خايفة .. ما أحس بحركة الجنين !!

لاتخافي اختي ان شاء الله خيير
16 اسبوع بدري علي الحركه انا ما حسيت بيها الا بال 19 اسبوع

لا توسوسين اختي
انشالله ما فيه الا الخير
عادي ساعات تقل حركه البيبي طبيعي
انا الحين بالتاسع و حركه البيبي واااااااااايد قالت مو نفس قبل
لا تحاتين

انشاء الله بكاااااااااامل صحته
ومعافى
لاتخافي
وتوكلي على الله

إن شاء الله خير ..

لا تخافين حبيبي أنا ما حسيت بحركة البيبي إلا بنص الخامس

إيه والله حبيبتي دستي على الجرح أنا من يومين جاسيتني وساوس مثلج لأن قبل يومين كنت أحس زي حركة في بطني يعني زي تقلصات وفي بنات قالوا لي لو أركز راح احس بها بس كأنها حركة تقلصات في الرحم وبصراحة كنت أحس فيها بالليل وقت النوم لمن أتقلب في الفراش وخصوصاً اني ضعيفة ومافيني عرض "يعني مافيني لا كرش ولا ارداف" للعلم انا بطني بين وانا في الشهر الثالث زي الكورة الصغيرة اسفل البطن والدكتورة قالت لي بين عندي الكرش مال الحمل لأني ضعيفة ومافيني عرض وانا حطيت احتمال اني احس بحركة الجنين لأن كرشي بين بس من يومين ماحسيت وأنا خايفة حيل بس للعلم انا اللوعة والدوار مايزالوا عندي واحس بآلام تمدد الرحم "زي ألم دورة"وكثرة التبول وعدم المقدرة على النوم وآلام في حلمات الثدي .
يرحم والديكم طمنوني وريحوابالي اللي تعرف الله يريح بالكم ويحفظلكم أجنتكم وإياي.