للي تكلمها حاضر اكتب لك الادويه باسم مريضه ثانيه حسبي الله عليهاربع ساعه إلا رجعت
قلت انا مافيني ولادة مغص شوي وبس قالت لازم تنويم قلت ابي الدكتوره ناديه قالت لا مافي الا ممتازة حاليا

قلت اوكي طلعوني الغرفة وسوا تحاليل دم وبول (الله يعزكم )
قالت ممتازة معك التهاب في البول وعطتني مضاد في الوريد لمدة يومين وفوار واليوم كتبت لي خروج بس قبل الخروج عطتني ابره عشان رئة الجنين والثانية في الليل وحبوب تمنع التقلصات قالت حبه في اليوم واذا ماوقف حبتين او ثلاث في اليوم والحمد لله صرت احسن بس رجع يمغصني ألحين من جنب واحد مع الم في الظهر مع العلم اني في الاسبوع 28 و3 ايام وخايفه تكفون طمنوني وش اسوي اكثر عشان اوقف هالألم

ولو لا قدر الله وولدت وش بيكون وضع الجنين ولاتنسوني من دعائكم