خايفة ربي يعاقبني(دعواتكم ومشورتكم) الي كان او عندها طموح تدخل بعد

السلام عليكم

اذكرو الله (لااله الا الله) وصلوووو على النبي اللهم صلي وسلم عليه

السالفة ومافيها ياحلوووين


ابي شوركم في موضوعي على اني نزلته قبل بس مالقيت تجاوب فحبيت انزله مرة ثانية بهالقسم






انو ولله الحمد حاصلة لي فرصة ابتعاث


انا يابنات اخر العنقود وامي ماعندها غيري بالبيت هي وابوي والبقية متزوجين ومستقلين

اول ماطريت ابتعاث امي ماجاز لها الوضع لانو ماقد احد بجماعتنا بنت راحت تدرس وهي ماتزوجت فقالت لي هي وخواتي ترى محد باغيك اذا رحتي خخخخخخ ومدري ايش

عموما هي اقتنعت ولااقتنعت مرة تقول اذا خوانك بيروحون معك بكيفك بسلامتكم
ودها اني اتزوج قبل ودايما تدعي ان زوجي هو اللي بيوديني مو اخوي

بس ماجاء لاحمار ولافارس احلام للمعلومية


وابوي ماعنده مانع اكيد ماوده بفراقنا بس قال براحتكم مادام معك اخوك

طبعا الحين مابقى الا موعد السفر الله يسهل امري ويصبرنا


واختي اليوم كلمتها وقلت لها عن موعد سفرتي وقامت تهزء فيني شلون تتركين امي وابوي وتقولي هالسفرة مافيه خير لالك ولا دينك وماراح تستفيدين شي وش تبين بالدراسة والخ

من جد حسيت نفسي حشررررررررررة يعني اذا سافرت برا بنسى ربي السما الحين مو بكل مكان ورب السماء واحد شلون يعني

قلت لها انا ماني ارحم من الله ومادامهم راضين هذا اهم شي وامر المحرم متيسر ياربي لك الحمد لاتعيدون ولاتزيدون ربي يسهل ان شاء الله

وقالت لي كمان ماحد راح يبغاك كيف تكون نظرة الناس لوحدة ماتزوجت ومسافرة دولة كفر تدرس فيها يااااربي وش اسووووووي طيب انا ماحصلت لاوظيفة ولازواج ولاشي وانا نفسي اكمل دراستي وماحصلت لي الا برا والفرصة ماتجي الا مرة وخصوصا للي على قد حاله صعبة يكمل دراسة على حسابه الله يجزاه خير ابو متعب على هالفرص اللي عطناها


امي وابوي كبار بالسن ويعز علي فراقهم وشايله همهم

صار لي اكثر من 3 سنين عاطلة ماني محصلة وظيفة ولاشي ماخليت شي ماقدمت عليه بس ربي ماكتب
فقدمت على هالابتعاث وربي وفقني وتم القبول يالله لك الحمد عقبال التساهيل

سبحان الله هالوظايف يطمرون اسمي ويروحون للي تحتي مدري ليش هههه


الله يكبر حظي وحظكم بس


سؤالي لكم يابنات ياحلوين ياعوانس حتى اشعار اخر ولاتزعلون مني لاني مثلكم خخخخ حتى المتزوجات لو انتو مكاني وش راح تسووون

ولللمتزوجات هل فعلا الزواج يسوى اني اتخلى عن كل شي عشانه؟


حلو ان الوحدة تكون مستقلة ماديا وطموحة


انا نفسي اكون شاملة مستقبلا ان شاء الله اكون ام متعلمة عاملة زوجة ماودي بس يكون همي زوجي وين راح وين جاء وعيالي ومطبخي بس؟؟ مو من حق الوحدة تعيش لنفسها شوي

ومرات اقول لو مادرست وجلست يمكن لاسمح الله اتزوج واتطلق وارجع لاهلي يد ورا ويد قدام ارجع لهم بلا ولاشي

ومرات اقول شباب هاليومين مو حسوفة عشان اتخلي عن شي عشان احد لاصلاة يصلون لاحشيمة يحشمون


ومرات اقول انا مو موظفة ولا بنت عز ولا ولا عشان واحد يحرص انه يخطبني تخبرون كلن يدور الموظفة

يعني كذا والا كذا عمري راح يروح خسارة بلا هدف بلا علم الا استنى حمار الاحلام اللي يبغونه اهلي خخخخخخخ






وفي نفس الوقت

انا خايفة اني ماانجح علما اني ماعرف انجليزي ابد غير يس ونو وان كثرت كيف الحال بس انا فعلا رايحة عشان اتعلم لغة



لاني سمعت كثير بنات رجعو وشباب ماخذو بس الا لغة يقولون صعبة الدراسة برا فخفت اني مافلح

وانا مابي اخيب ظن امي وابوي وللمعلومة انا شبه غبية حتى اشعار اخر يالله لك الحمد الله يرزقني العبقرية والذكاء يااارب


وبخصوص الزواج ان حصل لي عريس كويس كان بها بس بنفس الوقت اخوي تعلق بالبعثة وحط امل وانا صراحة ودي اتزوج كان جاني عريس بنفس الوقت ماودي اكسر بخاطره اني اروح بلااه فهمتو علي؟

حلو تكونين عازبة مايكون وراك مسؤولية بس تخافين ماتعرسين ابد


يعني الزبدة خايفة ماافلح بالدراسة خايفة يروح عمري ماتزوجت ولاجبت عيال خايفة اتخذ قرار اندم عليه

انا حابة اغير من حياتي من روتيني حابة اتعلم حابة اعتمد على نفسي بس العمر يرووووووووح وودي افرح اميمتي وابوي ودي يشوفون عيالي

اخاف يموتون والا اموت انا وانا بعيدة عنهم


دعواتكم لي يابنات ان ربي ماكتب لي زواج قبل ماروح يكتب لي هناك على قولة امي يوم قلت لها يمكن الاقي نصيبي برا قالت ضرربة امريكي خخخخخخخخخخخخخخخ انتي صاحية صدقت ياعمري الله يطولي بعمرها














بصرااااااحة انا نفسي فيهاا نفسي ادرس ولاشلت هم العرس واجد لان اصلن محد يبي الا موظفة خخخ وبنفس الوقت خايفة ربي يعاقبني عشان تركت امي وابوي على انهم راضين يالله لك الحمد مدري شلوووووووون



دعوااااااااااتكم يارب ان يكتب لي الخير فيها ويسهل امري ويسخر لي من تولى امري ويحفظ لي امي وابوي



استنى ردودكم ودعوااااااااااااتكم