خايفة طمنوني الله يفرج لها من أوسع أبوابه الي تريحني

السلام عليكم
أنا حامل ولله الحمد الله يرزق أخواتي المسلمات جميعا. يارب يا كريم
بدايه حلمي كان كل شي تمام. الحمد لله لكن لما كنت. بالشهر الثالث تقريبا لي شهرين ونص. قمت من النوم بصلي العصر واروح دورة المياه والاقي الله يكرمكم دم في الكلوت واجيب منديل وأمس ويطلع دم كثر الكف زي الدورة وكل ما مسحت يطلع. طبعا انواع الرعب جاني الحمد لله سبق لي الحمل ماصارلي مثل كذا اول مرة. المهم رحت دله الطواري قالت الدكتورة عادي ونبض البيبي موجود مافيك شي طلعت من عندهم رحت الحبيب ونفس الحكايه الطواري بس كتبو لي دافستون وأقول تعالي بالليل سوي أشعه سويتها وقالت لي الدكتورة كل شي زين بس المشيمة شوي نازله تحت. وصرفو لي اسبرين. ولااستعملته والحمدلله أموري تضبطت وقف الدم من بكرة وجاتني افرازات بنيه ثلاث ايام وقفت. طبعا كل الكلام مافي اي الم سبحان الله بعدها بيمك14يوم وقفت الدفستون وبعد3ايام جتني افرازات خفيفه بنيه تقريبا 5ايام والحمدلله اصبحت أموري تمام ودخلت الشهر الرابع وانا كويسه وجتني مرة افرازات بنيه بدون سابق إنذار يومين وراحت. وصارت كذا تتكرر علي وكل مرة يقولو المشيمه شوي نازله. المهم نهابه الرابع كويسه الحمدلله وقالت المشيمة. ارتفعت وصارت تبعد2سم عن عنق الرحم والحركة تبع الجنين ما حسيت فيها الا متأخر تقريبا باول الخامس ومن دخلت الخامس بدت معاناتي افرازات بنيه. وكان يجيني مغص مثل الدورة مستمر جلس5ايام بدون افرازات او دم توقعته عاطي وفجاءه جاني شي غريب حسيت شي نزل واروح الحمام والاقي شي ثقيل الله يكرمكم لونه وردي معاه شي اصفر مثل الشحم تقريبا نص فمجال قهوة كان وخفت وكل ما مسحت طلعت لي هل لألوان وخفت بعدين وقفت بكرة الظهر قمت ونفس الحكايه جتني ورحت دله وطلبت الطبيبه تكشف من تحت ورفضت وعمان لي أشعه وطلع عندي سؤال وافرازات واضحه بالأشعة وقالت عنق الرحم مفتوح9مل والربط ما ينفع لك عشان المشيمة تحت والحل قالو زين اذا كملت24اسبوع بتولدين ولاده مبكرة وطلبو مني أخذ ابر تثبيت المهم أني محصلتها عندهم واروح للحبيب طوارى ونوموني عندهم تحت الملاحظة وعملة أشعه. طبعا كان بين الاشعتين تقريبا10ساعات فقط. وقالت لي الدكتورة أشتكت ممتازة والرحم مقفل. ولا فيك اي شي والمشيمه فوق قلت والله أنا شفت بنفسي التوسع والسؤال قالت مافيك شي بس كل الي طلع عندك التهاب بالبول طبعا وقفت الافرازات هذي طلعوني قبل العصر بساعة ورحت البيت توني داخله وحسيت شي نزل أشوف الا نفس الاشياء الورديه والصفرا بس اكثر وخفت مرة واروح دله عيادات ودخلت عند الدكتورة سهير وقالت لازم افحصك من تحت بالمنظار وكشفت قالت مافيه نزيف لكن فيه افرازات والرحم مفتوح شوي بنومك واسوي لك تحاليل واشعه وتنومت وجتني مستغربه وقالت ماطلع عندك التهاب بالبول بولك زين وكانت مستمرة علي افرازات بنيه ونقط دم تنومت يومين وعمان أشعه قالت الرحم تقفل إحنا نومناك ننتظرك تجهضين بس الحمدلله والرحم صار6مل تقفل خلاص. وطلعت واموري ماشيه بعد تقريبا يومين جاني دم طبعا كان معاي مغص مثل الدورة الشديدة وكل ما مسحت يطلع دم احمر صافي وقلت ورحت المستشفي عند الدكتورة ممتازة. وفحصتني وعملت لي أشعه قالت كل شي زين. طيب والدم هذا قالت وسخ. من برا. ورحت. وبعد تقريبا ثلاث. ايام جاني دم اكثر كل مامسح يطلع ومغص ورحت لها وقالت تنويم وتنومت وعملو لي أشعه وكل شي زين والمغص مستمر والدم أيضاً طبعا كانو يعطونه تحاميل مثبته مرتين باليوم وحبوب مرتين باليوم كنت استخدمها من اول ما تنومت عن الدكتورة سهير نوموني3ايام وبعد كذا طلعوني قالو مافيك شي وأمورك زين طيب والدم والمغص قالو مانعرف من وين ومشيمتك ارتفعت. الحين يا أخوات لي شهر تقريبا وانا معاي افرازات بنيه مستمرة مابين بني فاتح الي بني غامق جداً الى احيانا دم غير المغص. ويقولون لي عادي مافيك شي هذا شي خارجي اخر مرة امس رحت الدكتورة ايه وقالت أمورك زينه والرحم مقفل يمكن عندك بدايه انفصال في المشيمة هو الي مسبب الدم مع انه حقت الاشعه تقول رحمك مفتوح6مل وتقول هذا مقفل ومحتارة كل يوم أعيش برعب وخوف أخاف أولد أنا الان دخلت السادس لي تقريبا 13يوم وهذا حالي وش نصيحتكم لي اسكت ولا وش اسوي كل يوم أخاف أولد اذا شفت الدم والاستمرار هالمغص كم مرة قالو لو ولدتي الان بيمين الجنين توكلت على ربي سبحانه اعطوني مشورتكم ونصائحكم ولاتنسوني من دعواتكم بظهر الغيب حابه أيضاً أسئل عن حضانه دله للخدج مؤهله ولالا الله يريح كل وحده ترد علي ويحقق لها ماتتمنى